¹ Nubakwesu mutalusowa lushomo mu mwami Jeso Kilisito, Mwami wa bulemu, mutakusalululana. ² Nakuti kwaba muntu wenjila mu muswangano wenu ulisamine inweenwe ya goludi, u shisani shebeshi, kumane kwenjila mupushi usamine sha matombe. ³ Kuti na mwalanga ku muntu usamine shisani shebeshi mwamana mwaamba ati, "Kala awa a chuuna chibotu," pele mwambila mupushi ati, "Zhima koko nkukona utasena kono," naba ku mwaambila ati "Kala awo anshi," ⁴ sa tamula kubeteka akati kenu? Sa tamuli ba beteshi bakwete mizeezo mibiyabi? ⁵ Amupupulale, nubakwesu, sa Leza wiina nakasala bapushi ba mu luundu kuba ba hubi mu lushomo alimwi kwaamba babe bashi kukona munzhi wezo ngwakashomezha kuli babo bamufwini? ⁶ Pele mwaba sampaula bapushi! Sa imbo bahubi bamupenzha umwe? Sa tabali mbabo bamutola ku nkuta? ⁷ Sa baina nibatuka izhina ibotu lyalo ndimwaketiwa? ⁸ Kuti na mwazuzikizha milawo kwendelana u malembe, "Fuha shimukobo noko mubona mbulifwini umwini," mulachita cibotu. ⁹ Pele kuti mula salulula bantu bamwi, mulapanga chibi, alimwi mulapewa mulandu kwaamba tamutobele mulawo. ¹⁰ Ukuti, kufumbwa wezo utobela milawo yoonse, pele wasotoka buyo womwi, ulayaninwa mulandu wakuti wasotoka mulawo. ¹¹ Ukuti wezo wakaamba ati, "Utachiti bumambe," alimwi wakaamba ati, "Utabi nuyaya." Kuti tuchiti bumambe, pele kuti wayaya ataati wasotoka mulawo ¹² Inzho amwaambe ukuchita ukoya babo bakaabetekwa kwiita mu mulawo wa bulubushi. ¹³ Ukuti bubeteshi bulashika kwiina kufwila luse babo ubaina nibatondezha luse. Lse lulazunda Bubeteshi. ¹⁴ Ni mpindu nzhi nubakwesu, kuti umwi waamba ati ulikwete lushomo, pele wiina milimo? Sa lushomo lolo lulakonzha kumufutula? ¹⁵ Kuti umwi munyokwenu wiina shakusama alimwi wiina shakulya. ¹⁶ Kuti umwi wenu wabaambila ati, "Kamuya mu luumuno, mukakale ukulya kabotu." Kuti mwiina kubapa shesho shizandika ku luseba, ni mpindu nzhi? ¹⁷ Mbubona bobo, lushomo lwiina milimo, lulifwile. ¹⁸ Pele umwi ukalaamba ati, "Ulikwete lushomo, ume ndikwete milimo." Tondezha lushomo kwiina milimo, ndamana ndakutondezha lushomo kwiita mu miimo yangu. ¹⁹ Mulashoma ati kuli buyo Leza womwi; mulachita kabotu. Pele awo ma daimona alashoma bobo alimwi alakwiila. ²⁰ Sa ulazanda kuzhiba, u muntu mulimbushi, kwaamba ati, lushomo lwiina milimo lwiina mbulubele? ²¹ Sa Abbulahamu ushesu wiina nakaba muntu usmpulilwe ku kumilimo ciindi nakatuula Isaki mwanakwe a cipaililo? ²² Mulibwene kwaamba ati lushomo lwakasebza u milimo yakwe, alimwi kwaamba ati ku milimo lushomo lwakwe lwakamaninina. ²³ Malembe akazuzukizhiwa akanana ati, "Abbulahamu wakamushoma Leza, alimwi cakabalwa kwakwe ati mbusalalazhi," alimwi waketiwa ati mulongwaakwe Leza. ²⁴ Mulibwene akuti nkwiita mu milimo yakwe muntu mwasumpulwa kutali buyo mu lushomo. ²⁵ Muzhila ikozhenye, sa Rahabu, muhuule, wiina nakasumpulwa nkaambo ka milimo ciindi nakatambula bashimposo ukubakwisha muchishi kusebezha inzhila inji? ²⁶ Ukuti mbubona mubili wiina moza ulifwile, mbubona lushomo lwiina milimo lulifwile.