¹ Nikwakayita myaka iili ikumi umyaka yone ndakaya alimwi ku Jelusalemu u Balabasi, ndakatolelela u Tayitasi. ² Ndakaya u kaambo ka chizubuluzho kuya kukambauka mulumbe akati kabahwa Mashi. ndakabandika kumabali kuli babo bakaakulibonya kuba balemu, kwaambaati intabi ukoya indaakulukanka--na kutalukanka--chabulyo. ³ Pele kutali bulyo Tayitasi, ngutwakaakuli aze ulimwi kali mu Giliki, wakashinikizhiwa kupalulwa. ⁴ Balombwana bakezhiza balinjizha batazhibilwe kwiza kutweena kulwaanguluko ndutwaakukwete mwa Kilisito Jeso. Kabazanda kutuchita buzhike, ⁵ pele twiina nitwakalichesha nkubabele naashoonto, kwaambaati bwini bwa mulumbe ushaale amwe. ⁶ Pele babo bakaakulibonya ati mbalemu (nibakaba buti kwiina mbuchibele kwangu, Leza tatondezha kusalulula)--babo,Ndaamba,balibonya ukoya balemu baina mbubabele kwangu. ⁷ Muzhila iimwi, bakabona kwaamba ndakapewa mulimo wa mulumbe kuli babo batakaakupalule,ukoya Pita wakaakupelwe mulimo wamulumbe kuli babo bakakuli bapalule. ⁸ Aze Leza, uwakasebeza mwa Pita kubu mutumwa kuli babo bakaakuli bapalule, ulimwi chakasebeza mwangu kubahwa Mashi. ⁹ Lelyo Jemusi, Kefasi, u Johani, kabakwete shiyanza shibotu ukoya misemu, bakaluzhiba luse lolo ndundakapewa, bakapa itashi lyakuba antoomwi kwa Banabasi ame.Bakateelezhanya kwaamba tuye kubahwa Mashi balo baye kubapalule. ¹⁰ Bakatulomba kwaamba tuukubazhibaluka bapenzhi, chintu chichona Nchindakaakuzandisha kuchita. ¹¹ Pele lelyo Kefasi naakashika ku Antiyochi, Ndakamukazha abushu bwakwe kaambo kachita shitaluleme. ¹² Kabatana kushika balombwana bamwi kuhwa kwa Jemusi, Kefasi wakaakulya antoomwi uba Mashi. Lelyo baba balombwana nibakashika, wakaleka amane wakuhwa wabashiya Mashi. Katiya babo bakaakuzandisha shakupalulwa. ¹³ U bamwi baba Juda bakasangana mubu shikoopopa amenso.U Banabasi aze wakabasangana mubushikoopopa amenso. ¹⁴ Pele lelyo Ume indakabona kakalilo kabo kakutatobela bwini bwa mulumbe, Ndakaamba kwa Kefasi kubushu bwabo boonse, "Nakuti uli mu Juda pele ulapona ukoya muhwa Mashi butali ukoya mu Juda, sa ulakozha buti kubashinikizha bahwa Mashi kupona ukoya ba Juda?" ¹⁵ Uswe tubeni tuli ba Juda u kuzhalwa kutali bahwa Mashi bashishibi; ¹⁶ ubobo tulizhi kwiina muntu ukozha kululamikwa kwiita mumichito yamulawo pele kwiita mwa Kilisito Jeso.Inzho toonse twakahumina mwa Kilisito Jeso kwaamba toonse tululamikwe kwiita mukushoma mwa Kilisito ukutali kwiita mumichito ya mulawo. Kwiita mumichito ya mulawo kwiina uya kululamikwa. ¹⁷ Pele naa, twakapula kululamikwa mwa Kilisito, aswe toonse twakayanwa kuba bashishibi, sa Kilisto musololi washibi? Wiina pe! ¹⁸ Kuti na ndatalika kuzhola shintu nshindakazonauna, Ndalitondezha kuba shikusotoka mulawo. ¹⁹ Kwiita mumulawo Ndakafwa kale kumulawo, kwaamba Mpone mwa Leza. Ndakabambulwa kale u Kilisito. ²⁰ Shichili Ume niimpona, pele Kilisito nguupona mwangu. Bumi Mbwimpona ninzho mumubili Ndapona mulushoma kwiita mu Mwana wa Leza, uwakazanda ukupa bumi kwakwe kwangu. ²¹ Nshikabiki kumabali luse lwaka Leza, naakuti bululami bulakozha kuyanwa kwiita mumulawo, nkukuti Kilisito kwiina nchaakafwila!