¹ Nishakamana sheshi shintu ndakabona mungelo umwi ulaseluka kuvwa kwizeulu. Kakwete insana shizoosha alimwi chishi choonse chakamunikilwa nkaambo ka bulemu bwakwe. ² Wakapozomoka iizwi ikando, ulaamba, "Uliwile, uliwile Babiloni mukando! Waba munzhi mukala ba daimona, intolongo ya myoza mibiyabi, intolongo bazuni batasalali, intolongo ya banyama boonse batazandwa. ³ Ukuti mashi oonse anwa waini wamamabe akwe mukaintu. Bami ba luundu bachita aze bumambe. Bashimpindu ba muchishi bahuba nkaambo kansana shabuponi bwakwe. ⁴ Mane ndakatelela izwi limwi livwa kwizeulu lyaamba, "Amumuvwe mwakwe, nu bantu bangu, kwaamba mutabi nimuba aze mushibi shakwe, alimwi kwaamba mutabi nimukatambula ko ku mapenzhi akwe. ⁵ Shibi shakwe shalundana kuya mwizeulu, alimwi Leza wazhibaluka michito yakwe itasalali. ⁶ Apewe aze mbubona mbwakapa bamwi, alimwi alipilwe chibaala kuvwa kuli nshakachita; Munkapu mwakasanganyinya, amubaazhe a mweelwe wakwe. ⁷ Mbubona mbwakulisumpula ukukala mubutekele, nomupe mbubona chisubulo alimwi ubuusu. Ukuti ulalyambila mu mozo wakwe ati ndishite ukoya mwami mukaintu; Nshili muka mufwu, alimwi ndiina ninangilwa kuya kulila.' ⁸ Ubobo mu buzuba bomwi mapenzhi akwe alakashika: lufwu, kulila, alimwi u kubula chakulya. Ulakazonaunwa u mulilo, ukuti Mwami Leza mukando, alimwi ngu mubeteshi wakwe." ⁹ Bami ba muchishi bakachita aze bumambe ukukakilwa kulichindulula beni balakalila u kwenanana chiindi bakabona bushi bwakutentwa kwakwe. ¹⁰ Balakazhimina alaale, mukutiya kupenga kwakwe, balaamba, "Maawe, maawe ku munzhi mukando, Babiloni, munzhi ulikwatile! Ukuti mu iwoola lyomwi kusubulwa kwako kwashika.'' ¹¹ Bashimpindu ba mu luundu balamulila nkaambo kwiina u chibaula ku makwebo. ¹² makwebo a golide, siliva , mabwe mebeshi, mabwe adula, shisani shitezhima, shisani sha mubala wa shichisu, shisubila, Yoonse mishobo ya mapulanga, shoonse shintu shipange kuvwa ku meya a bazovu, Shintu shoonse shipang kuvwa ku mapulanga mebeshi, lubulo lwa bronze, iron, marble, ¹³ cinamon, tununkilizho twamushakulya, tununkilizho twa incense, myrrh, frankincense , waini, mafuta, fulawa, wheat, in'gombe imbelele, imbizhi, ushikochi, mibili u myoza ya bantu. ¹⁴ Muchelo nguwakuzandisha mu nsana shako wabwezwa kuvwa kwako. Boonse butekele u buhubi bwako bwaloba, kuchiina linji nibuya kuyanwa. ¹⁵ Bashimakwebo ba shintu sheshi boonse bakahuba nkaambo kakwe balakazhimina alaale kuvwa kwakwe nkaambo ka kupenga, kulila u komoka kwakwe. ¹⁶ Bala kaamba ati, "Mawe, mawe ku munzhi mukando wakusamine shisani shitezhima, shisubila, alimwi kabambilwe u golide, mabwe mebeshi alimwi u mabwe a dula! ¹⁷ Muchiindi chishoonto buyo boonse buhubi buli bobo bwazonaunwa." ¹⁸ Bakalila nibakabona bushi bwakutentwa kwakwe. Bakaamba ati, "Munzhi uli ukozhenye u wezu munzhi mukando." ¹⁹ Bakalilamba lufuko a mitwi, bapozomoka, balila chakwenanana, "Maawe, maawe ku munzhi mukando kwalo koko boonse bakukwete mato ku lwatele nkubakahubila kuvwa ku buhubi bwakwe. Ukuti mu iwoola lyomwi boonse buhubi bwakwe bwazonaunwa.'' ²⁰ Amusapwe ali nguwe, izeulu, umwe nu bantu basalala alimwi nu batumwa u bashinshimi, ukuti Leza waleta lubeta lwenu ali nguwe!'' ²¹ Mungelo wakabweza ibwe likozyanya impelwe ngoona wewaala mu lwatele, ulaamba, mbubona bolya, Babiloni, munzhi mukando, mbuti ukawaalwe chansana alimwi kwiina nukakabonwa ulimwi. ²² Kusaba kwa ba shitulumbu, baimbi, bashikufwiba impeta u mitolilo kwiina nishikaatelelwa linji. Kwiina linji shikufwala ukaayanika muli uwe. Kwiina kusaba kwa chigayo chikaatelelwa linji muli uwe. ²³ Mumuni we lampi wina nukamunika linji muli uwe. Mazwi a shibwinga alimwi a nabwinga kwiina nati akatelelwe linji muli uwe, ukuti bashimakwebo bako kabali bana ba bami ba anshi, alimwi mashi akachengwa nkaambo ka bun'ganga bwako. ²⁴ Muli nguwe bulowa bwa bashinshimi almwi u bulowa bwa babo boonse bakayayiwa ano anshi."