¹ Uninzho Jakobo wakazhiba kwaamba ku chishi cha Ijipiti kwakakuli chakulya (museke) . Wakaamba kubanakwe, ''Nonkaambo nzhi mula langa umwi umwi?'' ² Wakaamba amubone kono, ndakatelela kwaamba kuli chakulya muchishi cha Ijipiti. Kamuya ko mukatulile chakulya tupone kubaazha kwaamba tufwe.'' ³ Banina Jozefu bali ikumi balombwana bakaya kuula chakulya ku Ijipiti. ⁴ Pele Jakobo wiina ukamutuma Bejamin, munina Jozefu u banina mbuli mbwa kaambaati, ndatiya chibiyabi inga chamuchitikila . ⁵ Banakwe Izilaili bakeza kuula akati kababo bakeza,nkaambo inzala yakakuli muchishi cha Kenani. ⁶ Uninzho Jozefu wakakuli mwendelezhi mukando mubusena bobo. Inguwe wakakuuzha ku bantu boonse muchishi. Banina Jozefu bakeza ukufugama kwakwe nashu aabo kafuleme anshi. ⁷ Jozefu wakababona banina ukubazhiba, pele wakalisoseka ukwaamba abo chalunya. Wakaamba kwabo ati, ''Mwavwa Kwi?" Bakaamba ati, "Twavwa ku chishi cha Kenani tweza kuula chakulya.'' ⁸ Jozefu wakabazhiba banina pele balo baina kukamuzhiba. ⁹ Amane Jozefu wakazhibaluka shiloto nshakabalotela, amana wakabaambila ati, "Muli bashikweena! Mweza kweena masena atakwabililwe.'' ¹⁰ Bakamwambila ati, "Peepe mwami wangu. Bazhike bako beza kuula chakulya. ¹¹ Tuli bana ba muntu womwi . Tuli balombwana bashomeka. Bazhike bako tabali bashikweena.'' ¹² Wakabaambila ati, "Peepe, mweza kubona masena atakwabililwe muchishi.'' ¹³ Bakaamba, "Uswe tubazhike bako tuli ikumi u bobile bana balombona ba muntu omwi muchishi cha Kenani. Bona, mushoontosha bono buzuba uli u bataata, alimwi umwi munyokwesu tachiponi.'' ¹⁴ Jozefu wakabambila ati, "nchichecho nchindamwaambila; muli bashikweena. ¹⁵ Kuli chechi mulasunkwa. Kubumi bwa Falawo, tamukvwi kono, chita mwini mucheche wenu mushoontosha ashike kono. ¹⁶ Amutume umwi wenu aakuya akamulete. Mulashaala muntolongo, kwaamba mazwi eenu asunkwe, na muli meni - meni muli ngawo. Ubuyo, kubumi bwa Falawo, chakushinizha muli bashikweena.'' ¹⁷ Wakababika boonse muntolongo kwa mazuba otatwe. ¹⁸ Jozefu wakabaambila mu buzuba bwatatu, ''Amuchite bolya kwaamba mupone, ukuti ndamutiya Leza. ¹⁹ Kuti na muli balombwana bashomeka, akube omwi wenu ushaala muntolongo, pele bamwi muye, mutole shakulya ku maanda enu aina chakulya. ²⁰ Mukamulete muchehche wenu mushontosha ashike kwangu kwaamba mazwi enu akabonwe na meni - meni mwamana tamukafwi.'' Ubobo bakachita bobo. ²¹ Bakaamba kuli umwi - uumwi, "Twazulwa ku kaambo ka mukwesu kalo nkutwakabona kupenga kwa bumi bwakwe walo wakatulomba chini chini pele twiina kukatelela. Ubobo, koku kusampuka kwatuzhokela.'' ²² Lubeni wakabataba ati, "Sa ndiina inda kamushimwina ati, 'Mutamubishizhi mwembezhi,' pele mwiina nimwakatelela. Uninzho, amubone, bulowa bwakwe bwazanda uswe.'' ²³ Baina nibakazhiba kwaamba Jozefu wakabatelela, nkaambo kakuti kwakakuli musanduluzhi akati kabo. Wakalanga kunji amana wakalila. ²⁴ Wakabachebuka amana wakaamba abo. Wakabweza Simiyoni akatikabo amana wakamwaanga u menso abo. ²⁵ Amana Jozefu wakambila bazhike bakwe kwaamba bazuzhe masaka chakulya abanina, ukubweezha mali abo mukati mu masaka alimwi ukubapa shakulya a mushinzo wabo. Bakachilwa bobo. ²⁶ Banina bakabika shakulya shabo a mbongolo bamane bakeenda kukuvwa kolya. ²⁷ Umwi wabo nakayalula isaka lyakwe kwaamba ape imbongolo chakulya abusena bwamapumunino, wakaabona mali akwe, Langa, kaali ezeulu e saka lyakwe. ²⁸ Wakabaambila banina ati, "Mali angu abwezhewa. Amwabone; ali mwisaka lyangu. Myozo yabo yakausa bamane bakatalika kuzhangama babuzhanya ati, "No nchinzhi chechi Leza nchatuchitila?'' ²⁹ Bakaya kwa Jakoba , ushabo mu chishi cha Kenani ukumushimwina shoonse shakabachitikila. Bakaamba, ³⁰ ''wezo mulombwana, mwami wa chishi, wakatunyenaukila alimwi ukuzunga ati twakakuli bashikweena chishi. ³¹ Twakaamba kuli nguwe ati, 'Tuli balombwana bashomeka. Tatuli bashikweena. ³² Tuli babunina balombwana bali ikumi u bobile, bana baushesu womwi. Womwi wakafwa, alimwi mushoontosha bwasunu uli u taata muchishi cha Kenani.' ³³ Mulombwana, mwami wa chishi, wakaamba kwesu, "Kuli chechi, ninti nkezhibe ati anu muli balombwana bashomeka. Amunshiile mulombwana womwi munyokwenu mwamana mubweze chakulya mutole kumaanda kwenu ukuli inzala. ³⁴ Mukamulete munyokwenu mushoontosha kwangu. Lelyo ume ninti nkezhibe ati anu umwe tamuli bashikweena pele anu muli balombwana bashomeshi. Ndamana ndakamwangulula munyokwenu mulakaba aze, alimwi mulakachita makwebo muchishi.''' ³⁵ Chakachitika kwaamba nibaka kulaulula masaka abo, kwakayanwa ati, toola twa mali twabo boonse balombwana katuli mu masaka abo. Balo antoomwi u ushabo nibakatubona toola twa mali abo bakatiya. ³⁶ Jakobo ushabo wakabeta ati, ''Mwandetela buusu nubanangu. Jozefu tachiko, Simiyoni waya, alimwi mulaanda kutola Benjamini. Shoonse sheshi shilalwana ume.'' ³⁷ Lubeni wakaamba kwa ushi, ati, "Ukabayaye banangu bobile kuti intakamuleti Benjamini kwako. Amumubike mu matashi angu, alimwi ndakamuzhola kwenu. ³⁸ Jakobo wakaamba, "Mwanangu tamuyi aze. Munina wakafwa amana walo ngusheele iche. Kuti chiyaya chashika kwakwe munzhila njimwiita, mulakatola isusu lyangu lituba muchuumbwe.''