¹ Mane ndakabona mungelo ulavwa kwizeulu. Kakwete maki a kwilambwe liteeli, alimwi kakwete incheetani inkando mwitashi lyakwe. ² Wakamukwata munyama, muzoka wakale kale, walo inguwe dyabulosi na Satani ukumwaanga kwa shuulu sha myaka. ³ Wakamusowela mwilambwe liteli. Wakamuyalila mo. Chechi chakachitwa kwaamba atachengi linji mashi kumana kwa shuulu sha myaka. ⁴ Ngoona ndakabona shuuna sha bwami. Bakushite wo kabali babo bakapewa insana shakubeteka. Alimwi ndakabona myoza yababo bakakosolwa mitwi nkaambo ka bumboni bwa Jeso u mazwi a Leza. Baina nibakamukomba munyama nichiba chibumbwa chakwe, alimwi bakakaka kutambula chaando chakwe ankumu naba etashi. Bakabushiwa, alimwi bakalela aze Kilisito kwa shuulu sha myaka. ⁵ Kunze lya babo bafu boonse kwiina bakabushiwa kushikila myaka ili shuulu niyakamana. Bobu mbubuke butaanzhi. ⁶ Ngushichoolwe alimwi ulasalala wezo wayanika mu bubuke butaanzhi! Ali baba lufu lwabili lwiina insana. Balakaba bapaizhi ba Leza uba Kilisito alimwi balakalela aze kwa shuulu sha myaka. ⁷ Shakaita bulyo shuulu sha myaka, satani ulaka ngululwa kuvwa muntolongo. ⁸ Ulakaya kuya kuchenga bantu mu makona one a chishi-Gogi alimwi u Magogi-kubaleta antoomwi ku Nkondo. Balakakuli banji banji ukoya musenga waku lwatele. ⁹ Bakaya mwibanda lyoonse lya anshi ukuya kuzhinguluka minzhi ya bantu ba Leza basalala-munzhi mukando muzandishi. Pele mulilo wakeza kuvwa kwizeulu wabalya boonse. ¹⁰ Satani, wezo wakabachenga, wakasowelwa mwizhiba lya mulilo wa salufa momo mwakasowelwa munyama u bashinshimi babeshi. Balakapenzhiwa muunza u mashiku kushikila kukabe kutamana. ¹¹ Ngoona ndakabona chuuna cha bwami chituba chikando alimwikakuli wakushite wo. Izeulu alimwi Iinshi shakakuvwa kumbele lyakwe, pele kakwiina busena nkushakukonzha kuya. ¹² Ndakabona bafwu-balemekwa u babo batalemekwa-balizhimine kumbele lya chuuna cha bwami, inzho mabuka akayalulwa. Kumane ibuka limwi lyakayalulwa- Ibuka lya bumi. Bafwu bakabetekwa kwendelana u shakulembelwe mu mabuka, kulishesho nshubakachita. ¹³ Lwatele lwakabaleka bafwu bakuli mo. Lufwu u Hadesi (busena bwabantu bafwile batakushoma Jesu) bakabaleka boonse baffwu bakuli mo, inzho bafu bakabetekwa kwingaina u milimo yabo. ¹⁴ Lufu u Hadesi boonse bakawaalwa mwizhiba lya mulilo. Lolu ndufu lwabili - izhiba lya mulilo. ¹⁵ Kuti izhina lya muntu lina kuyanwa ati ndilembe Mwibuka lya Bumi, wakasowelwa mwizhiba lya mulilo.