Chaandano 23
1
Ngoonaawo Jeso wakabandika u mabunga mabunga alimwi u bashichiiya bakwe.
2
Wakaamba ati, "Balembi alimwi uba Falisi balakala a chuuna chaka Mozesi.
3
U bobo kufwumbwa checho nchibakamushimwina kuchita, amushichite shintu shesho alimwi u kubalangilila. Pele mutabi nimuchita mbuli michito yabo, kaambo balaamba shintu pele balo tabashichiti.
4
Ee ye, balaanga shilema shesho shitalozhewa kubweza, bamana bobo balashibika a mafwunzhi a bantu bamwi. Pele balo beni kabateenzha nuuba munwe kubwezha shesho.
5
Balachita yoonse michito yabo kwaamba babonwe ku bantu. Kaambo balakomenya masani abo, alimwi balakomenya kweela u shikobelo shabo.
6
Balazandisha mumasena azo ngubalemekwa kumisobano alimwi u shuuna shabakando kando muma sinagogi,
7
alimwi u kwaanzhiwa kwabulemu mu mamaaketi, alimwi u kutewa ati 'Labi' kuhwa ku bantu.
8
Pele tweelele kutewa ati Labi,' kaambo ulikwete bulyo mwiiyi womwi, alimwi noonse muli babunina.
9
Amana u tabanda muntu ano anshi ati nguuso, kaambo mulikwete uswenu womwi bulyo, amana walo uli kwizeulu.
10
Alimwi mutabi nimutewa ati 'mwiiyi,' kaambo mulikwete bulyo mwiiyi womwi, Kilisito.
11
Pele wezo woonse uzanda bukando akati kenu ulyeelele kuba musebezhi wenu.
12
Wezo woonse ulisumpula lwakwe mwini ulakafwinshiwa, alimwi kufwumbwa wezo u lifwiinsha lwakwe mwini u lakasumpulwa.
13
Pele mawe kuli umwe, nubalembi alimwi uba Falisi, bashikoopoopa amenso! Mulashinkila bantu mubwami bwakwizeulu. Kaambo umwe mwiina lwenu nubeni nimuyanjila mo, alimwi mwiina nimuhwuminya babo kuti bakeenjile,
14
15
Mawe kuli umwe, nubalembi amwe nuba Falisi, nubashikoopoopa amenso! Kaambo mulaya kumashi amwi kuya kuchincha bulyo chintu chomwi, amana lelyo chaba chomwi, mulamuchita kobile ukoya mwana uya mumulilo ukoya umwe.
16
Mawe kuli umwe, umwe numusololela muboofwu, umwe numwaamba ati, 'Woonse wezo ulipinga a chikombelo, kwiina mbuchibele. Pele woonse wezo ulipinga ku golida ya muchikombelo, ulyaangilwe kukulipinga kwakwe.'
17
Umwe nuboofwu balimbushi! Nchichiliye chikandosha, ingolida naa chikombelo checho chibamba ingolida kusalala?
18
Alimwi, 'Kufwumbwa wezo ulipinga ku chikambaukilo, kwiina mbuchibele. Pele kufwumbwa wezo ulipinga kuchipo checho chili a chikambaukilo, ulyaangilwe kukulipinga kwakwe.'
19
Umwe nubantu boofwu! nchichiliye chikandosha, nchipo naa chikambaukilo checho chibamba chipo kusalala?
20
U bobo, kufwumbwa wezo ulipinga ku chikambaukilo ati walipinga aali chicho alimwi u shesho shoonse shiliwo.
21
Wezo walo ulipinga ku chikombelo ati walipinga aali nchicho alimwi u wezo u pona mumo.
22
Alimwi u wezo ulipinga mwizeulu ulalipinga ku chuuna cha Leza alimwi u kuli wezo u kala ngawo.
23
Mawe kuli umwe nubalembi amwe nuba Falisi, nubashikoopoopa a menso! Mulapa che kumi shibotu shili ukoya minti, dili alimwi u kamini, Pele mwashiya twaambo tulemu twa mulawo---bwini, luse alimwi u bushomeshi. Pele sheshi nshimwaakweezhi kuchita kubaala kushiya shimwi.
24
Umwe nimusololela muboofwu, Umwe nimunanga u tushoonto shoonto pele mulachita bubi ukoya nuumumina inkamela ashoonto shoonto!
25
Mawe kuli umwe, nu balembi amwe nuba Falisi, nubashikoopoopa a menso! Umwe nimusalazha inkapu ansengwe alimwi u mitiba, pele mukati mulizwile butewu alimwi u bushikalifwune.
26
Umwe nuba Falisi boofwu! A musalazhe kutaanguna inkapu mukati alimwi u mitiba, kwaamba ansengwe shuukusalala awo.
27
Mawe kuli umwe, nubalembi amwe nuba Falisi, nubashikoopoopa a menso! kaambo umwe muli ukoya chuumbwe chipente chituba, checho ansengwe chilibonya kabotu, pele mukati muli shifwuwa sha bantu bafwu alimwi u shintu shitasalali.
28
Munzhila yezhi njiyona, mulalibonya kuba baluleme ku bantu, pele mukati mulizwile bushikoopoopa a menso alimwi u kuchita shitali mumulawo.
29
Mawe kuli umwe, nu balembi amwe nuba Falisi, nubashikoopoopa a menso! Umwe mulazaka shuumbwe shabashinshimi u kushibosha bosha shuumbwe shabalulami.
30
Mulaamba ati, 'Kuti nitwakapona kumazuba a maushesu, nitwatakaakuli antoomwi u babo bakatila bulowa bwabashinshimi.'
31
U bobo mulalyaamba nubeni kwaamba muli bana bababo bakayaya bashinshimi.
32
U bobo amwe muli mumona munzhila yomwi ya maushenu.
33
Umwe nubazoka, umwe nu bana bachipile, mulakafwutuka buti kuhwa kububeteshi bwa mwilambwe lya mulilo?
34
U bobo, bona, Ume ndakamutumina bashinshimi, balombwana basongo alimwi u balembi. Bamwi mulakabayaya u kubakankamina, alimwi mulakaba kwipaula muma sinagogi enu mulakabatandaanya kuhwa mumunzhi mukando kuya mumunzhi mukando.
35
U chakayanwa nchakuti aali umwe alakahwa boonse bulowa bwa balulami bobo bwakatika ano anshi, kuhwila kubulowa bwa mululami Abele, ku bulowa bwaka Zakaliya mwanakwe Belekiya, wezo ngumwakayaya akati kabusena busalala u chikambaukilo.
36
Chini chini ndaamba kwenu, shintu sheshi shoonse shilakaba mumusela wezu.
37
"Jelusalemu, Jelusalemu, umwe nimuyaya bashinshimi alimwi u kuyasa mabwe babo batumwa kwenu! Kuli kongaye ume kundakazanda kubungika banenu antoomwi, mbubona inkuku mbwiibungika banayo mumababa, pele umwe kamutazanda!
38
A mubone, ing'anda yenu yakashaala kwiina u kala mumo.
39
U bobo ndaamba kwenu ati, Mwiina nimukakambona linji kuhwa ninzho mpaka mukaambe ati, 'Mulonjezhe wezo uzhiza mwizhina lya Mwami.'''