¹ Lelyo Jeso nakahwa ku Kapenaumu kwiite mazuba mashoonto, kwakateelelwa kwaamba nkwali kung'anda. ² Bantu banji banji bakalundana kakwiina busena busheele, nikuba kumulyango, amane wakaamba izwi nkubabale. ³ Kumane kwakezhiza balombwana u bakaakuzemwine mulombwana mulema; kakumuzemwine balombwana bone. ⁴ Nibakakakilwa kushika kufwaafwi u kaambo kakuhula kwa Bantu, bakahumbula lululi ngaakubele Jeso, nibakayana busena, bakaselumuna Isasa ngaakulele wezo mulombwana mulema. ⁵ Kubona lushomo lwabo, Jeso wakaamba kumulema ati, "Mwanangu, shibi shako shalekelelwa." ⁶ Inzho bamwi balembi bakaakushite alya, bakatalika kutelaika mukati mumyono yabo, ⁷ "Anu wezu mulombwana ulakonzha kwaamba buti bolya? Ulasampaula! Nguni ukonzha kulekelela shibi chita Leza iche bulyo?" ⁸ Ndilyona ulyona Jeso wakezhiba umoza wakwe nchibakaakutelaika mukati kabo. wakaamba nkubabele, "kaambooyi nchimutelaika bolya mumyonzo yenu?" ⁹ nchiiyi chuubauba, kwaamba ku Mulombwana mulema, shibi shako shalekelelwa; na kwaamba, zhimuka, 'bweza Isasa lyako enda'? ¹⁰ Pele kwaamba ati umwe muzhibe ati Mwanaa Muntu ulikwete insana anshi ano ushakulekelela shibi, "wakaamba kuchilema, ¹¹ "Ndaamba nkuubele, zhimuka, bweza Isasa lyako, koya kung'anda yako." ¹² Wakazhimuka ndilyona ukubweza Isasa lyakwe, amane wakahwa mung'anda kubushu bwa Bantu boonse, ubobo boonse bakazhingwa u kulumbaizha Leza, alimwi bakaambaati "tatunachibwene chechi chili bolya," ¹³ Wakaya alimwi kwizhiba, iinkamu yoonse yakezhiza kwakwe, u kubayiisha. ¹⁴ Nakaakwiita, wakabona Levi mwanakwe Alufiyasi ulishite kwitente lya shimutelo u kumushimwina ati, "nchilila."Wakazhimuka u kumuchilila. ¹⁵ Jeso wakayakulya chakulya mung'anda yaka Levi ubashimitelo banji banji u bashishibi bakalyaabo u bashichiiya bakwe, kabali banji banji bakamuchilila. ¹⁶ Lelyo balembi, mbubali ba Falisi, nibakabona kwaamba Jeso ulalya ubashishibi ulimwi uba shimutelo, bakaambila bashichiiya ati, kaambooyi ulalya uba shimutelo ulimwi ubashishi?" ¹⁷ Lelyo Jeso nakateelela makani aza wakaamba nkubabele ati, "bantu bakwete insana mumubili tabakapula mung'anga; chita bulyo bantu balwazhi mbubamuzanda. Ndiina indakezhila bantu baluleme, pele bashishi." ¹⁸ Uninzho bashichiiya baka Johani uba Falisi kabaliimwa kulya. Bamwi bantu bakazhiza u kwaamba kwakwe ati, "kaambooyi bashichiiya baka Johani u bashichiiya baba Falisi balaliimwa kulya?" ¹⁹ Jeso wakaambila ati, "Sa beendelezha bwinga balakozha kuliimwa bali ushibwinga? Bakuchili u shibwinga tabakonzha kuliimwa kulya. ²⁰ Inzho mazuba alakashika shibwiinga naaya kutolwa kuhwa nkumubele, lelyo kumazuba azo balakaliimwa. ²¹ Kwiina muntu usasa kasni kapiya achisani chikulukulu. kwaba bobo checho chisani chilazapuka, chipiya kuhwa kuchikulukulu, amana chipulo chilakomena. ²² Kwiina ukonzha kubika Wayini mupiya Muminkuli yakale kale. Ubulyo Wayini ulachaandula Chinkuli nkukuti Wayini uchinkuli ulashiluza shoonse. Ubobo, Wayini mupiya ulabikwa muchinkuli chipiya." ²³ Mubuzuba bwa Nsabata Jeso wakaita mumuunda wamaila bamane bakaitilila, bashichiiya bakwe bakatalika kubweza mitwi yamaila. ²⁴ Ba Falisi bakaamba kwakwe ati, "Langa, kaambooyi balachita chintu chitali mumulawo mubuzuba bwa nsabata?" ²⁵ Wakabaambila ati, "Sa mwiina nimwakabala nchaakachita Devidi lelyo naakabulilwa u kufwa inzala--walo u bantu mbakaakuli abo-- ²⁶ mbwakaya mung'anda ya Leza lelyo Abiyata naakuli mupayizhi mukando, u kulya chinkwa chamuchipayililo, chatakaakuli mumulawo kuli oonse kuchilya chita bulyo Bapayizhi, u kuchipa kuli babo mbaakuli abo?" ²⁷ Jeso wakaamba ati, "InSabata yakabambilwa muntu, kutali muntu kubambilwa inSabata. ²⁸ Ubobo, Mwanaa Muntu ngu Mwami, ulimwi nguwa inSabata."