¹ Ngoonaawo bamwi ba Falisi u balembi bakazhiza kwa Jeso kuhwa ku Jelusalemu. Bakaamba ati, ² Kaambooyi bashichiiya bako nchibatachilila tunshiya nshiya twabakando kando? Tabasamba kumatashi batalika kulya chinkwa." ³ Wakabayingula waamba kwabo ati, "No nkaambooyi umwe tamuchilila malailile aka Leza kukaambo ka tunshiya nshiya twenu? ⁴ U kuti Leza wakaamba ati, 'Lemeka bauso u banoko,' alimwi 'woonse wezo u waamba bubiyabi aali baushi naaba baina chini chini u lakafwa.' ⁵ Pele u laamba ati, 'Woonse wezo waamba kuli baushi naa baina, "Kufwumbwa buyohwi mbuwakatambula kuhwa kwangu uninzho nchipo kuhwa kwa Leza," ⁶ wezo muntu tazandika kulumbaizha baushi.' Munzhila yezho ati wapanga chitali chezwi lya Leza u kaambo katunshiya nshiya twenu. ⁷ Umwe nubashikoopoopa amenso! Saa Iyizaya wakashinshima umwe lelyo naakaamba ati, ⁸ Baba bantu balalumbaizha bulyo a milomo yabo, pele myonzo yabo ili kulaale kuhwa kwangu. ⁹ Balankomba butali mbubo kaambo balayiisha u koya buyiishe bwabo bwa malailile a bantu.''' ¹⁰ Amane wakoompolola mabunga mabunga kwakwe waamba kwabo ati, "Amupupulale alimwi u kuteelelesha--- ¹¹ Kwiina chinjila mumulomo u chibisha muntu. Chita, checho chihwa mumulomo, checho nchichibisha muntu." ¹² Awo bashichiiya bakazhiza kwa Jeso baamba ati, "Saa ulizhi kwaamba ba Falisi bakabiilwa lelyo nibakateelela wezu mwaambo?" ¹³ Jeso wakayingula waamba ati, "Choonse chisamu checho Taata uli kwizeulu nchatakashanga ulaka chizyula. ¹⁴ Amubaleke beni, mboofwu basololela boofwu nokwabo. Naakuti moofwu wasololela moofwu nina, boonse balawila muchilindi." ¹⁵ Pita wakayingula waamba bolya kwa Jeso, "Tupandululile kaambyo kaka." ¹⁶ Jeso wakaamba ati, "Sa amwe mbubona tamuna kukwata luzhibo? ¹⁷ Sa tamuna kuteelelesha kwaamba ati kufwumbwa chinjila mumulomo chilayita mwifwu chamana chilahwa chaya muchimbuzi? ¹⁸ Pele shintu shesho shihwa mumulomo shilahwa kumonzo. Shesho nshishintu shibisha muntu. ¹⁹ Kaambo kuhwa mumonzo mulahwa mizeezo mibiyabi, kuyaya, bumambe, kweezha bamukabeni, butewu, kupa bumboni bwakubeya, u bashikwaamba a bubeshi. ²⁰ Sheshi nshishintu shipa muntu kubisha. Pele kulya u watasamba kumatashi tachibisha muntu pe." ²¹ Amane Jeso wakakuhwa koko kumasena a shishi shikando sha Taya alimwi u Sidoni. ²² Ngoonaawo mukaintu muna Kenani wakahwila mubusena bobo. Wakapozomoka waamba ati, Nfwila luse, Mwami, Mwanakwe Devidi! Mwanangu ulinjilwe musangushi." ²³ Pele Jeso wiina naakamwiingula izwi. Bashichiiya bakwe bakazhiza kumukombelezha, baamba ati, "Mutande kaya, kaambo ulaya butusabila." ²⁴ Pele Jeso wakayingula waamba ati, "Ndiina indakatumwa kuli woonse chita bulyo ku mbelele izhiminine ya mung'anda ya Izilaili." ²⁵ Pele wazhiza wamufwukamina, waamba ati,"Mwami, njohwa." ²⁶ Wakayingula waamba ati, "Tachili kabotu kubweza chinkwa chabana wamana wachipa tubwa tushoonto." ²⁷ Wakaamba ati, "Ee ee, Mwami, Pele ato tubwa tushoonto tulalya kubufwefwelenga buwa kwitebulu lya shimatwangaabo." ²⁸ Amane Jeso wakayingula waamba kwakwe ati, "Mukaintu, lushomo lwako ndukando; a kuchitwe kwako mbubona mbuuzanda." Mwanakwe wakaponyiwa kuhwa kwi woola lelyo ndilyona. ²⁹ Jeso wakakuhwa kubusena bobo wakaya kufwaafwi u lwaatele lwa Galili. Wakaya a luulu wakala ngawo. ³⁰ Mabunga mabunga a kazhiza kwakwe. Bakazhiza baleta balema, bataboni, baliinzile, alimwi u bantu bahwungene matende, alimwi u bamwi babo baakuli balwazhi. Bakabaleta boonse kumaulu aka Jeso, amane wakabaponya boonse. ³¹ U bobo mabunga mabunga a kazoowa nibakabona baliinzile kutalika kwaamba, bahwungene matende bakaba kabotu, balema bakeenda, alimwi u boofwu bakabona. Bakalumbaizha Leza wa Izilaili. ³² Jeso wakaboompolola bashichiiya bakwe amane waamba ati, "Ume ndafwila luse mabunga mabunga aza kaambo twakala abo kwamazuba otatwe bayina chakulya. Nshilozha kubeta kwaamba baye batana kulya, u bulyo balawizuka munzhila." ³³ Bashichiiya bakaamba kwakwe ati, "Nkukwi kutulozha kuyana shinkwa mubusena butakala bantu kwaamba alozhe kukuta mabunga mabunga aza?" ³⁴ Jeso wakaamba kwabo ati, "Nshikwa shongaye nshimukwete?" Bakaamba ati, "Chiloba, alimwi u tuswi bulyo toongaana." ³⁵ Amane Jeso wakashimwina mabunga mabunga kwaamba bakale anshi. ³⁶ Wakashibweza shinkwa shili chiloba alimwi inswi, naakamana kupa kulumba, wakashikomauna shinkwa amane wabapa bashichiiya. Bamane bashichiiya bakabapa kubantu. ³⁷ Bantu boonse bakalya bakakuta. Bamane bakabwezelela shinzuma shili chiloba shabufwefwelenga bwakashaala. ³⁸ Babo bakalya kabali shuulu shone balombwana, kutali bakaintu u bana. ³⁹ Amane Jeso wakabeta bantu kwaamba baye amane wakanjila mubwato bakaya kubusena bwa Magadani.