¹ Ndakatelela izwi livwa mwi tempele liloompolola bangelo bali chiloba lilaamba, "Kamuya anshi mukatile mitiba ya bulakali bwa Leza." ² Munglelo mutaanzhi wakaya kutila mutiba wakawe anshi; shibiyabi ulimwi shilonda shichisa shakamena anseba sha bantu boonse bakukwete caando cha munyama, balo bakukomba chibumbwa chakwe. ³ Mungelo wabili wakatila mutiba wakwe mu lwatele. Lwakasanduka kuba bulowa, ukoya bulowa bwa muntu ufwile, ulimwi shoonse shipona shaakuli mu lwatele shakafwa. ⁴ Mungelo watatu wakatila mutiba wakwe mu lweenje u mutuzhibaasho shakaba malowa. ⁵ Ndakatelela mungelo wa meenzhi ulaamba, "Uwe ulasalala-uliko, alimwi wakuliko, usalalisha - nkaambo wabeteka sheshi shintu. ⁶ Nkaambo bakatila bulowa bwa bantu uba shinshimi ba Leza balo basalala, wababpa bulowa kwaamba banwe; nkaambo incho chibelele.'' ⁷ Ndakatelela chipaililo chaingula, "Ee, Mwami Leza Shinsana shoonse, bubeteshi bwako mbwabwini alimwi bulasalala." ⁸ Mungelo wane wakatila mutiba wakwe kwi zuba, inzho lyakapewa insana shakutenta bantu u mulilo. ⁹ Bakatentwa kwi banga banga, inzho bakatuka izhina lya Leza, walo wakukwete insana ku miika yezhi. Baina nibakabeba nikuba kumupa bulemu. ¹⁰ Ngoona mungelo wasanu wakatila mutiba wakwe a chuuna cha munyama, inzho mushinze wakayala bwami bwa munyama. Bakaluma inkwino nkaambo kakuchisa. ¹¹ Bakamutuka Mwami Leza wa mazeulu nkaambo kakuchisa kwa shilonda, ubobo bakakaka kubeba kushibi shabo. ¹² Mungelo wa chisambomwe wakatilila mutiba wakwe mu mulonga mukando Euphrate, Meenzhi a Milonga yezhi akazuma kwaamba baite bami bavwa kwiwe. ¹³ Ndakabona myoza mibiyabi yakulibonya ukoya bakabombwe bavwila mu mulomo wa munyama, wa munyama, alimwi u bashinshimi babeshi. ¹⁴ Ukuti myoza ya ma daimona alo achita maleele. Kabaya ku bami bachishi choonse kwaamba bababunganye kuya kunkondo mu buzuba bukando bwa Leza Shinsana Shonse. ¹⁵ ("Langa! Ndakwiza ukoya muteu! Mulongezhe wezo ulindilila, usamine chikobelo chakwe kwaamba tenda chintanda ulimwi kwaamba batabi nibabona kusampuka kwakwe.") ¹⁶ Bakabaleta boonse kubusena butewa Amagedoni mu chi Hebulu' ¹⁷ Ngoona mungelo wa chisambomwe wakatila mutiba wakwe mu mulengalenga. Ngoona izwi ikando lyakavwa muchikombelo alimwi ukuvwa ku chuuna cha bwami, lilaamba, "Chachitwa!" ¹⁸ Kakuli indabo, mizuzumo, makali a mvula, kuzhangama kwa Nshi kutizha- kuzhangama kwa nshi kwalo kutana chitikile kuvwa ku malengelo a bantu ano anshi, Kuzhangama kwa nshi kukwakuliko. ¹⁹ Munzhi mukando wakandanyiwa mushipanzha shotatwe inzho minzhi ya chishi yakawa. Leza wiina nakaluba kubisha kwa Babiloni mukando, ubobo wakopa munzhi mukando inkapu izwile waini mupange kuvwa kubukali bwakwe. ²⁰ Shilwa shoonse shakazhimingana, awo mapili aina nakalibonya linji. ²¹ Chivula mabwe chikando, chilemu, chakawa kuvwa mwizeulu kuwila bantu. Bakatuka Leza nkaambo ka chivula mabwe nkaambo chechi chivula mabwe chakuli chikandosha .