¹ Inzala yakakuli inkando muchishi. ² Yakashika nibakalya maila ngubakaletelezha kuvwa ku Ijipiti, ushabo wakabaambila ati, "Kamuya ulimwi mukatuulile cakulya." ³ Juda wakamwambila ati, "Wezo mulombwana wakambisha kwesu ati, 'Mwiina nimukaabona bushu bwangu chita munyokwenu mukaakuli aze. ⁴ Kuti ututume antoomwi umunyokwesu.' tulaya tukakuulile chakulya. ⁵ Pele kuti na tumutumi, tatukayi. Ukuti welya mulombwana wakatushimwina ati, 'Tamukabuboni bushu bwangu chita munyokwenu mukaakuli aze.''' ⁶ Izilayeli wakaamba ati, "Nchinzhi nchimwampenzhela bolya ume, kushika ukumushimwina wezo mulombwana ati mulikwete munyokwenu unji?'' ⁷ Bakaamba, "Wezo mulombwana wakatubuzhishisha ukuzanda kuzhiba makani a mukowa wesu. Wakaamba, 'Sa ushenu uchipona? Sa mulikwete munyokwenu unji? Twakamwingula kwendelana umibuzho yezhi. No nitwakazhiba buti ati ukalatwaambila, 'Mukamuletelele munyokwenu?''' ⁸ Juda wakamwambila Izilayeli ushi, "Tutume umwembezhi wezu. Tulazhimuka ukuya kwaamba tukapone kubaala kufwa, toonse, aze aze , antoomwi ubanesu. ⁹ Ume ndime inkaamuzhiminina. Amana ndime inkaataba twaambo. Kuti intakamuzhola ukumuleta kubushu bwako, inkatongaukwe shikwense. ¹⁰ Kuti nikwatakaba kumuka koku, nitwakupilukile lwabili." ¹¹ Ushabo Izilayili wakabashimwina ati, "Nakuti bobo mbwabele, amuchite bobo. Amutolelele mushoola shenu shintu shimwi shibotu shivwa mono muchishi. Amutole ku mulombwana wezo chipo - mafuta ongaana u buchi, tununkilizho twa mushilyo u Mili, Inyemu sha Pisitasho u Malumondi. ¹² Bweza mali ayita kobile mwitashi lyako. Mali ngumwakazhola nitwakayula masaka eenu, Waabweza ulimwi mwitashi lyako. Ambweni kwakaba kulubizha. ¹³ Amumutole u munyokwenu. Amuzhimuke kamuya ulimwi ku mulombwana. ¹⁴ Inzho Leza Shinsana amupe luse luse kumulombwana wezo, kwaamba ati akamuleke munyokwenu umwi u Benjamini. Kuti ndafwilwa banangu, Ndafwilwa." ¹⁵ Balombwana bakatola chechi chipo, amane bakatolelezha u mali mumatashi abo ayita kobile, kubikilizha u Benjamini. Bakazhimuka kuya ku Ijipiti baya bazhima kumbele lya Josefa. ¹⁶ Chiindi Josefa nakamubona Benjamini akati lyabo, wakambila musebezhi wa mun'ganda yakwe ati, "Balete balombwana mun'ganda, muyaye munyama wamana u mubambe, ukuti balombwana tulalya abo muunza." ¹⁷ Musebezhi wakachita mbubona Josefa mbwakamulailila. Wakabaleta balombwana ku 'nganda ya Josefa. ¹⁸ Balombwana bakatiya nkaambo bakatolwa ku n'ganda ya Josefa. Bakaamba ati, "Chechi cheza nkaambo ka mali akabwela mu masaka esu lweendo lutaanzhi nitwakaletw a, kwaamba atuyanine kaambo. Ulakonzha ukutwaanga u kututola u mbuzhike, alimwi ukushibweza imbongolo shesu.'' ¹⁹ Bakaya ku musebezhi wa mun'ganda ya Josefa, ngoona bakamwambilila a mulyango wa n'ganda, ²⁰ balaamba, Mwami wangu, twakwizhile lweendo lutaanzhi kuula chakulya. ²¹ Chakachitika ati, nitwakashika ku busena bwa kupumunina, twakayula masaka esu ngoona, kwakalibonya kwaamba oonse mali aabo balombwana akalibonya nibakayalula masaka ku muntu u muntu, oonse mali esu akwene twaazhola ngaaza mu matashi esu. ²² Twaleta amwi mali mu matash akuula chakulya. Tatumwizhi wezo wakababika mali mu masaka esu." ²³ Musebezhi wakaamba ati, "Luumuno lube amwe, mutafwi bukandu. Leza wenu alimwi Leza wa ma ushenu ulyeele kuba nguwe wakaabika mali mu masaka enu. Ndakaatambula mali enu." Musebezhi ngoona wakamuleta Simiyoni kuvwa kwabo. ²⁴ Musebezhi wakabatola balombwana mun'ganda ya Josefa. Wakabapa meenzhi, bamane bakasamba ku matende abo. Wakasanina imbongolo shabo. ²⁵ Bakalibambila shipo sha kupa Josefa ciindi cha muunza ashika, nkaambo bakatelela ati inkuko nkubati bakalile shakulya. ²⁶ Chiindi Josefa nakeza kun'ganda, bakaleta shipo nshibakakukwete mu n'ganda, bamane bakakotama anshi kumbele lyakwe. ²⁷ Wakababuzha makani a buponi amane wakaamba, "Sa ushenu uli kabotu, mudaala walo ngumwakaamba? Sa uchipona?" ²⁸ Bakaamba, Musebezhi wako ushesu uli kabotu. Uchipona'' Bakakotama anshi ukumupa bulemu. ²⁹ Nakasansula menso akwe wakabona Benjamini munina, mwanakwe baina mwembezhi amane wakaamba, "Sa wezu inguwe mwembezhi mushoonto mucheche wenu welya ngu mwakaaamba kwangu?" Ngoona wakaamba , Mwami Leza akufwile luse, mwanangu." ³⁰ Josefa wakafwambaana kuvwa mubakubele, nkaambo wakanjilwa inkumbu nkaambo ka munina. Wakakapula busena bwa kulilila. Wakaya mwakakoona ngoona wakalila. ³¹ Wakasamba ku bushu bwakwe amane wabwela. Wakacikwata chamba, ulaamba, "Sengela chakulya." ³² Basebezhi bakamusengelela Josefa iche abo banina lwabo beni. Bana Ijipitibakalya aze lwabo beni nkaambo bana Ijipiti kabatakonzha kulya chinkwa antoomwi u ba Hibulu, Nkaambo chechi kachitavumizhiwa ku bana Ijipiti. ³³ Banina bakakala kumbele lyakwe. Mukando bakachilizhanya kwendelana umbubakazhalwa kushikila ku mushoonto. Balombwana bakazhingilwa antoomwi. ³⁴ Josefa wababaabila shakulya shakuli kumbele lyakwe. Pele shakulya sha Benjamini shakuli shiindi shosanwe kubala kuhula kuli sha banina. Bakanwa chakwaanguluka ukubotelwa aze.