¹ Kaambo bwami bwakwizeulu buli ukoya muntu ukwete muunda uwakaya chifwumo fwumo kulanga basebezhi bamu muunda wakwe. ² Naakamana kuteelezhanya u basebezhi ku denali lyomwi a buzuba, wakaba tuma mumuunda wakwe. ³ Wakaya alimwi kwiwoola lyatatu waya wabona alimwi basebezhi bamwi balizhimine bulyo mubusena bwa mushika. ⁴ Wakaamba kwabo ati, Amwe noonse kamuya munjile mumuunda, amana ndamupa cheelele." Bakaya kusebeza. ⁵ Alimwi wakaya kuchiindi chewoola lya chisambomwi alimwi ukwiwoola lye fwuka, wakachita mbubona. ⁶ Alimwi ukwiwoola lya lyekumi ukomwi wakaya kuyana u bamwi balizhimine bulyo. Waamba kwabo ati, 'Nkaambooyi mulizhimine awa buzuba boonse?' ⁷ "Bakaamba kwakwe ati, 'kaambo kakuti kwiina watupa mulimo." Wakaamba kwabo ati, 'Amwe kamuya mumuunda.' ⁸ Lelyo nikwakaba kumangolezha, mukamwini muunda waketa mulangilizhi wakwe, 'wompolola basebezhi boonse wamana ubalipile bulumbu bwabo. Kutalikila kuli wamamanino kushikila kumutaanzhi.' ⁹ "Lelyo basebezhi bakanjizhiwa kwiwoola lyekumi u komwi nibakashika, umwi uumwi wakatambula idenali. ¹⁰ Awo basebezhi bataanzhi nibakashika, kabatelayika kwaamba ati ambweni balatambula chibaala, pele abo bakatambula uumwi idenali lyoomwi. ¹¹ Lelyo nibakatambula bulumbu bwabo, bakatongauka kumukamwini muunda. ¹² Bakaamba ati, Baba basbezhi bamamanino basebeza bulyo iwoola lyomwi a mulimo, pele uwe wabaingainya aswe, uswe intwabweza chilema buzuba boonse u kubalwa lumwi.' ¹³ Pele mukamwini wakayingula kuli womwi wabo waamba ati, 'Mweenzuma, Kwiina chindakubishizha. Sa tuhwuminina ume ku denali lyomwi? ¹⁴ Bweza checho chako uukuya.Ume ndasala kupa baba basebezhi bashaalila chikozhene uchenu. ¹⁵ Sa tachili mumulawo ume kuchita mbubona buli mbwinzanda kushintu shangu? Na mwafwa munyono kaambo kakuti Ume ndikabotu?' ¹⁶ U bobo mushaalizhi ulakaba mutaanzhi, aze mutaanzhi kumamanino." ¹⁷ Lelyo Jeso naakakuya ku Jelusalemu, wakatola bashichiiya bali ikumi u bobile amabali, nibakakuya wakaamba kwabo ati, ¹⁸ "Amubone, tulaya ku Jelusalemu, Mwanaa Muntu ulakapewa kuba bapayizhi bakando u balembi. Balakamubisha bisha kwaamba afwe. ¹⁹ Amana balakamwaaba kubahwa mashi kwaamba bakamusaalizhe, u kumuuma, alimwi u kumubambula. Pele kubuzuba bwatatu u lakabushiwa." ²⁰ Ngoonaawo nokwabo bana beembezhi baka Zebede wakaya kwa Jeso u banakwe. Wakamukotamina u kumukumbila chintu chimwi kuhwa kwakwe. ²¹ Jeso wakaamba kwakwe ati, "Nchiinzhi nchuuzanda kwaamba nkuchitile?" Wakaamba kwakwe ati, "Shimwina baba bana beembezhi bobile bakale, umwi kwitashi lyako lyalulyo, alimwi umwi kwitashi lyako lyaku chimonsho, mubwami bwako." ²² Pele Jeso wakayingula waamba ati, "Tuchizhi checho nchuukumbila. Sa ulakonzha kunwa ku nkapu yezho njinzanda kunwa?"Bakamwambila ati, "tulakonzha." ²³ Wakaamba kwabo ati, "Ku nkapu yangu nchobeni mulanwa. Pele kukala kwitashi lyangu lyalulyo alimwi u kwitashi lyangu lya chimonsho indime iimpa, Pele nchababo balo babambilile kuhwa kwa Taata." ²⁴ Lelyo bamwi bashichiiya bali ikumi nibakateelela chechi, bakalema kubabunina bobile baba. ²⁵ Pele Jeso wakaboompolola lwakwe mwini waamba ati, "Mulizhi kwaamba ati baleli babahwa mashi balabalyatilila, alimwi bantu beni beni babo balikwete insana aali mbabo. ²⁶ Pele tacheelele kuba bobo akati kenu. Ubobo woonse uuzanda kuba mukando akati kenu ulyeezhi kuba mutwanga wenu, ²⁷ Alimwi woonse uuzanda kuba mutaanzhi akati kenu ulyeelele kuba mutwanga wenu, ²⁸ ukoya Mwanaa Muntu mbwaatakezhiza kusebezelwa, pele kwiza kusebeza, alimwi kwiza kupa bumi bwakwe kuba chinunuzho kubanji banji." ²⁹ Nibakakuhwa ku Jeliko, inkamu inkando yakamuchilila. ³⁰ Kakuli balombwana bobile boofwu bakaakushite kumabali aanzhila.lelyo nibakateelela ati Jeso ulayita nkubaakushite, bakapozomoka, "Mwami, Mwanakwe Devidi, tufwile luse." ³¹ Imbunga yakabalemanina, kubaambila ati baliinze, pele bakabaazha kupozomokesha, "Mwami, Mwanakwe Devidi, tufwile luse." ³² Ngoonaawo Jeso wakazhima u kwaamba kwabo waamba ati,"Nchiiyi nchimunzanda kwaamba muchitile?" ³³ Bakaamba kwakwe ati, "Mwami, kwaamba menso esu ayalulwe." ³⁴ Awo Jeso , mbwaakafwa inkumbu, wakakwata menso abo. Kufwambaana bakatalika kubona bamane bakamuchilila.