Chaandano 25
1
"U kuti bwami bwakwizeulu bulakaakuli ukoya banakalindu bali ikumi bakabweza malambe abo amane baya kuyanana u shibwiinga.
2
Bosanwe kabali balimbushi alimwi bamwi bosanwe kabali basongo.
3
Awo banakalindu balimbushi nibakabweza malambe abo, baina nibakabweza mafwuta amwi.
4
Pele banakalindu basongo bakabweza amwi mafwuta u malambe abo.
5
Inzho lelyo shibwiinga naakachelwa kushika, boonse bakafwa tulo bamane bakoona.
6
Pele akati kabushiku kwakaba kusaba, 'Amubone, shibwiinga! Amuhwe mumuchinge.'
7
Ngoonaawo boonse babo banakalindu bakabuka bakanka kuzasha malambe abo.
8
Balimbushi bakaamba kubasongo baamba ati, 'Amutupe mafwuta amwi kaambo malambe esu a kalazhima.'
9
"Pele basongo bakayingula baamba ati, 'U kuti kulaakwiina manji manji esu alimwi enu, amuye bulyo kuli balya basambala muye muule enu nubeni.'
10
Lelyo nibakaya kuya kuula, u shibwiinga wakashika, pele babo bakaakulibambile bakaya abo mushakulya shalutwalo, amana chitendele chakayalwa.
11
"Kumane banakalindu bamwi abo bakashika bamane baamba ati, 'Mwami, Mwami, tuyalulile.'
12
"Pele wakayingula waamba ati, 'Chini chini ndaamba kwenu ati, Ume nshimwizhi.'
13
U bobo amulangile, kaambo tamubwizhi buzuba niliba iwoola.
14
"Kaambo chili ukoya muntu uzanda kuya kuchishi chimwi. Wakoompolola basebezhi bakwe wabashiila kubona shintu shakwe.
15
Kuli wababo umwi wakamupa matalenta osanwe, kuli umwi wakamupa obile, alimwi umwi wakamupa lyomwi italenta. Umwi umwi wakatambula mweelwe uu mweelele kwiingayina umbwaalozha, amane wezo mulombwana wakaya amushinzo wakwe.
16
Wezo wakapewa matalenta osanwe wakaya ndilyona waasebezha amane wapangila wo amwi osanwe matalenta.
17
Munzhila yezho njiyona, welya wakabweza matalanta obile wakayanina wo amwi obile.
18
Pele wezo musebezhi wakatambula lyomwi italenta wakaya, washa chilindi anshi, amane wasoseka mali a shimatwangaakwe.
19
Inzho nikwakaita chiindi chilafwu shimatwangaabo babo basebezhi wakazhoka amane wabamba shakubapa.
20
Musebezhi wezo wakapewa matalenta osanwe wakaya watola amwi osanwe matalenta. Waamba ati, 'Mwami, wakashiila matalenta osanwe. Bona, ndayana amwi matalenta osanwe.'
21
"Shimatwangaakwe wakaamba kwakwe ati, 'Wachita kabotu,chabota u musebezhi u shomeka! wakashomeka atuntu tushoonto. Uninzho ndakubika kuba mulangilizhi ashintu shinji shinji. Njila mukubotelwa kwa shimatwangaako.'
22
"Musebezhi wezo wakatambula matalenta obile wakashika waamba ati, 'Mwami, wakampa matalenta obile. Bona, ndayaninawo obile amwi.'
23
"Shimatwangaakwe wakaamba kwakwe ati, 'Wachita kabotu, chabota u musebezhi u shomeka! Wakashomeka ashintu shishoonto. Njila mukubotelwa kwa shimatwangaako.'
24
"Musebezhi wezo wakatambula italenta lyomwi wakashika kwakwe waamba ati, 'Mwami, Ndizhi kwaamba ati uli muntu mukali. Ulatebula awo nguwatakashanga, alimwi ulatebula awo nguwatakamwaya.
25
Ndakatiya, u bobo ndakaya kulizobola italenta lyako anshi. Bona, ulikwete bulyo checho chako.'
26
"Pele shimatwangaakwe wakayingula waamba kwakwe ati, 'Uwe u mukata musebezhi mibiyabi, waakwizhi kwaamba ndatebula awo ngwindatakashanga alimwi ati ndatebula awo ngwindatakamwaya.
27
U bobo waakweelele kupa mali angu kuli bashikuzobola, akuzhoka kwangu ume indakatambula changu alimwi ucheezeulu.
28
U bobo a mumunange lelyo italenta kuhwa kwakwe mwamana mulipe kumusebezhi wezo ukwete matalenta ali ikumi.
29
Kaambo woonse wezo ukwete shinji shinji ulakapewa, amana ulakahwuzha. Pele kuli wezo walo uyina nchaakwete, alimwi uchecho nchaakwete ulakanangwa.
30
Amumuwaale musebezhi wiina bulemu mumushinze, mwalo muli kulila u kulumanya meno.'
31
"Awo Mwanaa Muntu akazhiza mubulemu bwakwe alimwi u baangelo bakwe boonse, amana aka kale a chuuna chakwe chabulemu.
32
Kumbele kwakwe kulakaakubungene mashi woonse, amana ulakaandaanya bantu kuhwa kuli umwi, mbubona mweembezhi mbwaandaanya imbelele kuhwa kumpongo.
33
Ulakabika imbelele kululyo lwakwe, amana impongo kuchimonsho.
34
Amana Mwami ulaketa babo bali kwitashi lyalulyo, 'Kamwiza, umwe nimwakalongezhewa kwa Taata, amukone bwami mbumwakabambilwa kuhwa kumatalikilo a luundu.
35
Kaambo indakaakufwile inzala mwakampa chakulya; Ndafwa inyota mumane mwakampa chakunwa; Ndakaakuli mweenzu mwakantola mukati;
36
Ndakaakuli chintanda mwakansamika; Ndakaakuli mulwazhi mwakamamba; Ndakaakuli muntolongo mwakazhiza kwangu.'
37
"Babo baluleme balakayingula kwaamba ati, 'Mwami, Ndililiye uswe nitwakakubona niwakaakufwile inzala amana twakusanina? Nikuba inyota twakupa chakunwa?
38
Ndililye nitwakakubona uli mweenzu twakutola mukati? Nikuba uli chintanda twakusamika?
39
Ndililye nitwakakubona kusata naaba muntolongo tumane twazhiza kwako?'
40
Amana Mwami ulakayingula u kwaamba kwabo ati, 'Chini chini ndamushimwina, checho nchimwakachita kubashoonto aali baba bangu, mwakachitila ume.'
41
Amana u lakaamba kuli babo bali kwitashi lyaku chimonsho, 'Amukuhwe kwangu, umwe nuboombwezhe, muye mumulilo utamana wezo wakabambilwa shatani u baangelo bakwe,
42
kaambo ndakaakufwile inzala, pele mwiina nimwakampa chakulya; Ndakaakufwile inyota, pele mwiina nimwakampa chakunwa;
43
Ndakaakuli mweenzu, pele mwiina nimwakanjizha mukati; chitanda, pele mwiina nimwakansamika; kusata alimwi u muntolongo, pele mwiina nimwakambikila maanu.'
44
"Uninzho abo balakayingula balakaamba ati, 'Mwami, ndililiye nitwakakubona uli fwile insala, nikuba inyota, naa mweenzu, nikuba chintanda,naa kusata, nimuba muntolongo, amana twiina kukubambila?'
45
Amane wakabayingula waamba ati, 'Chini chini Ume ndamwaambila, checho nchimwatakachita kushoonto babo, mwiina nimwakachitila ume.'
46
Baba balakatolwa mumpanishi itakamana, pele baluleme mubumi butamani."