¹ Kukwangululwa Kilisito wakatwangulula. Amuzhime nji, ubobo mutafungwa ijoko lyabuzhike. ² Amubone, ume ndi, Paulu, ndamushimwina ati kuti muhumine kupalulwa, Kilisito kwiina nchaka muyovwa. ³ Ndamushimwina ati wezo upalulwa ulyelele kutobela mulawo woonse. ⁴ mwakosoka kwa Kilisito umwe numusalazhiwa kumulawo; mwiina nimukalubona luse. ⁵ Kwiita mu Moza, kulushomo, tulalindila chakuzandishisha bululami. ⁶ Mwa Kilisito Jeso kupalulwa na kutapalulwa shina inchito, pele chita buyo lushomo kusebezela mu lufuno. ⁷ Mwakakulukanka kabotu. ⁸ Kongelezhewa koku takuvwi kuli wezo wakamwita! ⁹ Bumena bushoonto bulapa kwaamba choonse chakandwa chifutumuke. ¹⁰ Ndashoma mumwami kwaamba ati mutelaiki shaandene. Wezo umupenzha ulapenga kulubeta, kufumbwa na nguni. ¹¹ Nubakwesu, kuti na ume inchikambauka kupalulwa, nchiinzhi nchimbetekelwa? Mukaambo kako chilebyo cha chichinkano chakushiwa. ¹² Ukuli babo bamunyonganya, Ndalombozha kwamba balo balikosola lwabo beni! ¹³ Ukuti umwe mwaketiwa kulufutuko, nubakwesu. Pele mutasebezha lwanguluko lwenu kuchita shabunyama; pele, kwiita mulufuno amuhunane. ¹⁴ Nkaambo woonse mulawo wakazuzukizhiwa mwizwi lyomwi: "Ulyelele kufuna shikobo noko umbona mbulifwini." ¹⁵ Pele kuti namulaluma ukuchisana, amuchenjele kwaamba umwe lwenu mutalyani umwi uumwi. ¹⁶ Pele ndaamba ati, amweende u Moza kwaamba mutachiti shizanda mubili. ¹⁷ Ukuti shizanda mubili shilalwisha Moza, alimwi shizanda Moza shilalwisha mubili, Ukuti sheshi shilazundana, kwamba mutachiti shimuzanda. ¹⁸ Pele kuti mulasololelwa u Moza, tamwangilwe ku mulawo. ¹⁹ Ukuti inchito shabunyama shilalibonya: mamambe, busofwazhi, ²⁰ kukomba mituni, bulozhi, mazwanga, munyono, bukali, mipampo mipampo, ²¹ bukolwi, makubi abuchakolwa alimwi ushimwi shili bobo. Ndamuchenjezha, mbubona mbunda kamuchenjezha kale, kwaamba ati babo boonse bachita sheshi shili bolya taba kabukona bwami bwa Leza. ²² Pele michelo ya moza ndufuno, Lumwemwe, luumuno, bushichamba, luse, bubotu, lushomo, ²³ bubomvu mozo, kulichindulula umwini; kwiina sheshi atati umulawo kwiina. ²⁴ Babo bali mwa Kilisito Jeso bakabu bambula bunyama ushiyanza shoonse shabunyama. ²⁵ Kuti na tulendelezhiwa u Moza, atweende u Moza. ²⁶ Tutabi bashikuli tukumuna, kulemanya bamwi, kufwilana munyono.