¹ Nowa wakaamba kwa Nowa, "Kweza uwe ulimwi u bashimukobo noko, mi bwato, nkaambo ndabona ati ulilume kubushu bwangu ku musela wezu. ² Ku mishobo ya banyama boonse basalala ukalete bachende bali chiloba uku bazhazhi ukalete bali chiloba. Kubanyama batasalali ulete bobile bobile, bachende ulimwi ubazhazhi, ³ Alimwi u bazuni bauluka, kalete bali chiloba bakombwe, ulimwi asho inseke shili chiloba, kwaamba tusunge imbuto shabumi achishi chaanshi. ⁴ Ukuti kwa mazuba ali chiloba nkandakawisha imvula ya muyoba chishi choonse kwa mazuba ali makumi one u mashiku ali makumi one. Ndakazonauna shoonse shipona anshi nshindakalenga.'' ⁵ Nowa wakachita shesho shoonse Yaave nshakamulailila. ⁶ Nowa kakwete myaka ili myaanda ili chisambomwe muyoba nuwakashika anshi. ⁷ Nowa, banakwe, mwinakwe, u bamuka banakwe bakanjila mu bwato nkaambo ke zamangulwe lya meenzhi. ⁸ Banyama basalalaulimwi u batasalali, u bazuni ulimwi u boonse bakalaba anshi, ⁹ shobile shobile, chilombwana u chikaintu, shakeza kwa Nowa ukunjila mu bwato, umbona Leza mbwakamulailila Nowa. ¹⁰ Nakashika mazuba ali chiloba, meenzhi akazula chishi choonse. ¹¹ Mu myaanda ili chisambomwe yamyaaka ya kupona ya Nowa, mu mwezhi wabili, mu buzuba bwa ikumi u mazuba ali chiloba bwa mwezhi, mubuzuba bobo mbubona tulonga twa meenzhi twakayuka. Ulimwi shipulo shakwizeulu shakayuka. ¹² Imvula yatalika ulimwi yakawa kwa mazuba u mashiku ali makumi one. ¹³ Mubuzuba bobu mbubona Nowa u banakwe ba, Shem, Ham, u Jafeti u mwinakwe Nowa, u bamuka banakwe botatwe bakenjila boonse mu bwato. ¹⁴ Bakenjila antoomwi u banyama bamusokwe kwendelena u mishobo yabo, asho shihubwa mbubona mumishobo yanshisho, shikalaba anshi asho mbubona mumishobo, alimwi abo bazuni bauluka abo mumishobo ushimwi shilenge shuuluka. ¹⁵ Shobile shoonse shakuzoza shakeza kwa Nowa ukunjila mu bwato. ¹⁶ Banyama bakanjila mu bwato kabali bachende u bazhazhi ba mishobo ya nyama yoonse; Bakanjila mbubona Leza mbwakamulailila. Ngoona Yaave wakooyala mulyango. ¹⁷ Ngoona izambangulwe lya meenzhi lyakashika anshi kwa mazuba ali makumi one, ulimwi meenzhi akahula kushikila bwato bwaya ezeulu. ¹⁸ Meenzhi akezuzha inshi yoonse ubobo bwato bwakeempa ezeulu a meenzhi. ¹⁹ Meenzhi akahula anshi chansana chakuti yoonse mapili oonse ali anshi ano akebila. ²⁰ Meenzhi akebizha milindu kulampa kuya mwizeulu. ²¹ Shoonse shipona shakuli anshi shakafwa - bazuni, shifuwiwa, banyama ba mwisokwe, shoonse shipona shakukala butanga anshi ano, u bantu boonse. ²² Shoonse shizoza shakuli anshi, shakuzozela mu manango shakafwa. ²³ Ubobo choonse chakupona ezeulu aanshi shakatolwa u meenzhi, bantu u banyama kubikilzha u shintu shikalaba u bazuni bauluka. shoonse shakazonaunwa kuvwa anshi. Chita buyo Nowa ubabo mbakuli abo mu bwato mbubakashaala. ²⁴ Meenzhi akakala anshi kumana kwa mazuba ali mwaanda u makumi osanwe.