¹ Leza wakaambila Jakobo ati, "Buka ku Bethel, alimwi ukakale kolya. Ukazake chipaililo kwa Leza, wezo wakalibonya kwako chiindi nuwakutiya munyoko Esau.'' ² Ngoona Jakobo wakaambila Mukwashi wakwe u babo mbakuli abo, ''Amukwishe ba leza banji bali akati kenu, amulisalazhe ukuchincha shisani shenu. ³ Atuzhimuke tukuya ku Bethel. Ndakazaka chipaililo kolya Kwa Leza walo wezo wakantaba muchiindi changu cha mapenzhi angu, alimwikali ame kufumbwa nkundakuya.'' ⁴ Inzho bakamupa boonse ba leza bakupanga bakuli mumatashi abo alimwi u shakuli ku matwi abo. Jakobo wakashizhika kunshi kuchisamu chitewa ati oak kufwaafwi uku Shekemu. ⁵ Nibakeenda, Leza wakabapa bukandu bantu bakuli mu minzhi imwi, ubobo baina nibakamuchilila ba Jakobo u banakwe. ⁶ Jakobo wakashika ku Luz( koko ku Bethel), kunshi ya Kenani lwakwe mwini ubabo mbakakuli abo. ⁷ Wakazaka chipaililo amane waabulika busena ati, El Bethel, nkaambo koko Leza wakalitondezha kwakwe, nakakuya bulukanaka kutiya munina. ⁸ Debola, mushilishi wa Labeka wakafwa. Wakazhikwa ku Bethel munshi lya chisamu cha Oak, bakabuulika busena bobo ati, Allon Bakuth. ⁹ Jakobo nakazhoka kuvwa ku Padani Alam, Leza wakalibonya wakwe alimwi wakamulongezha. ¹⁰ Leza wakamwaambila ati, "Izhina lyako ndiwe Jakobo, pele izhina lyako talichitewa linji ati Jakobo. Izhina lyako ulakutewa ati, Izilayili.'' Inzho Leza wakamupa izhina lya Izilayili ¹¹ Ndime Leza Shinsana. alimwi Amuzhalane ukuhuzhanya. Chishi utubunga tulakavwa mwako, bami balakavwa mu lunungu lwako. ¹² Inshi njindakapa Abulahamu u Isaki, Ndakeepa kwako. Ukuli ba Lunungu lwako beshika munshi lyako ndepa inshi.'' ¹³ Leza wakamushiya abusena awo ngakakubandikila aze. ¹⁴ Jakobo wakazhimika chizhibalusho ku busena bobo Leza nkwakamwambilila. Chizhibalusho chebwe. Wakatilaila chipaizho chakunwa alimwi u mafuta ali nchicho. ¹⁵ Jakobo wakaulika busena kolya Leza nkwakamwambilila ati, Bethel. ¹⁶ Bakeenda kuvwa ku Bethel, KKabachili kulaale kushika ku Ephrath, Lacelo wakaya ukutumbuka. Wakapenga mukutumbuka kwakwe. ¹⁷ Nakakuli mu mishika mizumu, umulindila wakamwambila ati, "Utatiyi ukuti in zho ukalakwata mwana unji mweembezhi.'' ¹⁸ Nakakuzanda kufwa, pelekachipefula wakamuulika mwana izhina ati Ben-Oni pele ushi wakamulika lya Benjamini. ¹⁹ Lachelo wakafwa ngoona wakazhikwa mumbali a nzhila iiya ku Ephrath(ku Betilehemu). ²⁰ Jakobo wakabika wakabika chizhibalusho achuumbwe cha kwe. Nchizhibalusho cha a chuumbwe cha Lachelo u bono buzuba. ²¹ Izililayili u lweendo lwakwe ngoona wabamba itente lyakwe kumbali a chilindililo cha butanga. ²² Izilayili nakakuchishite mu busena bolya, Lubeni wakoona u Bilhah mumambe waushi ngoona Izilaili wakaatelela makani. Inzho Jakobo kakwete banabalombwana bali ikumi u bobile. ²³ Banakwe kwa Leya kali, Lubeni, ngumutaanzhi, u Simiyoni, Levi, Juda, Isaka, Zebuluni. ²⁴ Banakwe kwa Lachelo, kabali ba Josefa, u Benjamini. ²⁵ Banakwe Biliha, musebezhi mukaintu wa Lachelo, kabali ba Dani u Nafutali. ²⁶ Banakwe Zilupa, musebezhi mukaintu wa Leya kali Gadi u Asha. Boonse baba kabali banakwe Jakobo mbakazhalila ku Paddani Alamu. ²⁷ Jakobo wakashika kwa Isaki, ushi, ku Mamare mu Kiliyati Arba(chilikozenye u Hebuloni) kwalo koko abulahamu u Isaki nkubakakala ²⁸ Isaki wakapona kwa mazuba ali mwaanda makumi ali luseleu. ²⁹ Isaki wakazoza chamamanino ngoona wakafwa alimwi alimwi bakamubunganina ba shakaale, Mulombwana wakuchembeele. Esau u Jakobo, banakwe, bakamuzhika.