¹ Kuchelya chiindi bashichiiya bakaya kwa Jeso u kwaamba ati, "Nguni mukandosha mubwami bwakwizeulu?" ² Jeso wakoompolola kana kashoonto, wakabika akati kabo, ³ waamba ati, "Chini chini Ndamwaambila, chita bulyo musanduke mube ukoya kana kashoonto, ubulyo kwiina bunji mbumuyakunjila kwizeulu. ⁴ Ubobo, kufwumbwa bulyo uulifwiinsha lwakwe mwini kuba uko ya kana kashoonto ngumukandosha mubwami bwakwizeulu. ⁵ Kufwumbwa wezo uutambula kana kashoonto ukoya bolya mwizhina lyangu ati watambula ume. ⁶ Pele woonse wezo uupa baba bashoonto shoonto ubahwumina mwangu kulifwumpula, kachili kabotu kwabo kwaangwa ibwe mushingo, kwaamba abizhiwe kunshi kuluwatele. ⁷ Mawe kuluundu ukaambo kababo balebya! Ubobo chililuleme kwaamba shesho shilebyo shibewo, pele mawe kuli wezo muntu momo shesho shilebyo mushizhila! ⁸ Nakuti itashi naa chifwumba chilakupa kuba chilebyo, chikosole uchisowe chikuhwe kwako. Nchibotu kwako kuya kunjila mubumi bubotu kwiina shimwi naa mulema kuya kusowelwa mumulilo utamana kukwete matashi obile naa shifwumba shobile. ⁹ Naa kuti linso lilakupa kubisha, likushe wamana ulisowe kuhwa kwako. Nchibotu kwako kuya kunjila mubumi u linso lyomwi kubaala kusowelwa mulambwe lyamulilo kukwete menso obile. ¹⁰ Bona kwaamba utabishizha uuli woonse wababa bashoonto shoonto. Ubobo ndaamba kwako ati kwizeulu kuli baangelo balangile lyoonse kubushu bwaka Taata walo uuli kwizeulu. ^{11 12} Nchiinzhi nchimutelaika? Naakuti umwi ulikwete mwaanda wambelele, amana yomwi yazhimina, saa tashiyi shili makumi ifwuka iimbelele ifwuka umalundu ukuya bulanga yezho yomwi yazhimina? ¹³ Kuti wayiyana, Chini chini Ndamushimwina, ulabotelwa chini chini aali njiyo kubaala aali shili makumi ifwuka ushobile shesho shataakuzhiminine. ¹⁴ Muzhila yezho njiyona, takuli kuzanda kwaka Ushenu uli kwizeulu kuti wenu womwi mushoonto kwaamba azonauke. ¹⁵ "Nakuti musazhinoko wakubishizha uwe, koya ukamushimwine, umwe nubeni nobile bulyo. Nakuti wakuteelela uwe, ati chaba kabotu kumusazhinoko. ¹⁶ Naakuti wiina ukuteelela, bweza womwi naa bobile muye abo kaambo kumilomo yabo bobile naa botatwe batumboni mazwi abo alakateelelwa. ¹⁷ Ulimwi naakuti wakaka kuteelela kuhwa nkubabele, shimwina kaambo kuba shichikombelo. Naakuti ulimwi wakaka kuteelela kuba shichikombelo, mubike ukoya uutakombi naa ukoya shimutelo. ¹⁸ Ndamushimwina bwini, fwumbi shintu nshimwaanga anshi ano ati shaangwa u kwizeulu, alimwi fwumbi nshimwaangulula ano anshi ati u kwizeulu shaangululwa. ¹⁹ Alimwi Ndamwaambila bwini, naakuti bobile bahwumizhanya ano anshi achintu nchibakumbila, chilakachitwa kwabo kwiita mwa Taata wezo uuli kwizeulu. ²⁰ Aali babo bobile naa botatwe babungene antoomwi mwizhina lyangu, awo Ame ndaakuli akati kabo." ²¹ Ngoona Pita wakaya u kwaamba kwa Jeso ati, "Mwami, nshiindi shongaye mukwesu nshaakonzha kumbishizha U kumulekelela? kushiindi shili chiloba?" ²² Jeso wakaamba nkwaabele ati, "Ndiina indakushimwina shiindi shili chiloba, pele ndaamba shiindi shili makumi chiloba ushiindi chiloba. ²³ Ubobo bwami bwakwizeulu bulakozhana u mwami umwi wakuzanda kwaamba batwanga bakwe bazhole shikwelete nshibaakukwete. ²⁴ Awo naakatalika kulanda, umwi mutwanga wakaletwa kwakwe wezo wakaakukwete ikumi lya shuulu sha matalenta. ²⁵ Pele kaambo kakuti kayiina mbwaakukozha kuzholela mo, ushimatwangaakwe wakaamba awuzhiwe bulyo, antoomwi umwinakwe u bana alimwi ushintu nshaakukwete shoonse, kwaamba bulipile bukwane. ²⁶ Awo mutwanga wakawila anshi, wamufwukamina, u kwaamba ati, 'Shimatwangaangu, nfwila luse, ndakulipila woonse matalenta ako.' ²⁷ Unizho wezu shimatwangaakwe wezo mutwanga, kaambo kakuti wakamufwila inkumbu, wakamuleka u kumulekelela mulandu. ²⁸ Pele wezo mutwanga naakaakuya wakayana umwi mutwanganina, wezo wakaakumukwatile mwaanda wama denalii.Wakamukwata, watalika kumushina, u kwaamba ati, 'Ndipila checho nchuukwete changu,' ²⁹ "Pele mutwanganina wakawa anshi u kumukumbila, waamba ati, 'Nfwila luse, ume ndakulipila.' ³⁰ Pele mutwanga mutaanzhi wakakaka. walo wakamutola wamuwaala muntolongo mpaka akamulipile checho nchaakamukwatilile. ³¹ Lelyo batwanganina nibakabona checho nchaakachitika, bakabiilwa chini chini. bakaya kumushimwina shimatwangaabo shoonse shakachitika. ³² Ngoonaawo shimatwangaakwe wezo mutwanga wakamoompolola u kwaamba kwakwe ati, 'Uwe umutwanga mubiyabi, Ume ndakakulekelela chikwelete chako kaambo kakuti wakalilekelela kwangu. ³³ Sa uwe kuteelele kumufwila luse mutwanganoko, mbubona mbundakakufwila luse ume?' ³⁴ Shimatwangaakwe wakalemana wakamupa kuli bashikumuuma ukupenzha kushikila akachilipile choonse chikwelete. ³⁵ Mbubona aze Taata wakwizeulu mbwaataakachite kwenu naakuti tumulekelelela musazhinoko kuhwa kunshi kumonzo wako."