¹ Chakachitika bobo nikwakaita sheshi shintu, bashikubweza makapu aMwami Ejipiti u bashikupanga shinkwa bakamulemeka shimalelo wabo, Mwami wa Ejipiti. ² Falawo wakalemanina basebezhi bakwe bobile, shikupanga shinkwa u shikubweza makapu. ³ Wakababika mu ntolongo mun'ganda ya musololi mulangilizhi wa ntolongo, momo u Jozefu mwakakuzobwelwe. ⁴ Musololi wa balindizhi wakabika Jozefu kubalanga, ubobo wakabalanganya. Bakakala muntolongo kwa mazuba ali mbwabele. ⁵ Boonse bobile bakalota shiloto - Shikupanga shinkwa u shikubweza inkapu wa mwami wa Ejipiti babo bakakuzobwelwe muntotlongo - Umwi uumwi wakalota chiloto chakwe mu bushiku bomwi alimwi uchimwi chiloto kachikwete busanduluzhi bwanchicho. ⁶ Jozefu wakahiza kubabona machifumo. Ubobo, kabazhingilwe. ⁷ Wakababuzha basebezhi ba Falawo mbakakuli abo muntolongo mun'ganda ya shimalelo akwe, ati, ''Nchinzhi nchimulibonya kuusa bwasunu?'' ⁸ Bakaamba kwakwe ati, ''Toonse twalota shiloto pelekwiina u pandulula.'' Jozefu wakaingula ati, Sa bupanduluzhi tabuvwi kwa Leza? Amunshimwine.'' ⁹ Mukando wabashikubweza inkapu wakamwambila Jozefu chiloto chakwe. Wakamwambila ati, ''ndabona musaansakooli kumbele lyangu. ¹⁰ Mumusaansa kamuli mitabi yotatwe, niyakakula maluba luba akavwa u tupanzha tupanzha twa masaansa twakabizwa. ¹¹ Inkapu ya Falawo keeli mu matashi angu. Ndakabweza misaansa ukutyankila munkapu ya Falawo.'' ¹² Jozefu wakaamba kuli nguwe ati, ''Mbubobu busanduluzhi. Mitabi yotatwe mazuba otatwe. ¹³ Kwaita buyo mazuba otatwe, Falawo ulakuzhola a mulimo wako nguwena. Ulakabika inkapu mwitashi lya Falawo alimwi, mbubona mbuwakakubweza inkapu yakwe. ¹⁴ Pele ukanzhibaluke shintu shakakwendela kabotu, ulimwi ukamfwile luse. Ukampandulule kwa Falawo kwaamba muvwe mono muntolongo. ¹⁵ Ukuti ndakakwatwa kuvwa muchishi cha ba Hebulu. Ako kono kwiina nchindakalubizha kwaamba ndyelele kubikwa mono muntolongo.'' ^{16 17} Aze shikupanga shinkwa nakabona kwaamba shintu sheenda kabotu, wakaamba kwa Jozefu ati, Ame mbubona ndakukwete chiloto, inzho, ndabona, shinzuma shotatwe shikwete shinkwa kashili amutwi wangu. ¹⁸ Jozefu wakamwingula ukwaamba ati, "Mbubobu busanduluzhi. Shinzuma shotatwe mazuba otatwe. ¹⁹ Kwaita mazuba otatwe Falawo ukwaanga achisamu. Bazuni balakalya mubili wako.'' ²⁰ Chakachitika mubuzuba bwatatu kabuli buzuba bwakuzhalwa bwa Falawo. Wakabamba ipobwe lya bazhike bakwe. Wakakusha mukando wabashikubweza ma kapu u mukando wabashikupanga shinkwa akati kabazhike bakwe. ²¹ Wakamubweezha mukando wabashikubweza ma kapu a mulimo wakwe, ulimwi wakabika inkapu mumatashi a Falawo. ²² Pele wakaanga mukando wabashikupanga shinkwa achisamu umbona mbwakapandulula Jozefu kuli mbabo. ²³ Nikuba kuti mukando wabshikubweza inkapu wina nakamuzhibaluka Jozefu, pele wakamuluba.