¹ Nikwakayita mazuba otatwe, kwakaba bwinga mu Kana waku Galili, amana aze baina Jeso kaliwo. ² Jeso alimwi u bashichiiya kabali batambe kubwinga. ³ Lelyo waini naakamana, baina Jeso wakaamba kwakwe ati, "Bantu bayina waini." ⁴ Jeso wakaamba kwakwe ati, "Mukaintu, kaambooyi wezhiza kwangu? Chiindi changu tachina kushika." ⁵ Baina Jeso bakaamba ku basebezhi, "Kufwumbwa checho nchaakaamba , muchichite." ⁶ Inzho kwakaakuli intesho sha meenzhi shili chisambomwi shibumbye mabwe shakaakusebezhiwa uba Juda kutunshiya nshiya twakusamba, imwi iimwi intesho keekwete shobile naa shotatwe shingomo sha meenzhi. ⁷ Jeso wakaamba kwabo ati, "Amushizuzhe intesho u meenzhi. Bakashizuzha shoonse kushika a mulomo. ⁸ Amane wakaambila basebezhi, "Amubweze umwi inzho mutolele kuli wezo mukando ulangilizha shabwinga." u bobo bakachita. ⁹ Mulangilizhi wabwinga wakaasola meenzhi alo a kaba waini, pele wiina naakazhiba kwaamba wahwakwi waini (pele basebezhi balo bakateka meenzhi kabezhi). Amane wakoompolola shibwiinga ¹⁰ amane wakaamba kwakwe ati, "Woonse muntu ulapa waini mubotu a kutaanguna amana awo waini mubohwu lelyo bantu bakolwa. Pele waakumuzobwele waini mubotu kushika u cheno chiindi." ¹¹ Chechi chitondezho chitaanzhi Jeso nchaakachita mu Kana waku Galili, amane wakazubulula bulemu bwakwe, amana bashichiiya bakwe bakashoma mwakwe. ¹² Kumane awo Jeso, baina, u banina, alimwi u bashichiiya bakwe bakaya ku Kapenaumu bakakala koko kwa mazuba mashoonto. ¹³ Inzho ikubi lya kwiitilila lyaba Juda kalili afwaafwi, amane Jeso wakaya ku Jelusalemu. ¹⁴ Wakayana bashikusambala basune alimwi iimbelele u nkwilimba muchikombelo, alimwi uba shikuchincha mali kabashite mo. ¹⁵ Ngoonaawo wakapanga mulusu wachikanda amane wakabakusha boonse kuhwa muchikombelo, kubikilizha iimbelele alimwi ing'ombe. Wakamwaazha mapeni woonse abo bashichincha mali wakapinauna matebulu abo. ¹⁶ Kubashikusambala inkwilimba wakaamba ati, "Amushikushe shintu sheshi mono. Amuleke kuchita ing'nada yaka Taata kuba mushika." ¹⁷ Bashichiiya bakwe bakazhibaluka kwaamba ati kakulembelwe, "Kuzandisha ing'anda yako kulazoonauna ume." ¹⁸ Ngoona ba Juda bakando bakazhiza bakamubuzha baamba kwakwe ati, "Nchitondezhooyi nchuukatubonya, kaambo ulachita shintu sheshi?" ¹⁹ Jeso wakayingula ati, "Amuyaye chikombelo chechi, amana mumazuba otatwe Ume ndachizakulula alimwi." ²⁰ Ngoonaawo ba Juda bakando kando bakaamba ati, "Chechi chikombelo chakazakwa myaka makumi one u myaka chisambomwi, amana uwe ulachizaka mumazuba otatwe?" ²¹ Nikuba bobo, kaamba chikombelo cha mubili wakwe. ²² Lelyo naakabushiwa kuhwa kubafwu, bashichiiya bakwe bakazhibaluka kwaamba wakachaamba chechi, bamane bakaahumina malembe alimwi impango yezho Jeso njakaamba. ²³ Awo ninzho wakaakuli mu Jelusalemu kwipobwe lyakwiitilila, banji banji bakashoma mwizhina lyakwe lelyo nibakabona shitondezho shesho nshaakachita. ²⁴ Pele Jeso wiina naakabashoma kaambo kabezhi boonse, ²⁵ Kaambo katazanda naaba womwi kupa bumboni kutwaambo twa muntu, u kuti kezhi checho chaakuli mu muntu.