¹ Chakachitika kwaamba ati bantu nubakatalika kuhula ano anshi alimwi banabashimbi bakazhaiwa kwabo. ² Ubobo bana baleza balombwana bakabona bashimbi kwaamba mbebeshi. Bakabatwala kuba bamenabo kufumbwa umwi wezo ngwasala. ³ Yaave wakaamba, "Moza wangu wiina nukakalilila lyoonse u lyoonse mu muntu nkaambo ngwa nyama. Balakakala myaka ili mwaanda u makumi obile. ⁴ Ba Nephilim kabali mo muchishi shaanshi umazuba azo, ulimwi kumana kwa mazuba amwi. Chechi chakachitika kubana baleza balombwana kutwala bakaintu bakakuzhelwe ku balombwana, ndilyona bakakwata abo bana. Baba kabali balombwana bashomwa uba kale kale, u balombwana ba mpuwo. ⁵ Yaave wakabona kwamba ati bubiyabi bwa muntu bwakomena anshi, alimwi u shoonse shakuli mu mizezo kuvwa ku myozo yabo kabuli bubi bwalo chiindi choonse. ⁶ Yaave chamiubiila kwamba wakalenga muntu ano anshi, alimwi chakamuchisa kumozo wakwe. ⁷ Inzho yaave wakaamba, "Ndaazonauna muntu woonse ngundakalenga anshi ano mushobo wabantu alimwi u banyama. Ushikalaba ubazuni bamwizeulu, ukuti ndausa kwaamba ati ndakabalenga.'' ⁸ Pele Noah wakazandwa mu menso a Yaave ⁹ Bobu mbubuponi bwa Nowa. Nowa kali mulombwana ushomeka alimwi wiina kampenda a bantu boonse muchiindi chakwe. Nowa wakeenda u Leza. ¹⁰ Nowa wakazhala bana botatwe: Shemu, Hamu u Jafeti. ¹¹ Inshi yanjila makulo kubushu bwa Leza, alimwi yakanjilwa kuzwangana. ¹² Mwami Leza wakabona inshi; amulange, yaba ya makulo, bantu boonse banjilwa makulo mubuponi bwa anshi. ¹³ Leza wakaamba kwa Nowa, "Ndabona kwaamba chashika chiindi chakubika mamanino abumi bwa bantu boonse nkaambo kachishi chazula kuzwangana muli mbabo. Chini chini, nkandabazonauna babo antoomwi iinshi. ¹⁴ Lipangile bwato bwa mapulanga a Cypress. Upange shipinda mukati ka bwato, ulimwi ububambe kusebezha shizumu mukati aansengwe. ¹⁵ Mbubolya mbukaabupanga: Bulamfu bwa bwato bulyeelele kuba myaanda yotatwe ya ma cubits, umbufwaafwi bulyeelele kulampa makumi osanwe 50cubits, alimwi bulamfu kuya mwizeulu makumi otatwe 30cubits. ¹⁶ Upange chiluli cha bwato, alimwi umanizhe chingaine u cubit womwi kuvwa mwizeulu ku mumbali. Ubike mulyango mu mabali a bwato alimwi upange chifwalwi chakulizila, uchabili, u chatatu chakushokela bwato. ¹⁷ Telela, ndakuleta izambangulwe lya meenzhi anshi awo, ukuzonaula shoonse shizoza anshi awo. shoonse shili anshi shilakafwa. ¹⁸ Pele ndabamba chivuminano aze. Ulaanjila mu bwato, uwe, alimwi ubanako balombwana, alimwi u mwinako, alimwi ubamuka banako mbumuli abo. ¹⁹ Uchili choonse chipona, shobile shobile mushobo washo, ulyelele kushinjizha mu bwato ukushisunga kashipona aze, shilombwana u shikaintu. ²⁰ Bazuni mu mishobo yabo, banyama mu mishobo yabo, boonse banyama bakalaba mu mishobo yabo, Shobile shobile mu mishobo yasho shilakeza kwako kwaamba ukashisunge bulanga. ²¹ Ubunjike mishoobo yoonse ya shakulya shiliwa uzobole kwaamba shikabe shakulya shako u shabo.'' ²² Inzho Nowa wakachita bobo. Mbubona Leza mbwakamulailila kuchita, wakachita.