¹ Nishakaita sheshi shintu ndakatelela kusaba kukozhenye ukoya mazwi a bantu banji banji mwizeulu baompolola ati, "Aleluya! Lufutuko, bulemu, alimwi insana shibe kwa Leza wesu. ² Bubeteshi bwakwe mbwini bwini alimwi buliluleme, ukuti wakamubeteka mweleenze wezo wakachenga luundu kwiita mu maambe akwe .Leza wazhola bulowa bwa ba sebezhi bakwe kuvwa ku matashi a mukaintu." ³ Bakaamba lweendo lwabili: "Aleluya! Bushi bulauluka kuvwa kwakwe lyoonse u lyoonse." ⁴ Basololi bali makumi obile u bali bone u shintu shipona shone kwakaba kuwa anshi bamukomba Leza, wakushite a chuuna cha bwami. Kabaamba ati, "Ameni. Aleluya!" ⁵ Ngoona izwi lyakavwa ku chuuna cha Bwami, lilaamba ati, "Alumbwe Leza wesu, noonse nubasebezhi bakwe, umwe numumutiya, babo batalemekwa ubabo batiiwa." ⁶ Ngoona ndakatelela chisaba ukoya mazwi a makamu makamu a bantu, ukoya kuhuluma kwa meenzhi manji manji, alimwi ukoya mizuzumo ya mvula, lilaamba "Aleluya! Ukuti Mwami ulalela, Lez wesu, Shinsana shoonse. ⁷ Atusapwe ukubotelwa alimwi tumupe bulemu! Ukuti kusekelela kwa bwinga kwa shika, alimwi nabwinga wakwe walibambila. ⁸ Wakavumizhiwa kusama shisani shibeka uku sweya alimwi shitezhima"(ukuti shisani shubauba shitezhima michto ya bantu basalala ba Leza). ⁹ Mungelo wakamba kwangu ati, "Lemba chechi: Bali u choolwe babo batambe ku bwiinga bwa mwana mbelele.'' Alimwi wakaamba kwangu ati, ''Aza ngu mazwi meni meni a Leza.'' ¹⁰ Ndakawila ku matende akwe kwaamba mukombe, pele wakaamba ati, ''Utachiti chechi! Ame ndimusebezhinoko alimwi banyoko bakwete bumboni bwa Jeso Amukombe Leza, ukuti bumboni bwa Jeso inguwe moza wa bushinshimi.'' ¹¹ Mane ndakabona izeulu lyayaluka, ndakalanga ndabona imbizhi ituba. Walo ulyeenzha ulatewa mushomeshi alimwi mwini mwini. Mumukutasalulula mwabetekela alimw ukulwa. ¹² Menso akwe ali ukoya mulilo uzaka, alimwi ankumu yakwe kaali mishini minji minji. Ulikwete izhina lilembelwe akwe lyalo liina ulizhi izhina chita buyo lwakwe mwini. ¹³ Ulisamine chisani chakatobwa mu bulowa, inzho izhina lyakwe ngu Mazwia Leza. ¹⁴ Bashikalumaba bakwizeulu kabamuchilile a mbizhi, ulisamine shisani shitezhima, shituba u kusweya. ¹⁵ Mu mulomo wakwe mwavwa icheba linenga lyalo ndyasebezha ku kulwisha mashi alimwi ukalakalela kusebezha mungwala wachibulo. Walyatauka muchilindi cha masaansa mu bukali bwa Leza Shinsana shoonse. ¹⁶ Ulikwete izhina ilembe acikobelo chakwe u kwitende: "Mwami wabami.'' ¹⁷ Ndakabona mungelo ulizhimine kwizuba. Wakompolola iizwi ikando ku bazuni boonse bauluka, ''Kamwiza, amubungane kwipobwe ikando lya Leza. ¹⁸ Amwize mulye buzani bwa mibili ya bami, buzani bwa bashikalumamba, buzani bwa balombwana bansana, buzani bwa mbizhi ubwa babo benzha imbizhi, alimwi u buzani bwa balombwana boonse, bazhike u batali bazhike, batalemekwa alimwi u babo batiiwa.'' ¹⁹ Ndakbona munyama u bami ba luundu u bashikalumamba babo. Bakabungana kwaamba bamulwane wezo wakulizile imbizhi u bashikalumamba bakwe. ²⁰ Munyama wakakwatwa antoomwi u bashinshimi babeshi bakuchita shitondezho kumbele lyakwe. Mushitondezho sheshi wakachenga babo bakatambula chaando cha munyama ukukomba chibumbwa chakwe. Boonse bobile bakasweewa balalanga mwizhiba lya mulilo uzaka u salufa. ²¹ Bamwi babo bakayayiwa icheba lyakavwa ku mulomowakwe wezo wakulizile ambizhi. Boonse bazuni bakabulya buzani bwa bafu.