¹ Ulimwi Jeso wakenjila mu sinagogu, momo kamuli mulombwana umwi wakuli mulema itashi. ² Bantu bamwi bamulangisha Jeso kwamba babone na ukalaponya mubuzuba bwa Sabata kwamba bamuyanine mulandu. ³ Jeso wakambila mulombwana wezo wakuli mulema kwitashi ati, "Eenda uzhime akati." ⁴ Amane Jeso waabuzha bantu ati, "Sa nceelelo kucita ciluleme mubuzuba bwa sabata na kucita cibiyabi; kufutula bumi na kuyaya?" Pele boonse baina nibaingula. ⁵ Wakabalang bantu boonse umbukali, Nkaambo kakuzuma myozo kwa bantu, wakabilwa, wakambila mulombwana wezo ati, "Tandabika itashi lyako. "Wakalitandabika, ngoona awo itashi lyakaba kabotu. ⁶ Ndilyona ba falisi bakavwa baya kuswangana ubana Heloda kwamba bayane inzhila mbubakonzha kumuyaya Jeso. ⁷ Kuvwa awo Jeso, ubashichiya bakwe, bakaya ku Lwatele, bantu banji banji bavwa ku Galilaya ku Judeya baamucilila. ⁸ Ulimwi uku Jelusalema uku Idumiya kubikilizha uminzhi ili kubala mu Jodani uu Taya ulimwi u Sidoni. Nibakatelela nshakacita Jeso, bantu banji banji bakeza nkwakubele. ⁹ Wakambila bashichiya bakwe ati bamuletele Bwato bushoonto nkaambo kakuhula kwa bantu, kwamba batabi nibamushanikizha. ¹⁰ Mbwakaponya banji banji, ceci cakapa kwamba boonse babo bakukweta malwazhi bazandishe kumusena kwamba bamwaampe. ¹¹ Kufumbwa myoza mibiyabi niyamubona, kabawa ukulilisha, ukwamba ati, "Uwe uli mwanakwe Leza." ¹² Wakabalailila ati batabi nibambila muntu naba womwi. ¹³ Wakaliza a lupili , wompolola babo mbakakuzanda, abo bakeza kwakwe . ¹⁴ Wakasala bali ikumi ubobile (balo mbaketa ati Batumwa) kwamba babe aze ulimwi kwamba abatume kuku kambauka mulumbe, ¹⁵ ulimwi ukwamba bakwate insana shakutanda ma Daimona. ¹⁶ Wakasala bali ikumi ubobile: Saimoni ngwakaulika ati Pita; ¹⁷ Jemusi mwanakwe Zebedi, u Joni munina Jemusi walo ngwakaulika ati Bowanegesi, calo cipandulula ati bana bamuzuzumo; ¹⁸ u Andulu , Filipo, Batolomeu ,Matayo,Tomasi, Jemusi mwanakwe Alufiyasi ,Tadeyasi ,Saimoni wakuchishi ca Zeloti, ¹⁹ u Judasi Isikalioti, wakulanjilwa kumwaaba. ²⁰ Amane wakaya ku munzhi, banu banji bakamubunganina ulimwi cakukakilwa ukulya niciba Cinkwa. ²¹ Basazhiina nibakatelela bakaya kwamba bamukashe, bamba ," wasondokka." ²² Balembi bavwa u Jelusalema bakamba ati,'' Ulinjililwe moza wa Bezebu '' '' ulimwi ulinjililwe moza wa mwami wama daimona ngatanda.'' ²³ Jeso wakabeta ukubaambila kwiita mushikozhanyo, "Mbubuti satani mbwakonzha kumutanda satani? ²⁴ Kuti na cishi cilyandeene tacikonzha kuba Cishi ciya kumbele. ²⁵ Ayo inganda yandeene yezho tekonzha kuba inganda iiya kumbele. ²⁶ Kuti na Satani walibukila mwini ukulyaandanya , takonzha kuya kumbele, azo alaba mamanino akwe. ²⁷ Pele kwiina muntu ukonzha kunjila munganda ya muntu shinsana ukwiba shintu katana kutanguna kwaanga wezo muntu shinsana, amana nanjila kuzonauna munganda. ²⁸ Cini cini ndamwambila ati , shoonse shibi sha bana babantu shilakalekelelwa , nakaba matushi ngubatuka , ²⁹ Pele kuli wezo utuka Moza usalala kwiina nakonzha kulekelelwa, pele ulikwete cibi ciina unicikalekelelwa." ³⁰ Jeso wakaamba bobo nkaambo kabamwamba ati" ulikwete Moza mubiyabi." ³¹ Inzho baina ubanina bakeza bazhima ansengwe .Bakamutumina, ati akuya. ³² Bantu banji banji kabashite balimuzhingulukile amana bakamwambila ati, "Banoko alimwi ubanyoko ngubali ansengwe, balakukapula." ³³ Wakabaingula ati , mbubani baama ubakwesu?" ³⁴ Wakabalanga bakumuzhingulukile ngoona wakaamba ati, "amubone, mbubaba baama u bakwesu ³⁵ Ukuli wezo woonse ucita luzando lwa Leza wezo muntu ngumukwesu, ulimwi ngumucizhi ulimwi ngu baama."