¹ Abulamu nakukwete myaka ili makumi ifuka ifuka , Yaave wakalibonya kwa Abulamu wakaamba kwakwe, ''Ndime Lezashinsaana shoonse. Weende munzhila yangu, ulimwi chakutabisha. ² Ndakapa chihuminanoakatikangu aze, alimwi ndakamuhuzha mubunji bunji.'' ³ Abulamu wakahuntama u bushu bwakwe anshi ngoona awo Leza wakabandika aze, wakaamba, ⁴ ''Pele ume, bona, chihuminano changu chili aze. ulakaba ushi wa mashi manji manji. ⁵ Izhina lyako talikakutewa linji ati Abulamu, pele izhina lyako ulaba Abulahamu - ukuti ndakusala kwaamba ukabe ushi wa mishobo minji minji. ⁶ Ndakahuzha lunungu lwako, ndakakupa mushobo munji munji, bami balakavwa ku lunungu lwako. ⁷ Ndakabamba chihuminano akati kangu aze u lunungu lwako ukuhwa kwako, kwaamba chikabe chihuminano chitakaamana kwaamba nkabe Leza wako alimwi u luhubo lwako lukaachilila. ⁸ Ndakakupa uwe, alimwi u lunungu lukaachilila uwe, inshi njuuli mweenzu, yoonse inshi ya kenani, ilakaba yako lyoonse, alimwi ndakaba Leza wabo.'' ⁹ Amana Leza wakaambila Abulahamu ati, ''Uwe, ulyelele kubamba chipanaganochangu, uwe u lunungu kuvwa kwako lyoonse uumazhalane aabo. ¹⁰ Chechi nchichihuminano changu nchuukabamba, akati kangu aze u balunungu lwako lukaachilila: Boose bembezhi akati kenu balyelele kupalulwa. ¹¹ Mulyelele kupalulwa ku kakanda kakumbele, chechi chilakaba chitondezho cha chihuminano akati ali ume amwe. ¹² Kufumbwa mwembezhi akati kenu ukwete mazuba ali lusele kuvwa kukuzhalwa ulyelele kupalulwa, kubantu bako umazhalane abo boonse. Kubikilizha u wezo wazhalilwa mu n'ganda yako aze wezo wakaulwa u mali kuvwa kuvwa kunji utali wa lunungu lwako. ¹³ Wezo wazhalilwa mu mukwashi wako aze wezo wakaulwa u mali ako balyelele kupalulwa. Nkukwaamba chihuminano changu chilakaba mu lukanda lwako kwaamba chikabe chihuminano chitakaamana. ¹⁴ Kufumbwa mwembezhi utapalulilwe kakanda ka kumbele ulakakushiwa kuvwa ku bantu bakwe. Wakombola chihuminano changu.'' ¹⁵ Leza wakambila Abulahamu, ''Mwinako Salai, utamwiti linji ati Salai, Ubobo izhina lyakwe ulaba Sala. ¹⁶ Ndakamulongezha, Ndakakupa mwana mwembezhi kuhwa kwakwe. Ndakamulongezha, ulakaba muzhali wa mashi. Bami ba bantu balakavwa kwakwe.'' ¹⁷ Ngoona Abulahamu wakalanga anshi, amane wakaseka, ukulyambila mu mozo wakwe ati, ''Sa mwana ulakonzha kuzhalwa ku muntu ukwete mwaanda wamyaka yakuzhalwa? Mbubuti Sala ukwete myaka yakuzhalwa ili makumi ali ifuka, mbwakonzha kuzhala mwana?'' ¹⁸ Abulahamu wakamwambila Leza ati, ''Welya Ishimaili apone ku bushu bwako!'' ¹⁹ Leza wakaamba ati, ''Peepe, pele Sala mwinako ulakakuzhalila mwana, ulakamuulika izhina lya Isaki. Ndakapanga chipangano aze chikabe chipangano chitakaamana ku luhubo lwakwe alimwi ukuvwa kwakwe. Kwa Ishimaili, ndakutelela. ²⁰ Bona, ndamulongezha akazhalulule ukuhuzhanya. Ulakaba ushabo bami bali ikumi u bobile, ndakamuchita ati akabe mushobo mukando. ²¹ Pele chipangano changu chilakaba u Isaki, wezo Sala ngwati akazhale kwako achiindi cheno ku mwaka ushika.'' ²² Nakamanizha kwaamba aze, Leza wakakuvwa kwa Abulahamu. ²³ Ngoona awo Abulahamu wakabweza Ishimaili mwanakwe , ubabo boonse bakazhalilwa mu n'ganda yakwe, ubabo boonse mbakaula u mali akwe, woonse mwembezhi a balombwana ba mukwashi wa Abulahamu bakapalulwa ku buzuba bobo mboona mbwakamwambila Leza. ²⁴ Abulahamu kakwete myaka ili makumi ifuka u myaka ifuka chiindi nakapalulwa. ²⁵ Ishimaili mwanakwe kakwete myaka ikumi u yotatwe chiindi nakapalulwa. ²⁶ Mbubona buzuba bobo Abulahamu u mwanakwe Ishimaili, bakapalulwa. ²⁷ Boonse balombwana ba mukwashi wakwe bakapalulwa antoomwi aze, kubikilizha u babo boonse bakazhalilwa mu n'ganda yakwe u babo mbakaula kuli bavwa mashi.