¹ Sala wapona myaka ili mwaanda omwi umyaka ili makumi obile u chiloba. yezhi nji myaka njakapona Sala mubumi bwakwe. ² Sala wakafwila mu Kiliathi Arba, momo mu mu Hebuloni, muchishi cha Kenani. Abulahamu wakamulila Sala. ³ Amane Abulahamu wakazhimuka kuvwa a mutunta wa mwinakwe, ukubambila banakwe Heth, ati, ⁴ "Ume ndi mweenzu u shilweendo akati kenu. Ndakumbila mumpe busena bwa kwaamba ndukuzhikila bazazhima." ⁵ Banakwe Heth bakamwingula Abulahamu ati, ⁶ ''Pulala kwesu, mwami wangu. Uwe uli mwana a mwami Leza akati kesu. Zhika mufu wako mubusena busale bwa shuumbwe shesu. Akati kesu kwiina naaba womwi ukonzha kukukasha chuumbwe, kwaamba uzhike mufu wako.'' ⁷ Abulahamu wakazhimuka ngoona wabakotamina bantu ba muchishi, banakwe Heth. Wakaamba kwabo, ulaamba, ⁸ ''Kuti umwe mwanhumizha kwaamba nzhike mufu wangu, inzho amuntelele, amunkumbilile kwa Efuloni, mwanakwe Zoha. ⁹ Amunkumbilile kwaamba anguzhe bwina bwa Makipela bwalo butewa mbwakwe, ubuli kumamanino a muunda wakwe. Ku muulo woonse anguzhizhe antangalala kwaamba bube busena bwa kuzhikila.'' ¹⁰ Inzho Ephron wakakushite akati kabanakwe Heth, ulimwi Ephron mu Hiti wakamutaba Abulahamu mu matwi a banakwe Heth, u babo boonse bakwizile ku mulyango wa munzhi wakwe, ulaamba, ¹¹ ''Peepe, mwami wangu, mpupulala. Ndakupa muunda, alimwi u bwiina buli mo. Ndakupela abushu bwa bana ba banangu. Ndakupa kwaamba uzhike mufu.'' ¹² Kumane Abulahamu wakakotama anshi kubantu bachishi. ¹³ Wakaamba kwa Ephron kabateleleboonse bantu ba muchishi, kwaamba, ''Kuti na ulilyaabile ndalomba nteelela. Ume ndolipilila muunda. Bweza mali kuvwa kwangu, ndamana ndamuzhika mufu wangu kolya.'' ¹⁴ Ephron wakamwiingula Abulahamu, ulaamba, ¹⁵ ''Ndalomba mwami, Mpupulala ume. Kasena kashoonto kaulwa myaanda yone ya siliva, nchinzhi checho chili akati kangu aze? muzhike mufu wako.'' ¹⁶ Abulahamu wakatelela kwa Ephron amane Abulahamu wakapimina Ephron mweelwe wa Lubulo lwa siliva lwlo ndwakaamba kabatelele banakwe Heth, myaanda yone ya siliva, kwendelana u muulo waba shimakwebo. ¹⁷ Ubobo muunda wa Ephron wakuli ku Machpelah, walo wakuchilila Mamre, wezu muunda, bwiina bwakuli mu muunda, u masamu akakuli mu muunda u mumbali, shakapewa ¹⁸ kwa Abulahamu kwiita mu kuula mu menso a banakwe Heth, kumbele lya babo boonse bakeza ku mulyango wa Munzhi wakwe. ¹⁹ Kuvwa awo, Abulahamu wakamuzhika Sala mwinakwe mubwina bwakuli mu muunda wa Machpelah, kumbali ku Mamre, mu Hebron munnshi ya Kenani. ²⁰ Inzho muunda u bwiina bwakapewa kwa Abulahamu kwaamba bube busena bwakwe bwakuzhikila bantu kuvwa ku banakwe Heth.