¹ Kuchiindi checho Jeso wakaya mubuzuba bwa Nsabata wakayita mu myuunda ya maila. Bashichiiya bakwe bakafwa inzala bakatalika kupulula mitwi ya maila bakakanka kuya bulya. ² Pele lelyo ba Falisi nibakabona bobo, bakaamba kwa Jeso ati, "Bona, bashichiiya bako balachita chitali mumulawo munsabata." ³ Pele Jeso wakaamba kwabo ati, "Saa mwiina nimwakabala nchaakachita Devidi lelyo naakafwa inzala, u balombwana mbuba kaakuli abo? ⁴ Wakanjila mukati mung'anda ya Leza wakalya chinkwa bulangene, u chata kaakuli mumulawo walo kwaamba alye alimwi chitali mumulawo kuli babo mbuba kaakuli abo, pele chili bulyo mumulawo ku bapayizhi. ⁵ Saa mwiina nimwakabala mumulawo kwaamba ati mu nsabata bapayizhi muchikombelo bakalubizha mu nsabata pele bakabula mulandu? ⁶ Pele Ume ndaamba kwenu ati wezo mukandosha kubaala chikombelo nguweno. ⁷ Kuti umwe nimwaakwizhi chechi nchichaamba, 'Ume ndazandisha luse kutali kupa mulumbo,' nimwatalozha kubisha bisha bayiina mulandu. ⁸ Kaambo Mwanaa Muntu ngu Mwami wa nsabata," ⁹ Awo Jeso wakakuhwa koko amane wakaya kunjila muma sinagogi abo. ¹⁰ Ngoonaawo, kwakaakuli mulombwana wezo walo wakaakuzuminine itashi. Ba Falisi bakamubuzha Jeso, baamba ati, 'Saa chili mumulawo kuponya mu nsabata?" kwaamba ati ambweni balamupa mulandu wakuchita chibi. ¹¹ Jeso wakaamba kwabo ati, "Nchiiyi mulombwana nchaakonzha kuba akati kenu, kuti kakwete bulyo imbelele yomwi, amana yezho imbelele yawila muchilindi mu nsabata, saa talozha kwiikwata u kwiikusha muchilindi? ¹² Saa nchibotu buti, inzho, ku muntu kubaala imbelele! Nkukuti chili mumulawo kuchita kabotu mu nsabata." ¹³ Ngoonaawo Jeso wakaamba ku mulombwana wezo ati, "Hwungulula itashi lyako." Wakali hwungulula, lyakazhoka mbubona mbulyakaakubele, mbubona ukoya itashi limwi. ¹⁴ Pele ba Falisi bakaya ansengwe bakanka kuweza. Bakatalika kukapula bwakwaamba bamuzonauna. ¹⁵ Jeso, wakazhiba bobo, amane wakakuhwa koko. Bantu banji banji bakamuchilila, amane wakabaponya boonse. ¹⁶ Wakabashimwina kwaamba atabi naanzhibwa kuli bamwi. ¹⁷ kwaamba chechi chizuzukizhiwe, checho chakaambwa ku0 Iyizaya mushinshimi, kwaamba ati, ¹⁸ "Bona, musebezhi wangu Ume ngundakasala; wezo ngunzandisha, momo moza wangu muubotelwa. Ume ndakabika moza wangu u mwakwe, amana ulakapandulula bwini kuba hwamashi. ¹⁹ Wiina naati akalwane abo nikuba kulilisha; nikuba naaba muntu kuteelela izwi lyakwe mumazhila. ²⁰ Ulakaba kabotu kubantu bayiina insana; wiina naati akakashe naa kuyaya, mpaka ulakatola bwini kuya kunzunda, ²¹ alimwi mwizhina lyakwe bahwamashi balakakwata bulangizhi." ²² Inzho umwi moofwu waakuliinzile, waakunjililwe musangushi, wakaletwa kwa Jeso. Wakamuponya, mukuchita bobo mulombwana wataakwaamba wakaamba u kubona. ²³ Woonse mabunga mabunga a kazoowa a kaamba ati, "Saa wezu mulombwana ulakonzha kuba Mwanakwe Devidi?" ²⁴ Pele lelyo Ba Falisi nibakateelela ku maleele aza, bakaamba ati, "Wezu mulombwana takusha basangushi chita kwiita mwa Belizebule, muleli wa basangushi." ²⁵ Pele Jeso wakeezhiba mizeezo yabo wakaamba kwabo ati, "Boonse bwami bwaandeene kuhwa kumweenzhiina bulakashaala bwini, alimwi woonse munzhi mukando naaba ing'anda iyandeene kuhwa kumweenzhiina teelozha kulizhimina ini. ²⁶ Naakuti Satani ulakusha Satani, ati ulalyaandaanya mwini. Nokayi bobo bwami bwakwe bulaba buti? ²⁷ Alimwi naakuti Ume ndatanda basangushi kwiita mwa Belizebule, no umwe banenu balabatanda kwiita mwani? Kwiita mukaambo kaka balaba bakosozhi benu. ²⁸ Pele naakuti Ume ndakusha basangushi kwiita mu Moza wa Leza, nkukuti bwami bwaka Leza bwashika aali umwe. ²⁹ Saa umwi ulalozha buti kunjila mung'anda ya muntu ukwete insana ukubweza shintu shakwe kutataanguna kumwaanga wezo mulombwana shinsana? Amana naati ebe shintu shakwe kuhwa mung'anda yakwe. ³⁰ Woonse wezo utali ame ati nguundwisha, alimwi wezo walo ngututabungiki aze ati ulamwaya. ³¹ Ubobo Ume ndaamba kwenu ati, chibi choonse alimwi u kutalemeka bantu balakalekelelwa, Pele kutalemeka Moza tamukalekelelwa pe. ³² Woonse wezo u waamba izwi kukazhanya u Mwanaa Muntu, checho wezo ulakalekelwa. Pele woonse wezo u waamba kukazhanya u Moza Usalala, wezo takalekelelwa, naaba mono muluundu, nikuba kuli wezo uzhiza. ³³ Chichite chisamu chibote u muchelo ulabota, naa wachichita chisamu ati chibiye ati u muchelo ulabiya, kaambo isamu lilazhibilwa ku muchelo wandilyo. ³⁴ Umwe nubana ba chipile, mbumuli babiyabi, mulakonzha buti kwaamba shintu shibotu? Kaambo shili mumonzo mulomo nshuuwamba. ³⁵ Mulombwana mwini mwini kushintu nshaachita mumonzo wakwe kulahwa shintu shibotu, Alimwi aze mulombwana shichibi kuhwa kubu bambe bwakwe buli mumonzo wakwe bulakusha shibiyabi. ³⁶ Ume ndaamba kwenu kwaamba ati mubuzuba bwa lubeta bantu balakabetekwa kuli shesho nshibakachita u mazwi woonse ngubakaamba. ³⁷ Kumazwi ako woonse ulakabambulula, alimwi kumazwi ako ngoona ulakasubulwa." ³⁸ Awo bamwi balembi uba Falisi bakamwiingula Jeso baamba ati, "Mwiiyi, tulazandisha kubona chitondezho kuhwa kwako." ³⁹ Pele Jeso wakayingula wakaamba kwabo ati, "Bubiyabi alimwi u musela wabumambe ulakapula bulyo shitondezho. Pele kwiina chitondezho checho chikaapewa chita bulyo chitondezho chaka Jona mushinshimi. ⁴⁰ Umbuli Jona bwakakala mazuba otatwe u mashiku otatwe mwifwu lyanswi ikando, aze mbubona Mwanaa Muntu ulakakala mazuba otatwe u mashiku otatwe mukati kanshi. ⁴¹ Balombwana baku Ninive balakazhimuka kulubeta u musela wa bantu amana ulakabishiwa bishiwa. Kaambo kakuti bakasanduka kukukambauka kwaka Jona, alimwi amubone mukandosha kubaala aali Jona uli ano. ⁴² Muleli mukaintu waku chibizhi ulakazhimuka a lubeta antoomwi u balombwana ba musela wezu uku babisha bisha. Wakahwila kumamanino anshi kwiza kuteelela busongo bwaka Solomoni, alimwi amubone mukandosha aali Solomoni uli ano. ⁴³ Lelyo moza mubiyabi wamuhwa mu muntu, ulaita molya mumasena mwiina meenzhi muuya bukapula mwakupumunina, pele kwiina tooyani pe. ⁴⁴ Ngoonaawo ulaamba ati, 'Ume ndapiluka bulyo kung'anda yangu koko nkwindakahwila.' Awo wapiluka, ulayana kwaamba ing'anda mwiina chilimo---yakapeelwa ilasalala alimwi imambe kabotu. ⁴⁵ Wamana ulaya kuletelela imwi myoza ili chiloba ibaala kububi aali nguwo, yamana yoonse ileza kukala momo mumona. Uninzho kumamanino bube bwa mulombwana wezo bulabaala kubiya kubaala kumatalikilo. Chilakaba mbubona ukoya buli musela wezu kubiya." ⁴⁶ Awo Jeso naakaakuchaamba kumakamu makamu, ngoonaawo, baina u banina kabazhimine ansengwe, kabakapula kwaamba babandike aze. ⁴⁷ Umwi wakaamba kwakwe ati, "Bona, banoko alimwi u banyoko balizhimine ansengwe, balakapula kwaamba babandike aze." ⁴⁸ Pele Jeso wakamwiingula waamba kuli wezo wakamushimwina ati, "Anu nguni baama alimwi mbubani bakwesu?" ⁴⁹ Amane wakatandabika matashi akwe kubashichiiya bakwe waamba ati, "Amubone mbubaba baama alimwi u bakwesu! ⁵⁰ Kaambo woonse wezo uchita luzando lwaka Taata walo uli kwizeulu, wezo muntu ati ngu mukwesu, ngu muchizhi, alimwi ngu baama."