¹ Umwe nuba Galatiya balimbushi! Nguni wakamulowa? Mwakalibonena umenso enu antangalala Jeso Kilisito mbwakakankaminwa achichinkano. ² Kaka nkukaambo buyo nkwinzanda kwiiya kwenu: Sa mwakatambula Moza kuvwa kumilimo ya mulawo na kutelela kuvwa ku lushomo? ³ Anu mwalimbuka buti? Mwakanka u Moza wa Leza sa mulazanda kululamikwa umubili? ⁴ Sa mwapengela shinji shinji chabulyo -na nchobeni nchabulyo? ⁵ Sa wezo upa Moza ukuchita maleele akati kenu ulachita ukaambo kakuti mwakachilia mulawo na nkaambo kakuti mwakatelela makani mabotu ukwaashoma? ⁶ Umbona Abulahamu "mbwakashoma Leza chapewa kwakwe ati mbusalali na bululami," ⁷ munzhila njiyona, amutelele, kwamba ati, babo bakwete lushomo mbana ba Abulaham. ⁸ Malembe, akambila limwi ati Leza ulakabalulamika bantu Bakunze kwiita mu lushomo, Ubobo malembe akakanana makani mabotu kwa Abulahamu, ati, "Kwiita mwako mashi oonse ulalongezha ." ⁹ Inzho, boonse babo bashoma balalongezhewa umbona mbwakalongezhiwa Abulaham, muntu walushomo. ¹⁰ Babo boonse bapona kwiita mukushoma kubamba mulawo mbashinganye; kulilembelwe ati, "kufumbwa wezo utabamba shoonse shesho shilembelwe mwibuka lya milawo, ukutashichita." wezo mushinganye." ¹¹ Inzho chilsalala kwaamba kwiina ukasalazhiwa kubushu bwa Leza ukaambo ka mulawo, nkaambo "bashoma balakapona nkaambo ka lushomo." ¹² Pele mulawo wiina makani ulushomo, chita, "Buyo muntu use bezela kumulawo nguwezhi kuponena kumulawo." ¹³ Kilisito wakatununa kuku shinganyiwa kwa mulawo kwita mukushinganyiwa mubusena bwesu- nkaambo chililembelwe ati, "mushinganye wezo ulyanglila achisamu"- ¹⁴ kwamba kulongezhewa kwa Abulaham kulakonzha kushika kubantu Bakunze mwa Jeso kilisito, kwamba kwiita mulushomo tulakonzha kutambula Moza. ¹⁵ Nubakwesu, in'gambe chabuntu. Kuti bantu- batelezhanya chivuminano chamulawo, kwina ukonzha kubika kumbali nikuba kukusha. ¹⁶ Inzho shishomezho shakambwa kwa Abulaham uku lunungu lwakwe.Tachaamba ati, "kulunungu, '' lwa banji banji, pele buyo lomwi, ukulunungu lwako," walo ngu Kilisito. ¹⁷ Nchingamba nchichechi: Mulawo, waashika kumyaka ili myaanda yone umakumi otatwe yayita, tobiki ambali chihuminano chakutanguna nchakapanga Leza, kumwaya chishomezho. ¹⁸ Nakuti lukono luleza u mulawo, atati tachihiza uchishomezho. Pele Leza wakamupa Abulahamu muchisomezho. ¹⁹ Nchinzhi, amana, nchiwakabela ko mulawo? Wakazungilwa nkaambo kakubisha kushikila lunungu lwa Abulahamu lukashike lwalo lwakashomezhewa. Mulawo wakabikwa kwita mubangelo mumatashi amuhinizhi. ²⁰ Inzho muhiminizhi tachaamba muntu womwi. Pele Leza uli womwi. ²¹ Sa mulawo ulakazhanya ushishomezho sha Leza? Pepe! Na mulawo wakapewa kwaamba upe bumi, atati bululami nibwakeza umulawo. ²² Pele malembe alanga shoonse shili mu shibi kwaamba chishomezho mu lushomo mwa Jeso kilisito lulakapewa kuli babo bashoma. ²³ Kakutana kubako lushomo, twakakuli baange ku mulawo, baange kushikila lushomo nilwaka zubululwa. ²⁴ Inzho mulawo wakaba shimalelo wesu kushikila kilisito nakashika, kwamba twangululwe kwita mulushomo. ²⁵ Pele ninzho lushomo mbulwabako, tamuchikwete shimalelo. ²⁶ Ukuti noonse muli banake Leza kwiita mu lushomo mwa Kilisito Jeso. ²⁷ Nubanji mwakapapatizwa mwa Kilisito mwakasama Kilisito. ²⁸ Inzho kuchiina lwandaano ali mu Juuda na mu Giliki, kuchiina muzhike na utali muzhike, kuchiina mulombwana na mukaintu, ukuti muli womwi muli Kilisito Jeso. ²⁹ Kuti na muli baka Kilisito, ataati muli lunungu, lwa Abulahamu mulakakona checho nchakashomezha.