Chaandano 5
1
Lelyo Jeso naakabona makamu makamu, wakaya ezeulu alupili. Awo lelyo naakakala anshi, bashichiiya bakwe bakashika kwakwe.
2
Wakayalula mulomo wakwe wakatalika kubayiisha, waamba ati,
3
"Mbalonjezhe bapushi ku moza, kaambo bwami bwakuzeulu mbubwabo.
4
Mbalonjezhe babo balila, kaambo balakaumbulizhiwa.
5
Mbalonjezhe babonhu, kaambo balakakona inshi.
6
Mbalonjezhe babo bafwu inzala alimwi iinyota yabululami, kaambo balakakuta.
7
Mbalonjezhe bashiluse, kaambo balakatambula luse.
8
Mbalonjezhe basalala mumonzo, kaambo balakamubona Leza.
9
Mbalonjezhe baleta luumuno, kaambo balakatewa ati mbana ba Leza.
10
Mbalonjezhe babo bakapenzhewa u kaambo kabululami' bwalo, balo chabo mbwami bwakwizeulu.
11
"Mulibalonjezhe umwe lelyo bantu nibamutuka u kumupenzha u kwaamba mishobo yoonse ya shintu shibiyabi shakubeya kaambo kangu.
12
Amusekelele u kubotelwa, kaambo bulumbu bwenu mbukando kwizeulu. Munzhila yezhi njiyona bantu bakapenzha bashinshimi umwe kamutana kubawo.
13
"Umwe ndimwe mwino wa anshi, Naakuti mwino wasabuluka, no ulapangululwa buti kuba mwino alimwi? Kwiina linji nuukabota chita bulyo kuusowa u kuulyatauka bantu u matende abo.
14
Muli mumuni wa luundu. Munzhi mukando uuli aluulu tookonzha kusesekwa pe.
15
Naaba bantu kusonsa ilambe bamana balibika kunshi ku chibbakete, pele chita alya achikalilo chelambe, ukupa mumuni kuli woonse uuli mung'anda.
16
Chita kwaambo mumuni wako umunike kubantu munzhila yezhi baleebona michito yako mibotu u kutembaula Ushenu walo uuli kwizeulu.
17
"Mutabi nimutelaika ati Ume ndeza kuzonauna mulawo naa bashinshimi pe. Ndiina kwiza kwiizonauna, pele kwiza kwiizuzukizha.
18
Chini chini Ume ndamwaambila inshi iizeulu shilakamana, kwiina kabala kashoonto na kapazha kashoontosha kako kati kakakuhwe ku mulawo, chita shoonse shintu shikazuzukizhiwe.
19
Ubobo kufwumbwa uu kasotoka malaile u kuyiisha bamwi kuchita bobo ulakatewa ati ngumushoonto mubwami bwakwizeulu. Pele kuli woonse uuwabamba u kwayiisha ulakatewa ati ngumukando mubwami bwakwizeulu.
20
Ubobo ndamwaambila chita bululami bwenu bubaale a bululami bwabalembi uba Falisi, mwiina mbumukakalozha kunjila mubwami bwakwizeulu.
21
"Mwakateelela kuti kwakaambwa nkubabele kuchiindi chakale kale ati, 'Utabi nuukayaya,' alimwi, kufwumbwa wezo ukakayaya ulalangilwa kuya kubetekwa.'
22
Pele Ume ndamwaambila kuti woonse wezo ulemanina munina ulalangilwa kuya kubetekwa,' alimwi woonse uwaamba kumunina, 'Uwe u muntu uuyiina nchaakwete!' ulalangilwa kutolwa kukabunga; alimwi kufwumbwa uuwaamba ati, 'Uwe umuntu mulimbushi!' ulalangilwa kuya mulambwe lyamulilo.
23
Naakuti ulazanda kupa chipo chako achipayililo wamana watelaika kwaamba ulikwete kaambo u mweenzhinoko,
24
chishiye chipo chako ambele lya chipayililo, koya bweela. Kutaanguna amuteelezhanye u munyoko, wamana koya ukape chipo chako.
25
Amuteelenzhanye kufwambaana uwezo nguukwete aze kaambo kamutana kushika kunkuta, u bulyo wezo uukukwatile kaambo ulakutola umatashi aa mubeteshi, aze mubeteshi ulaba nakutola mumatashi aa mushilikani, alimwi ukalaba nuukawaalwa muntolongo.
26
Chini chini ndakwaambila, wiina nuukakamuhwa momo chita ukalipile ipeni lyamamanino ndyuwakakweleta.
27
Mwakateelela kwaamba chakaambwa ati, 'Utabi nuuchita bumambe,'
28
Pele Ume ndaamba kwenu ati woonse wezo uulangilila mukaintu chakumulikumbuzha ati wachita kale bumambe mumonzo wakwe.
29
Naakuti linso lyaku chilyo lilakupa kulifwumpula, likushe wamana ulisowe likuhwe kwako. Chabota kwako kwaamba chipazha chimwi chako kufwa kubaala mubili wako woonse ukawaalwe mumulilo.
30
Naakuti itashi lyako lyalulyo lilakufwumpuzha, likosole wamana ulisowe kuhwa kwako. Chabota kwako kwaamba chipazha chimwi chako kufwa kubaala mubili woonse kuya kupiya mumulilo.
31
Alimwi kwakaambwa ati, 'Woonse wezo uutanda mwinakwe, naamupe chipepa chakulekana,'
32
Pele Ume ndaamba kwenu ati woonse wezo uuleka mwinakwe, wamuchita kuba shimamambe. Woonse wamutwala lelyo naalekelwe ati aze wachita bumambe.
33
Alimwi, mwakateelela kuti kwakaambwa kuchiindi chakale kale ati, 'Utabi nuupinga chakuchenga, pele tola kupinga kwako ku Mwami.'
34
Pele Ume ndaamba kwenu ati, utabi nuulipinga pe, nikuba mwizeulu, kaambo nchichuuna chaka Leza;
35
nikuba anshi, kaambo ngumalyatilo aamatende akwe; nikuba ku Jelusalemu, kaambo ngu munzhi mukando wa Mwami mukando.
36
Nikuba kulipinga amutwi wako, kaambo tulozha kupanga kasusu kako kutuba naa kushiya.
37
Pele kwaamba kwako nakube 'Eeye, eeye,' na 'Pe pe, pe pe.' Choonse checho chibaala aali chechi ati chahwa kumubiyabi.
38
Mwakateelela kuti chakaambwa ati, 'Linso ku linso, alimwi lino ku lino.'
39
Pele Ume ndaamba kwenu ati, utabi nuumukaka wezo mubiyabi. Naakuti, kuli wakuuma kwitama lya chilyo, mupe ukoku kumwi ako.
40
Nakuti kuli wezo uuzanda kukunanga chakusama chako, muleke wezo muntu abweze uchakusama cheezeulu.
41
Naakuti kuli wakushinikizha kuya maile womwi, amuye aze bamaile bobile.
42
Mupe woonse wezo wakukumbila, Wamana utakaki kuli wezo uzanda kulomba kwako.
43
Mwakateelela kwakaambwa ati, 'Ulyeelele kufwuna shimukobonoko u kusula shinkondonoko.'
44
Pele Ume ndaamba kwenu ati,amufwune bashikondonokwenu alimwi amukombele babo boonse bamupenzha umwe,
45
kwaambaati umwe mukabe banakwe Ushenu wezo uuli kwizeulu. Wezo uupa izuba kubala ababiyabi u babotu, alimwi utuma inhula a beni beni alimwi u batali beni beni.
46
Naakuti wafwuna babo bakufwini, mbulumbuuyi mbuukayana? Inta abo babwezelelela mutelo balachita chintu chomwi mbubona?
47
Naakuti ulaanzha bulyo bazhinoko, nchiiyi nchuuchita kuli bamwi? Inta abo bahwa mashi balachita chintu chomwi mbubona?
48
Ubobo mulyeelele kuba beni beni, ukoya Ushenu uuli kwizeulu mbwaali mwini mwini.