¹ Inzho lelyo Jeso naakamana kubalayilila bashichiiya bakwe bali ikumi ubobile, nakakuhwa koko wakaya kuyiisha ukukambauka muminzhi yabo mikando. ² Ngaawo lelyo Johani naakateelela shesho nshakaakuchita Kilisito, wakatuma mulumbe kubashichiiya bakwe. ³ U kuya kwaambaati, "Sa ndiwe wezo uzhiza, natuukuchilindila umwi?" ⁴ Jeso wakayingula ukubaambilaati, "kamuya mukamushimwine Johani checo nchimwabona ukuteelela. ⁵ Boofwu balabona, balema baleenda, bashichinsenda balasalazhiwa, ubatateeleli batalika kuteelela alimwi, bafwu babushiwa alimwi kubumi, alimwi awo mulumbe wakambaukwa kubapushi. ⁶ Mulongezhe wezo woonse utayani kubishizhiwa mwangu." ⁷ Iiyo baba balombwana nibakaya, Jeso wakakanka kwaamba kumabunga mabunga twaambo twaka Johani, "Nkaambooyi nkumwakaila mulukula kwaamba mukabone---lubu luzungaana ukaambo kamuuwo? ⁸ Inzho nchiiyi nchimwakaya kuya kubona---sa mulombwana wakaakusamine shisani shibonhu? Chini chini, babo basama shisani shibonhu balakala mumaanda' a bwami. ⁹ Anu nchiiyi nchimwakaya kubona--sa mupolofita? Eeye, ndaamba kumubele, ulimwi kubaalisha aa mupolofita. ¹⁰ Wezu inguwe uuli shakalembwa, 'Bona, kandatuma mutumwa kubushu bwenu, wezo ukakabamba inzhila kumbele kwenu.' ¹¹ Chini chini ndaamba kwenu, kwiina naaba womwi akati kababo bazhale kubakaintu mubulemu kubaala Johani mupapatizhi. Nikuba bobo uubaala kucheya muntu mu bwami bwakwizeulu mulemu kubaala nguwe. ¹² Kuhwa kumazuba aka Johani mupapatizhi u bwasunu, bwami bwakwizeulu bwanjila mumakondo, amana balombwana bashinkondo bachibweza musana. ¹³ Abo bashinshimi u mulawo kabashinshima kushika Johani naakashika; ¹⁴ Nikuba kwaambaati ulazanda kuchihumina, ngu Elija wakaakweelele kuzhiza. ¹⁵ Wezo ukwete matwi aatelela, naateelele ¹⁶ Nkukuchintuuyi checho nchinkakozhanya kumusela wezu? chili ukoya bana basobanina ukusobanina mubusena bwa mushika, ukoompolola uumwi umweenzhiina ¹⁷ ukwaambaati, 'twakalizha mitoolilo kwenu, pele mwiina nimwakazhana. twakalila mwiina nimwakalila.' ¹⁸ Johani wakezyiza katali chinkwa ukunwa wayini, ulimwi bakaambaati, 'ulikwete shikanzwa.' ¹⁹ mwana amutu wakeza ulalya ukunwa mwaambaati, 'Bona, wezu muntu mulyato ulimwi nguchakolwa, mweenzhina ba shimutelo ubashishibi!' pele busongo bulalibonya mumichito yakwe.'' ²⁰ Ngoonaawo Jeso wakakanka kulemanina minzhi mikando momo mwaakachitila shizoosha, ukaambo kakuti baina nibakachincha. ²¹ ''Maawe uwe, kolanzini! maawe uwe betisayida! kuti maleele aaka chitilwa mu taya u sidoni kuli azo aaka chitilwa mwenu, nibaakuchinchile bulyo kale kale ukusama masaka ukulibuwa itwe. ²² pele chilakaba mbubo mbubo kuli baku Taya ubaku sidoni kubuzuba bwalubeta kubaala umwe. ²³ Uwe, Kapenaumu, sa ulatelaika ati ulakalemekwa kwizeulu? Pe pe, ulakazholwa anshi kuli bakafwa. Nakuti mu Sodomu muli maleele aakachitika ukuli azo aakachitwa mwako,nichaakuliwo ubwasunu. ²⁴ Pele ndaamba kuli umwe ati chilakaba chuuba kunshi ya Sodomu kumazuba aalubeta kubaala umwe." ²⁵ Achiindi checho Jeso wakaambaati, "Ndakutembaula uwe, Taata, Mwami wamazeulu u inshi, kaambo wakazubulula sheshi shintu kubasongo u bateelelesha, ukwaazubulula kubana bashoonto. ²⁶ Eeye, taata, ukuti chechi chakakubotela a bushu bwako. ²⁷ Shoonse shintu shakabikwa mwangu kuhwa kwa Taata; ulimwi kwiina naaba womwi umwizhi Mwana chita bulyo Taata iche, ulimwi kwiina naaba womwi umwizhi Taata chita bulyo Mwana iche ulimwi chita bulyo wezo Mwana ngwaasala ukumuzubululila. ²⁸ Amuzhize kwangu, noonse umwe numupenga ukuzemuna shilema, amana mupe kulyookezha. ²⁹ Bweza ijoko lyangu wamana wiiye kwangu, mbwindi shichamba ulimwi mubonhu monzo, mwamana mulayana kulyookezha ku myoza yenu. ³⁰ Ukuti ijoko lyangu nduubauba u mukuli wangu muubauba."