¹ Nchiinzhi chileta inkondo ukulwa akati kenu? Sa chimupa kulwana akati kenu takuli kuzandisha shintu shakumubili? ² Mulazandisha, pele mwiina Mulayaya ukulikumbuzha, amana tamushiyani pe. Mulalwana ukuzwangana. Tamukwete nkaambo tamulombi. ³ Mulakumbila pele tamupewa nkaambo mulakumbila butaluleme, kwaamba mushisebezhe mu kuzandisha kwenu ⁴ Umwe nubashimamambe! Sa tamwizhi ati kuzandisha sha mu luundu mbushinkondonina u Leza? Kufumbwa muntu uzandisha sha lundu wezo ngu shinkondonina u Leza. ⁵ Sa mulatelaika ati ngakuchenga malembe aamba ati, ''Moza ngwakabika muli uswe ulikwete bufwi''? ⁶ Pele luse lwa Leza ndukandosha, malembe alaamba ati, ''Leza ulabakaka balisumpula, pele ulafwila luse babo balifwiinsha.'' ⁷ Inzho amulibonzhe kwa Leza. Amumukake satani, amana ulakuvwa kwenu. ⁸ Amuswene afwaafwi u Leza, aze ulaba afwaafwi amwe. Amusalazhe matashi enu, umwe nubashishibi alimwi musalazhe myozo yenu, umwe nubantu nimukwete mizeezo minji minji. ⁹ Amulyetezhe, mutengule alimwi mulile! Amuleke kuseka kwenu kube kulila kubotelwa kube kubiilwa. ¹⁰ Amulibonzhe ku Mwami, kwaamba walo amusumpule. ¹¹ Muta kusampauzhanya, nubakwesu. UUsampaula munina ulasampaula mulawo alimwi ulabeteka mulawo. Kuti ulbeteka mulawo, uwe tulishikuchita mulawo, pele uli mubeteshi. ¹² Womwi bulyo nguupa mulawo alimwi ngu mubeteshi. Iguwe ukonzha kufutula ukuyaya. Ndiweni, uwe nubeteka shimukobo noko? ¹³ Inzho amutelele, umwe nimwaamba ati, ''Ubwasunu na uzona tulaya ku munzhi mukando welya, tukakale kwa mwaka womwi, tukasambale, ukuyana impindu.'' ¹⁴ Nguni uzhi chiya kuchitika zona, alimwi bumi bwenu chiinzhi? ukuti muli bulyo ukoya ingubi ilibonya kwa kaindi kashoonto bulyo amana yamwaika. ¹⁵ Kunze kwa bobo, mulyelele kwaamba ati, ''Kuti Leza akuzanda, tulakuchipona ukuchita chechinaba chelya.'' ¹⁶ Pele inzho mulalitukumuna umakanze enu. Koonse kulitukumuna koko nchibiyabi. ¹⁷ Kuli woonse uuzhi nchayelele kuchita chibotu amanea tachichitiati wachita chibi.