¹ Awo Pilato wakamubweza Jeso amane wakamukwipaula. ² Bashilikani bakaluka mushini wameya. Bakachibika a mutwi waka Jeso u kumusamika isani lya pepo. ³ Bakaya kwakwe bamane bakaamba ati, "Twakwaanzha, Mwami waba Juda!" bamane bakamuuma. ⁴ Pilato wakahwa ansengwe alimwi amane wakaamba kwabo ati, "Amubone, Ume ndamuleta ansengwe kwenu kwaamba ati muzhibe kuti Ume ndiina kumuyanina mulandu." ⁵ Jeso wakahwa ansengwe, kasamine mushini wa meya alimwi isani lya pepo. Pilato wakaamba kwabo ati, "Amubone, nguwezu muntu!" ⁶ Lelyo awo bapayizhi bakando alimwi u bashilikani nibakamubona Jeso, Bakapozomoka bakaamba ati, "A bambulwe, a bambulwe!" Pilato wakaamba kwabo ati, "A mumubweze nubeni mukamubambule, u kuti Ume ndayana kwaamba ati wiina mulandu." ⁷ Ba Juda bakamwiingula ati, "Tulikwete mulawo, amana kwiingaina u mulawo wezo ulyeelele kufwa kaambo ulalibanda kuba Mwanakwe Leza." ⁸ Awo Pilato naakateelela bukanane bobu, wakabaala alimwi kufwa bukandu, ⁹ amane wakanjila alimwi mwibetekelo amane wakaamba kwa Jeso ati, "Anu ulahwakwi?" Pele Jeso wiina naakamutaba. ¹⁰ Amane Pilato wakaamba kwakwe ati, "Saa tukanani kwangu? Saa twizhi kwaamba ati ndikwete insana shakukwaangulula, alimwi insana shakukubambula?" ¹¹ Jeso wakamwiingula ati, "Wiina insana aali ume chita checho chapewa kwako kuhwa kwizeulu. Nikuba bobo, wezo wapa ume kwako ulikwete chibi chibaala." ¹² Kubwiingule bobu, Pilato kazandisha kumwaangulula, pele ba Juda bakapozomoka, baamba ati, "Naakuti u mwaangulule wezu muntu, ati tuli mweenzhiina waka Kayizala. Woonse wezo ulibika kuba mwami ati ulalwisha Kayizala." ¹³ Awo Pilato naakateelela mazwi aza, wakamukusha Jeso ansengwe amane wakakala achuuna chalubeta mubusena butewa ati "Lubanza lwa mabwe," pele mumushobo wachi Alamayiki, "Gabata." ¹⁴ Inzho kabuli buzuba bwakulibambila ipobwe lyakwiitilila, kakuli u koya kwiwoola lya chisambomwi. Pilato wakaamba kuba Juda ati, "Amubone, nguwezu mwami wenu!" ¹⁵ Bakapozomoka, "Kaya koko wezo, kaya koko wezo; a bambulwe!" Pilato wakaamba kwabo ati, "Saa Ume mubambule Mwami wenu?" Bapayizhi bakando bakaamba ati, "Twiina mwami umwi chita Kayizala." ¹⁶ Amane Pilato wakabapa Jeso kwaamba ati abambulwe. ¹⁷ Bamane bakabweza Jeso, bamukusha ansengwe, wakabweza chichinkani chakwe mwini, kuya kubusena butewa ati, "Busena bwa kaanza," muchishobo cha Alamayiki chilatewa ati, "Gologota." ¹⁸ Bakamubambula Jeso koko, amana kabali u balombwana bobile, umwi koku umwi koku, Jeso kali akati. ¹⁹ Pilato aze wakalemba chitondezho amane wakachibika achichinkano. Awo kachilembelwe bolya ati: JESO WAKU NAZALETA, MWAMI WABA JUDA. ²⁰ Ba Juda banji banji wakachibala chechi chitondezho kaambo kakuti busena bobo Jeso mbwaakabambulilwa kabuli kufwaafwi u munzhi mukando. Chitondezho kachilembelwe muchi Alamayiki, muchi Latini, alimwi u muchi Giliki. ²¹ Bamane bapayizhi bakando baba Juda bakaamba kwa Pilato ati, "Utalembi ati, Mwami waba Juda,' pele ati, Wezo walo wakaakwaamba ati, "Ume ndi Mwami waba Juda.''''' ²² Pilato wakayingula ati, "Checho Ume nchindalemba ati ndalemba." ²³ Awo bashilikani nibakamubambula Jeso, bakabweza shakusama shakwe, bakashaabanya mushibeela shone, umwi chomwi umwi chomwi; alimwi u chisamwa chamukati. Inzho chakusama chamukati bayina nibakachizapula, kachilukilwe chomwi bulyo kuhwa ezeulu. ²⁴ Bamane bakaamba kuli umwi umwi ati, "Tutachizapula, pele bulyo atuwaale chisolo tubone naa chilaba chakani." Chechi chakaba kwaamba ati malembe azuzukizhiwe azo aamba ati, "Bakaabanya shikobelo shangu akati kabo bamane bakawaala chisolo a shakusama shangu." ²⁵ Inzho bakaakuzhimine kufwaafwi u chichinkano chaka Jeso kabali baina, u munina baina, Maliya Mwinakwe Kulopasi, u Maliya Magadalena. ²⁶ Awo Jeso naakamubona baina alimwi u shichiiya wezo ngwaakaakufwini balizhimine a mabali, wakaaamba kwa baina ati, "Mukaintu, bona, mwanako!" ²⁷ Amane wakaamba kwa shichiiya wakwe ati, "Bona, banoko!" Kuhwa kwiwoola lelyo wezu shichiiya wakamubweza wamutola kung'anda yakwe. ²⁸ Nikwakaita chechi, mukuzhiba kwaamba ati shoonse ninzho shabambwa alimwi ati malembe ashika kukuzuzukizhiwa, Jeso wakaamba ati, "Ndafwa inyota." ²⁹ Chingomo chizwile waini ulula chakabikwa awo, bakabika inshinsa izwile waini ulula kukasamu ka hisopu bamane bakachibika ku mulomo wakwe. ³⁰ Awo Jeso naakamana kunwa waini ulula, wakaamba ati, "Inzho kwamana." Wakakotamika mutwi wakwe amane wakaleka moza wakwe wakafwa. ³¹ Ngoonaawo ba Juda, kaambo kabuli buzuba bwakulibambila, alimwi kwaamba ati mibili teeyelele kushaala achichinkano chiindi cha chibelu (kaambo chibelu kachikwete bulemu), bakakumbila Pilato kuti baakonaune matende abo bamana babakushe. ³² Bamane bashilikani bakaya kukonanuna matende muntu mutaanzhi bamane a muntu wabili babo bakaakubambulilwe u Jeso. ³³ Lelyo nibakashika kwa Jeso, bakabona kwaamba ati kafwile kale, u bobo bayina nibakamukonauna matende. ³⁴ Nikuba bobo, umwi mushilikani wakamuyasa isumo munhwabuti, ndilyona bulowa alimwi u meenzhi shakatuntumuka. ³⁵ Wezo wakachibona chechi wakapa bumboni, amana bumboni bwakwe kabuli bwini bwini. Kezhi kwaamba ati wakaamba meni meni kutewa aze ashoma. ³⁶ Sheshi shintu shakachitika kutewa ati kuzuzukizhiwe malembe, "Kwiina nichiba chifwuwa chomwi chikakakononwa." ³⁷ Alimwi, amwi malembe a laamba ati, "Balakaakumulangilile wezo walo ngubakayasa." ³⁸ Kumane shintu sheshi, Jozefu waku Alimateya, ukuti wakaakuli shichiiya waka Jeso (pele kumabali mukutiya ba Falisi), wakamukumbila Pilato naakuti ulalozha kuubweza mubili waka Jeso. Pilato wakamuhwuminya. U bobo Jezefu wakaya kuubweza mubili. ³⁹ Nekodemasi wakashika, wezo walo a kutaanguna wakaakwiile kwa Jeso mashiku. Wakaleta mafwuta mahwele u mili alimwi u alosi, kaatandila ku mwaanda wama litaazi. ⁴⁰ Bamane bakoobweza mubili waka Jeso bakauzambaila mumasani mabike u tuninkilizho, mbuchakaakuli nkukanshiya nshiya kaba Juda kuzhika mubili. ⁴¹ Inzho mubusena bobo mwaakabambulilwa kakuli muunda; amana momo mumuunda kamuli chuumbwe chipiya chalo chakaakwiina wakaakuzhikilwe mo kale. ⁴² Kaambo kabuli buzuba bwakulibambila bwaba Juda alimwi kaambo chuumbwe kachili kufwaafwi, bakamooneka Jeso muli nchicho.