Chaandano 5
1
Nikwakayita chechi kwakaba chisobano chaba Juda, amane Jeso wakaya ku Jelusalemu.
2
Inzho mu Jelusalemu kumulyango wa mbelele kwakaakuli kazhiba, mwalo mumushobo wachi Alamayiki chilatewa ati Betesayida, amana kachihwumbilwe masena osanwe.
3
Mweelwe mukando wa bantu babo bakaakuli balwazhi, boofwu, balema, nibaba bazuminine matashi kabalele awo.
4
5
Umwi mulombwana wakaakuli alya wakaakuli mulwazhi kwa makumi otatwe u myaka lusele.
6
Inzho Jeso naakamubona ulilele alya, amane kuzhiba kwamba ati kalele alya kwachiindi chilafwu, wakaamba kwakwe ati, "Saa ulazanda kupona?"
7
Wezo mulombwana mulwazhi wakayingula ati, "Mwami, Kwiina naaba womwi ukonzha kumbika mukazhiba awo meenzhi a hwunduwa. Ndezhiza bulyo, umwi ati wenjila kale nkintana kunjila."
8
Jeso wakaamba kwakwe ati, "Zhimuka, bweza bulo bwako, wamana uyende."
9
Ndilyona u lyona wezo mulombwana wakapona, wakabweza bulo bwakwe amane weenda. Inzho buzuba bobo kabuli bwa muchibelu.
10
Amane ba Juda bakaamba kwa wezo wakaponyiwa ati, "Chechi nchibelu alimwi tuhwumizhiwa kubweza bulo."
11
Wakayingula ati, "Wezo walo waponya waamba kwangu ati, 'Bweza bulo bwako wamana uyende.'''
12
Bakamubuzha ati, "Nguni wezu muntu walo waamba kwako ati, 'Chibweze wamana uyende'?"
13
Nikuba bobo, wezo wakaponyiwa katamwizhi ati nguni kaambo Jeso kayile kale chakuzubayila, kaambo kakuli mabunga mabunga abusena bobo.
14
Kumane bobo, Jeso wakamuyana muchikombelo amane wakaamba kwakwe ati, "Bona, ninzho wazuma! Utabi nuuyakuchita chibi alimwi, kwaamba ati kutakabi nikuya kukuchitikila chibaala awa."
15
Wezo mulombwana wakaya watola mulumbe kuba Juda kwaamba ati ngu Jeso nguwakamuponya.
16
Inzho u kaambo kashintu sheshi ba Juda bakamulwisha Jeso, kaambo wakachita sheshi shintu muchibelu.
17
Jeso wakabayingula, "Taata ulasebeza uninzho bolya, alimwi Ame, mbubona, ndasebeza."
18
Kaambo ka chechi, ba Juda bakakapula chini chini kuti bamuyaye kaambo wiina bulyo kusotoka buzuba bwamuchibelu, pele alimwi wamwita Leza ati nguushi mwini, walibika lwakwe mwini kwiingayina u Leza.
19
Jeso wakabayingula ati, "Chini, chini, Mwana kwiina nchaalozha kuchita lwakwe mwini, chita bulyo checho nchaabona Baushi nchibachita, kaambo kufwumbwa baushi nchibachita, aze Mwana ulachichita munzhila yomwi njiyona.
20
Kaambo Baushi balimufwini Mwana alimwi ulamutondezha shoonse shesho walo mwini nshaachita, amana ulakamutondezha milimo mikandosha kubaala yezhi kwaamba umwe mukazhingwe.
21
U kuti walo Ushi ulabusha bafwu alimwi ukubapa bumi, ubobo aze Mwana ulapa bumi kuli woonse wezo ngwaazanda.
22
Kaambo Ushi kwiina naaba womwi ngwaabeteka, pele wakapa koonse kubeteka ku Mwana
23
kwaamba uli woonse akape bulemu ku Mwana mbubona mbubamulemeka Ushi. Woonse wezo utalemeka Mwana ati talemeka Baushi wezo wakamutuma.
24
Chini, chini, wezo woonse uteelela izwi lyangu amana u kumushoma wezo wakatuma ulikwete bumi buteeli alimwi wiina naati akabishiwe bishiwe, ati walo wakuhwa kulufwu waya kubumi.
25
Chini, chini, Ume ndamushimwina chiindi chilakashika, alimwi ndininzho, lelyo bafwu nibati bakateelele izwi lya Mwanaa Leza, amana babo bati bakaliteelele balakapona.
26
Kaambo mbubona Ushi ulikwete bumi mwakwe mwini, aze wakamupa Mwana kwaamba ati aze akwate bumi mwakwe mwini,
27
inzho Ushi wakapa Mwana insana kubeteka kaambo walo Mwanaa Muntu.
28
Mutabi nimuzhingwa kuli chechi, kaambo kuli chiindi chizhiza momo kuli woonse wezo uli muchuumbwe ulakaliteelela izwi
29
amana balakamuhwa: babo balo bakachita kabotu kububuke bwa bumi, alimwi u babo bakachita bubi kububuke bwalubeta.
30
Ume kwiina chinkonzha kuchita lwangu ndimwini. Mbubona mbundateelela, Ndabeteka, alimwi kubeteka kwangu kuliluleme kaambo Ume nshikapula kuzanda kwangu ndimwini pele nduzando lwakwe wezo walo wakantuma.
31
Naakuti Ume ndalipa bumboni bwangu ndimwini, bumboni bwangu bulaba bwabulyo.
32
Kuli umwi wezo upa bumboni bwangu, amana Ume ndizhi kwaamba ati bumboni bobo mbwaapa bwangu mbwachichini.
33
Mwakatuma kwa Johani, amana wakapa bumboni kubwini.
34
Pele bumboni bobo Ume mbwimpa tabuhwi ku muntu. Ume ndaamba shintu sheshi kwaamba ambweni mulakafwutuka.
35
Johani kali ilambe lizaka u kumunika, mwamana mwakaakuzanda kubotelwa mumuni wakwe kwakaindi bulyo kashoonto.
36
Nikuba bobo bumboni Ume bumboni bobo mbwinkwete mbukandosha kubaala bolya bwaka Johani, kaambo milimo yezho Taata njaakampa kwaamba njimanizhe, milimo yezhi Ume njichita, bumboni bwaamba Ume kwaamba ati Taata wakantuma.
37
Taata wezo wakantuma u lwakwe mwini ulapa bumboni aali ume. Umwe mwiina nimwakamuteelela izwi lyakwe nikuba kumubona mbwaabele naashoonto.
38
Umwe mwiina niliba izwi lyakwe lisheele muli umwe, kaambo tamushomi muli wezo walo ngwaakatuma.
39
Umwe mulakapula mumalembe kaambo mulatelaika kwaamba mwalo mumuli bumi butamana, pele azo malembe alapa bumboni aali ume,
40
pele umwe tamuzanda kuzhiza kwangu kwaamba mbweni mulayana bumi.
41
Ume nshitambuli bulemu kuhwa ku bantu,
42
pele Ume ndizhi umwe kwaamba ati mwiina luzando lwaka Leza mukati mwenu.
43
Ume ndakazhiza mwizhina lyaka Taata, mwamana umwe tamuzanda kuntambula, Naakuti umwi wezhiza mwizhina lyakwe mwini, mulakonzha kumutambula.
44
Mulakonzha kushoma buti, umwe nimuhwumina bulemu kuhwa kuli umwi uumwi pele tamukapula bulemu bobo bwalo buhwa kwa Leza walo?
45
Mutabi nimutelaika kwaamba ati Ume lwangu ndakamupa mulandu kumbele kwa Taata pe. Wezo walo u mupa mulandu ngu Mozesi, momo mwalo umwe mumubikile bulindizhi.
46
Naakuti mwakamushoma Mozesi, mulakonzha nkunshoma ame, kaambo wakalemba makani angu.
47
Naakuti umwe tamushomi malembe akwe, mbubuti mbumukonzha kushoma mazwi angu?"