¹ Abulahamu wakaya amushinzo Kuchishi cha Negevu, u kukakala akati kati ka Kadeshi u Shur. Kali mweenzu mukukakalkwakwe mu Gela. ² Abulahamu wakaamba chikwatikizha mwinakwe Sala, ''Wezu mukwesu'' Inzho Abimeleki mwami wa Gela wakamutumina bantu bombweza Sala. ³ Pele Leza wakeza kwa Abimeleki mashiku mu chiloto, wamwambila ati, "Langa uli muntu mufu nkaambo ka mukaintu nguwabweza nkaambo ngu muka muntu.'' ⁴ Awo Abimeleki katana ku musena Amubili wakaamba, ''Mwami, sa ulayaya nichiba chishi chiluleme? ⁵ Sa ingwe mukamwini wakenta ati, 'Mukwesu?' Aze lwakwe mukaintu wakaamba 'mukwesu mulombwana.' Ndachichita chechi muchiimo cha mozo wangu alimwi ukubula mulandu kwa matashi angu.'' ⁶ Amane Leza wakamwambila muchiloto ati, ''Ee, Ndizhi ati muchiimo cha mozo wako wakachichita chechi, alimwi ndakakutantumuna kuvwa kukumbishizha ume. Ubobo ndiina kukakuvumizha kumukwata amubili. ⁷ Ubobo ninzho awa, umubweezhe muka muntu, nkaambo mulumi mushinshimi. Ulakakukombela, wamana ulakapona. Pele kuti utamuzhola, zhiba buyo kwaamba ati uwe lwako antoomwi ubabo banamuzenu mulafwa kutabeya.'' ⁸ Abimeleki wakabuka chifumo fumo ngoona waboompolola basebezhi bakwe boonse. Wakabaambila oonse makani aza ngoona balombwana bakafwa bukandu. ⁹ Ngoona Abbimeleki wakamutumina bantu Abulahamu kwaamba ashike amane wamwaambila ati, ''Chiinzhi nchiwachita kwesu? Nchinzhi nchindakubishizha kwaamba ulete chibi chikando ali ume alimwi bwami bwangu. Wanchitila chintu chitelele kuchitwa.'' ¹⁰ Abimeleki wakamwita Abulahamu ati, ''Nchiinzhi chaka kunjila kwaamba uchite chintu chechi." ¹¹ Abulahamu wakaingula ati, ''Nkaambo ndakakutelaika ati, 'Kono kwiina kutiyi Leza alimwi balanjaya nkaambo ka mwinangu,' ¹² Kunze kwabobo, bwini mbwakuti mukwesu, mwanakwe taata, pele tali mwanakwe baama; amane wakaba mwinangu ¹³ Chiindi Leza nakapa kwaamba nshiye munzhi wa bataata ukuya bweenda kuvwa mu busena bobu kuya bunji busena, ndakamwambila ati, ' ulyelele kuntondezha bushomeshi bobu mbuuli mwinangu: Kufumbwa busena mbutwaya, ulyelele kubaambila ati ''Tulazhalwa aze.'''''' ¹⁴ Ngoona Abimeleki wakabweza imbelele alimwi iin'gombe, u bazhike balombwana u bakaintu, wakamupa Abulahamu. Kumane wakamubweezha Sala, Muka Abulahamu, u kwakwe. ¹⁵ Abimeleki wakaamba, "Langa, inshi yangu uliibwene. Kala awo kufumbwa akubotela.'' ¹⁶ Ukwa Sala wakaamba, ''Bona, Ndamupa munyoko shuulu sha siliva. Chechi nchakwaamba njale mulandu kufumbwa kwako mu menso ababo boonse mbumuli abo, alimwi ku bushu bwa bantu boonse, uwe uli lulikilwe.'' ¹⁷ Amane Abulahamu wakakomba kwa Leza, ngoona Leza wakamuponya Abimeleki, mwinakwe u bazhike bakwe bakaintu, chakuti bakakonzha kukwata bana. ¹⁸ Ukuti Yaave kayalile shizhalilo shoonse sha ban'ganda ba Abimeleki nkaambo ka Sala, mukaintu wa Abulahamu