¹ Kamwiza ninzho, umwe nubavubi, amulile ukoomka nkaambo ka mapenzhi akamushikila. ² Buhubi bwenu bwabola, alimwi ushikobelo shenu shaliwa impezu. ³ Golide wenu u siliva shilakakwata senche. Nguwena senche wezu ngukaaba kamboni kumubeteka. Ulakazonauna mibili yenu ukoya mulilo. Mwalizobwela lubono lwenu mu mazuba ama manino. ⁴ Amulange mwiina kubahozha bamutebulila mu myuunda yenu balalila nkaambo kenu. Kulila kwabo kwashika mu matwi a Mwami wamakamu. ⁵ Mwabulya bwaanshi ano alimwi mwalibotezha. Mwainya myozo yenu kulindila buzuba bwa kuyayiwa. ⁶ Mwakapa milandu ukuyaya muntu wiina kaambo. Wiina namuzanga umwe. ⁷ Amukalike myozo, ulimwi, nubakwesu, kushikila buzuba mwami mbwashika. Amubone mulimi mbwalindila muunda wakwe ati ukuzhe shishango shibotu ulalindila, kuvwa kasemuna mpaka mainza. ⁸ Amwe, mbubona, amukwate myozo. Amwizumye zumye myozo yenu nkaambo kuhiza kwa Mwami kuli afwaafwi. ⁹ Mutatongaukani, nubakwesu, umwi uumwi, kwaamba mutakapewi mulandu. Amubone, mubeteshi ulizhimine amulyango. ¹⁰ Amubweze mukozhanyo, nubakwesu, kuvwa kumapenzhi ubushichamba bwa bashinshimi, babo bakaamba mwizhina lya Mwami. ¹¹ Amubone, babo tulabaamba ati bakakakatila balilelekelwe. mwakakutelela ku kakatila kwa Jobo, alimwi mulizhi muzeezo wa Mwami, mbwaali shiluse. ¹² Kunze kwa shesho shoonse, nubakwesu, mutabi nimupingizha izeulu niba inshi naba kufumbwa chintu. ubobo na kuti mwaamba "ee akube "ee" alimwi nakuti mwaamba "Peepe" ataati abe mbubona "peepe" kwaamba mutanjili mukubetekwa. ¹³ Sa akati kenu kuli upengele? Nakombe. Sa kuli ubotelelwe? naimbe intembauzho. ¹⁴ Sa kuli mulwazhi akati kenu? Na ompolole basololi ba chikombelo, abamukombele. abamunanike mafuta mwizhina lya Mwami. ¹⁵ Mupailo wa lushomo ulamuponya mulwazhi, alimwi Mwami ulamubusha. Kuti na kuli chibi nchakabisha, Leza ulamulekelela. ¹⁶ Ubobo amulyambilile shibi shenu umwi uumwi alimwi mukombelane kwaamba mukonzhe kupona. Mupailo wa muntu ululeme ulikwete insana mubusebezhi bwawo. ¹⁷ Elija kali muntu ukoya uswe. Walo wakakomba chalushinizho kwaamba itawi imvula, ubobo imvula iina niyakawa kwa myaka yotatwe u myezhi ili chisambomwe. ¹⁸ Kumane Elija wakakomba alimwi. Mazeulu akawisha imvula, inshi yakeezha michelo yayo alimwi. ¹⁹ Nubakwesu, na kuti ali umwe umwi wamuvwa munzhila ya bwini kumane kwaba umwi wamuzhola muzhila, ²⁰ wezo muntu ulyelele kuzhiba ati, kufumbwa wezo uzhola shishibi kuvwa munzhila ita luleme, ulamufutula kuvwa ku lufwu alimwi ulavumba shibi shinji shinji.