¹ Ngoona ndakabona munyama ulavwa mu lwatele. Kakwete meya ali ikumi u mitwi ili chiloba. Kumeya akwe kakuli mishini ili ikumi, alimwi a mutwi umutwi kakuli izhina lyaamba matushi. ² Wezu munyama ngwindakabona kali ukoya shiluwe. Matende akwe kaali ukoya a muchele alimwi mulomo wakwe kooli ukoya wa shuumbwa. Munyama wakashipa insana shakwe, chuna cha bwami bwakwe, alimwi iinsana shakwendelezha. ³ Umwi mutwi wa munyama kakwete ilonda ikando, pele ilonda lelyo lyakapona. Chishi choonse chakafwa bukandu ukuchilila munyama. ⁴ Alimwi bantu boonse bakamukomba munyama, ukuti walo wakapewa insana shakwendelezha kuvwa ku chinyama. Bakachikomba chinyama, abo, alimwi bakatolelela kwaamba ati, "Nguni uli ukoya chinyama?" alimwi "Nguni wezo ukonzha kulwana u chinyama?" ⁵ Chinyama chakapewa mulomo wakwaambya mazwi akulitembaula alimwi u matushi. Chinyama chakahumizhiwa myezhi ili makumi one u myezhi yobile. ⁶ Inzho chinyama chakayalula mulomo ukwaamba matushi akutuka Leza, kutuka izhina lyakwe alimwi imungano yakwe, babo bakala kwizeulu. ⁷ Munyama wezo wakapewa insana shakulwisha bantu bana musalazhi ba Leza alimwi ukubazunda. Ulimwi, bwendelezhi ku mishobo, bantu, milaka, alimwi u mashi oonse. ⁸ Bantu boonse bakala anshi balakamukomba, woonse wezo ukwete izhina litalembelwe mwi buka lya bumi, lyalo lya Mwanambelele walo wakayayiwa kuvwa kuvwa kumalengelo a Luundu. ⁹ Kuti kuli ukwete matwi, natelele, ¹⁰ Kuti kuli welele kutolwa mubuzhike, mubuzhike ulakaya. Kuti na kuli welele kuyayiwa icheba, ulakayayiwa iicheba. ¹¹ Ngoona ndakabona munyama umwi ulavwa mu Luundu. Kakwete meya obile ukoya mwana wa mbelele, alimwi kaamba ukoya munyama. ¹² Wakasebezha insana shoonse shabwendelezhi sha munyama mutaanzhi mu menso akwe, alimwi wakapa kwaamba luundu loonse ubabo bakuli mo bamukombe munyama mutaanzhi - munyama uli chilonda chakapona. ¹³ Wakachita maleele makando. Wakalozha ukulosha mulilo anshi kuvwa kwizeulu kubushu bwa bantu. ¹⁴ Mushitondezho wakapewa insana kuzhiminina munyama, wakachenga boonse bali anshi, ukubambila ati bapange chibumbwa cha munyama - walo wakachiswa icheba, pele wakapona. ¹⁵ Wakavumizhiwa kupa moza wakuzoza ku chibumbwa cha munyama kwaamba chilozhe kwaamba ukupa kwamba babo boonse bakaka kukomba munyama bayayiwe. ¹⁶ Alimwi wakashinikizha boonse, batalemekwa, bashinsana, bavubi u bapushi, bangulushi u bazhike, kutambula chaando etashi lya chilyo naba ankumu. ¹⁷ Kachili chizumu ku muntu woonse kuula naba kusambala chita kuti ulikwete chaando cha munyama, walo , mweelwe uzhiminina izhina lyakwe. ¹⁸ Chechi chilazanda busongo. Kuti na kuli wezo ukwete busongo, noomuleke abalile mweelwe wa munyama. Ukuti mweelwe wa muntu. Mweelwe wakwe Myaanda ili chisambomwe, u makumi chisambomwe u chisambomwe (666).