¹ Ninzho muzoka waaba musongo kubaala banyama boonse ba mumuunnda walo Yaave Leza mbaakalenga. Wakaambila mukaintu, ''Sa Leza nchobeni wakaamba, 'Twelele kulya kuvwa ku chisamu mu muunda?'' ² Mukaintu wakambila muzoka ati, ''Tulakonzha kulya muichelo ivwa kushisamu sha mu muunda, ³ pele ku muchelo uvwa ku chisamu chiliakati ka muunda, Leza wakaamba, 'Tamwelele kuchikwata, ati mulakafwa. ⁴ Muzoka wakambila mukaintu, ''chini chini tufwi. ⁵ Nkaambo Leza ulizhi ati buzuba mbukakoolya menso ako alayaluka, alimwi ulaaba ukoya Leza, kwizhiba chibotu uchibiyabi. ⁶ Pele mukaintu nakabona ati chisamu nchibotu kuchilya, alimwi chakamwinina ku menso, alimwi ati chisamu nchebeshi u kupa busongo muntu, mukaintu waabweza muchelo woolya. Ngoona mukaintu wakapa umwi muchelo mulumyaakwe ngubakakuli aze, walya. ⁷ Menso abo boonse akayaluka, alimwi bakazhiba ati bali chintanda. Ngoona batunga matuhu a mukuzu antoomwi ukupanga shakusama. ⁸ Baatelela kushobaila kwa yaave Leza mu muunda kakuchitontola umbuzuba bobo ninzho mulombwana u mwinakwe bakazuba kuhwa kubushu bwa Yaave akati ka masamu ali umona mu muunda. ⁹ Yaave Leza wakoompolola mulombwana ukumushimwina ati, ''Sa ulikwi?'' ¹⁰ Mulombwana wakaamba ati, ''Ndakutelela u muunda, ulimwi ndatiya, nkaambo ndaakuli chintanda. Ninzho ndazuba ndimwini.'' ¹¹ Leza wakaamba, ''Nguni wakushimwina ati ulichintanda? Sa walya kuchisamu nchindaka kulailila utalyiko?'' ¹² Mulombwana wakaamba, ''Mukaintu nguwakampa ati tube aze, nguwampa muchelo wahwa kuchisamu, alimwi ndoolya.'' ¹³ Yaave wakambila mukaintu, "Nchiinzhi chechi nchiwachita?" Mukaintu wakaamba, "Muzoka wanengaulila, alimwi ndoolya.'' ¹⁴ Yaave Leza wakaambila muzoka, ''Nkaambo wachita chechi, washinganyiwa uwe iche akati ka banyama boonse basungwa alimwi u banyama boonse bali mu muunda. Inzho ulakakukalaba iifu alimwi ulakakulya lufuko umbumi bwako boonse. ¹⁵ Ndabika kutatelezhanya akati kako u mukaintu, alimwi aakati ka luhubo lwako u luhubo lwa mukaintu balakakuuma kumutwi aze ulakuluma ku shishindi.'' ¹⁶ Ku mukaintu wakaamba, ''Ndakahuzha chichisa akutumbuka; chilakuchisa akutumbuka. Choonse chuzanda chilakuli cha mulombwana, pele ulaaba ngukweendelezha. ¹⁷ Kwa Adamu wakaamba, nkaambo waatelela izwi lya mwinako, alimwi nkaambo walya chivwa kuchisamu, nchichona nchindakakulailila ati utakali, Ndeshinganya inshi nkaambo kako; kwiita umilimo mizumu muti ukakuyanina chakulya mu mazuba oonse amubumi bwako. ¹⁸ shilakakuzhala michelo ya meya, alimwi ulakakulya shishango shakushanga umuunda. ¹⁹ Kuvwa ibe kubushu bwako nukayana chinkwa, chita wabweela ku bulongo, nkaambo kubulongo nkuwakavwila, ubobo uli lufuko, nkukona ku lufuko nkukaabweela.'' ²⁰ Mulombwana wamulika izhina mwinakwe ati, Eva nkaambo waaba mutumbu washintu boonse bapona. ²¹ Yaave Leza wapangila Adamu u mwinakwe shakusama shamasalu ukubasamika. ²² Yaave Leza wakaamba, ''Ninzho muntu waba ukoya waakati kesu, kuzhiba shibotu ushibyaabi. Uninzho tahumizhiwa kushika itashi kuchela ku chisamu cha bumi, kuchilya, ukupona kwa Lyoonse.'' ²³ Ngoona awo Yaave Leza waamutuma kuzunka mu muunda wa Edeni, kuya kulima kunshi koko nkwakatolwa. ²⁴ Ubobo Leza waamutanda u muunda, ukubika mungelo kwiwe kwa muunda wa Edeni, alimwi icheba lya mulilo uzaka kalizhinguluka kukasha kushika ku chisamu cha bumi.