¹ Bakwesu, kuti naa umwi wenu ulachita chibiyabi, babo benu bakwete moza abamoolole chamoolela. Pele bachenjele kwaamba, batatepaulwa abo. ² Amuyovwane kubweza mikuli, alimwi mukuchita bobo mwebamba milimo ya Kilisito. ³ Kuti umwi utelaika ati uli mbwabele uyina mbwabele, ulalichenga mwini. ⁴ Amulibeteke michito yenu nubeni, amulikankaizhe kumilimo yenu mibotu kutali kumilimo yabenzhinokwenu. ⁵ Nkaambo muntu umuntu ulyelele kubweza mukuli wakwe mwini. ⁶ Wezo uyiishiwa izwi ulyelele kwabana shintu shoonse shibotu uwezo umuyiisha. ⁷ Mutachengwa pe. Leza talimbushiwa, nkaambo muntu ulatebula checho nchashanga, ⁸ Nkaambo wezo ushanga imbuto kumubili wakwe, ulakatebula butebuzhi bwa shintu shibozhi. Wezo ushanga Kumoza, kuvwa ku Moza ulakatebula bumi buteeli. ⁹ Ubobo tutakatali kuchita shiluleme, nkaambo kuchiindi cheelele tulakatebula, nakuti tatukachileka. ¹⁰ Ubobo kufumbwa nitwayana chiindi, atusebezele bubotu bwa muntu woonse, kwambisha babo bamukowa walushomo. ¹¹ Amwaabone mabala ngunda mulembela iitashi lyangu mbwali makando. ¹² Babo bazanda kuliboshezha kumubili balasoleka kumushinikizha kupalulwa. Balachita bobo kwaamba batapenzhewa nkaambo ka chichinkano cha kilisito. ¹³ Nkaambo nibaba babo bapalulwa tabechilila milawo, pele balzanda umwe kwaamba mupalulwe kwaamba bakulisumpula nkaambo ka shiyanza sha ku mibili yenu. ¹⁴ Pele intalisumpula chita buyo muchichinkano cha Mwami Jeso Kilisito, nkaambo kwiita muli nchicho inshi ilifwile kuli ume, ame ndifwile kunshi. ¹⁵ Chiina umakani muntu na mupalule na taplulilwe, pele kaambo kakando mbulenge bupiya. ¹⁶ Kuli babo boonse beenda muchiimo chechi, luumuno uluse lube ali mbabo, alimwi ali Izilayeli wa Leza. ¹⁷ Kuvwa ninzho kubule umupenzha, nkaambo mikofu njinkwete nja Jeso. ¹⁸ Luse lwa mwami wesu Jeso kilisito lube amwe mu moza, bakwesu. Amen.