¹ Takuli kwaamba noonse mulyelele kuba bamayi, nubakwesu mulizhi kwaamba ati, uswe nituyiisha tulakabetekewa chini chini. ² Ukuti toonse tulabisha munzhila shinji. Kuti na muntu tabisha mu mazwi, wezo muntu uliluleme, uchikonzha kuchindulula u mubili wakwe wooonse . ³ Inzho kuti twabika lubulo mukanwa lya mbizhi kwaamba ikonzhe kututeelela, tulakonzha ukunyona mubili walyo. ⁴ Amwabone awo mato makando, nakakomena buti alimwi nukaunga buti muuwo, alanyonwa inkashi inshoonto ukuya kufumbwa nkwazanda shikweenzha. ⁵ Mbubona, mulaka nchizo chishoonto, pele ulalikankaizha kushintu shikando. Amutelaike musanza mbukonzha kupiya kukalilo kashoonto kasonswa, mulaka awo mulilo, chishi cha mafunze chibikilwe akati kesu. ⁶ Mulaka ulsofwaazha mubili woonse, ulazonauna bukale bwa muntu, alimwi walo ulatentwa kuvwa kukalambwe. ⁷ Ukuti mishobo ya banyama boonse mu luundu, bazuni, bapuka, ulimwi u shiyama shoonse sha mu meenzhi shilapingulwa alimwi shakapingulwa u bantu. ⁸ Pele kwiina muntu ukonzha kupingula mulaka. Ulizwile bubi, u bulovwu buyaya. ⁹ Tulosebezha kutembaula Mwami, alimwi tulosebezha kushinganya bantu, balo bakalengwa muchinkozha cha Leza. ¹⁰ Mu mulomo womwi mulavwa kulongezha ukushinganya. Nubakwesu sheshi tashelele kuchitika. ¹¹ Sa mwiinzo womwi ulakonzha kukusha meenzhi mabotu u meenzhi mabiyabi? ¹² Sa nubakwesu, ikuzu lilakonzha kweezha mafumu? Naaba masaansa kweezha inkuzu? Naaba meenzhi alula takonzha kukusha meenzhi alweela. ¹³ Nguni musongo akati kenu? Wezo muntu natondezhe bumi bubotu kwiita mu milimo yakwe mibotu yabusongo bwa kulifwiinsha. ¹⁴ Pele na ulikwete munyono mu mozo ubushikalifune, utabi nulikankaizha ukulwisha lushinizho, ¹⁵ Bobu busongo tabuli busngo buvwa kwizeulu. Pele, mbwa ano anshi, tabuli bwa Moza, mbwa myoza mibiyabi. ¹⁶ Ukuti ukuli munyono ubushikalifune, ali manyongwe u shibi shamishobo yoonse. ¹⁷ Pele busongo buvwa kwizeulu bulasalala, alimwi mbwa luumuno, mbwa kulibonzha, bwiina kampenda, bulizwile luse alimwi u michelo mibotu, bwina kusalulula. ¹⁸ Michelo ya busalali ilashangwa akati ka babo baleta luumuno.