¹ Kumazuba azo Johani mupapatizhi wakazhiza uleza bukambauka mulukula lwa Judeya kaamba ati, ² "Amusanduke, kaambo bwami bwakwizeulu buli afwaafwi." ³ Kaambo wezu nguwakaakwaambwa u mushinshimi Izaya, kaamba ati, "Izwi lyakwe wezo shikoompolola mulukula, 'Amululamike inzhila ya Mwami, amushisuumike inzhila shakwe."' ⁴ Inzho Johani kasama shisani shaboza bwa nkamela u lutambo lwa chikanda muchibuno chakwe. Chakulya chakwe kashili inkwikwi alimwi u buchi bwa mwisokwe. ⁵ Awo Jelusalemu, woonse u Judeya, u busena boonse buzhingulukile mulonga wa Jodani bakaya kwakwe. ⁶ Bakapapatizwa nkwabele mumulonga wa Jodani, bakalilekelela shibi shabo. ⁷ Pele lelyo naakabona Ba Falisi uba Saduki banji banji baleza kwakwe kwiza kupapatizwa, wakaamba kwabo ati, "Umwe nubana bachipile, nguni wakamuchenjezha kwaamba mukuhwe kubukali bobo buzhiza? ⁸ Amutondezhe muchelo uyingaina ukulilekelela. ⁹ Mutabi numutelaika u kwaamba lwenu nubeni ati, 'Tulikwete tatesu Abulahamu.' Ume ndaamba kwenu ati Leza ulalonzha kubusha bana baka Abulahamu nikuba kuhwa mumabwe aza. ¹⁰ Keembe kakabikwa kale akati kamizanda ya masamu. Isamu lyoonse lelyo liteezha muchelo mubotu lilakosolwa u kuwaalwa mumulilo. ¹¹ Ume ndamupapatizha u meenzhi aalubebo. Pele wezo uzhiza munshi lyangu ulikwete insana kubaala Ume, Amana Ume nshilozha u kwaangulula impato shakwe. Walo ulaka mupapatiza umwe u moza usalala alimwi u mulilo. ¹² Chuululuzho chakwe chili mwitashi lyakwe kwaamba abambe kabotu kabotu a chitebulilo chakwe alimwi u kubungika Wiiti mung'anda yachizobolelo. Pele ulakatenta ikwishi kwishi mumulilo wezo walo u takakazhimi pe." ¹³ Inzho Jeso wakahwa ku Galili waya ku mulonga wa Jodani kwaamba a kapapatizwe kwa Johani. ¹⁴ Pele Johani wakasoleka kumukasha, waamba ati, "Ume ndyeelele kupapatizwa kwako, alimwi uleza buti kwangu?" ¹⁵ Jeso wakayingula waamba kwakwe ati, "Chihwumine ninzho, kaambo chilyeelele kwesu kwaamba tuzuzukizhe bululami boonse." Ngoonaawo Johani wakamuhwuminina. ¹⁶ Awo naakamana kupapatizwa, Jeso wakamuhwa mumeenzhi chakufwambaana, ngoonaawo, mazeulu a kayaluka kwakwe. Wakaubona moza wa Leza uleza anshi ukoya inzhiba u mane wakapumunina aali nguwe. ¹⁷ Ngoonaawo, izwi lyakahwa kwizeulu lyaamba ati, "Wezu ngu mwanangu ngwizandisha. Ndabotelwa mwakwe."