¹ U bobo atuchite mbwachita u mbwaabele Leza, ukoya bana mbafwini. ² Amana tweende mulufwuno, mbubona aze Kilisito mbwaakatufwuna kulipa lwakwe mwini kuli uswe, kuba chipayizho chinukilila u chituuzho kwa Leza. ³ Pele bumambe nikuba mushobo uli buti wakulisofwaazha u kulikumbuzha takweelele nikuba buti kwaambwa akati kenu, kaambo chechi tachili kabotu ku bantu baka Leza basalala. ⁴ Kutabi mafwunze ausha insoni, kutabi kwaamba kwabulimbushi, alimwi u kusabwizhanya kutali kabotu---shoonse sheshi tashili kabotu. Pele bulyo kulyeelele bulyo kupa kulumba. ⁵ U kuti mulizhishi kwaamba ati bumambe, busofwaaazhi, bushaachihwule mwangu---nkukuti, nikuba kukomba tu leza tushoonto---kwiina lukono mubwami bwaka Kilisito alimwi u Leza. ⁶ Kutabi naaba womwi u muchenga kumazwi ayina nchaakwete, u kaambo kashintu sheshi bukali bwaka Leza bulazhiza a bana bashikutachilila. ⁷ U bobo mutabi nibubasangana. ⁸ Kaambo limwi mwakaakuli mu mushinze, pele ninzho muli mumuni mu Mwami. A mweende u koya bana bamu mumuni ⁹ (kaambo michelo yamu mumuni ilayanwa yoonse mu bubotu, mubululami, alimwi u mubwini), ¹⁰ amusoleke mubone checho chibotezha Mwami. ¹¹ Mutabi nimulibika antoomwi u shintu shiina mulimo shamumushinze, pele amushizubule atuba. ¹² U kuti shilaunsha insoni nikuba kushaamba shintu shesho nshibachita kumabali. ¹³ Pele kuti kufwumbwa chintu chaletwa atuba mu mumuni, checho chilalibonya. ¹⁴ Kaambo kufwumbwa checho chaletwa mu mumuni. u bobo chilaamba ati, "Buka, uwe u wona, amana u buke kuhwa kubafwu, amana Kilisito ulakakumunikila." ¹⁵ A mulangishe bobo mbumweenda--mutabi ukoya batali basongo pele ukoya basongo. ¹⁶ Amuchisebezhe chiindi kaambo mazuba aba a bubiyabi. ¹⁷ U bobo, mutabi balimbushi, pele amuzhibishe checho Mwami nchaazanda. ¹⁸ Alimwi mutabi nimukolwa u waini, kaambo chechi chilatola ku kutalilemeka. U bobo amulizuzhe u Moza Usalala, ¹⁹ a mwaambe kuli umwi umwi muntembauzho u munyimbo alimwi u munyimbo sha moza, kwiimba kuleta bwiimbe bubotu ku Mwami u myonzo yenu yoonse, ²⁰ lyoonse kupa kulumba kushintu shoonse, mwizhina lya Mwami wesu Jeso Kilisito kwa Leza Tatesu, ²¹ kuba mulangilizhi umwi uumwi wa mweenzhiina mukulemeka kwa Kilisito. ²² Nimutwelwe, amulibonzhe kubalumyeenu, mbubona u ku Mwami. ²³ Kaambo mulumi ngu mutwi wa wezo u twelwe aze Kilisito ngu mutwi wa chikombelo, walo mwini mufwutuli wa mubili. ²⁴ Pele acho chikombelo mbuchili chaka Kilisito, mbubona abo batwelwe ku balumyaabo mushintu shoonse. ²⁵ Nubalumi, amubafwune benenu, mbubona Kilisito mbwaakafwuna chikombelo u kulipa lwakwe mwini kuli nguwe ²⁶ kwaamba ati amusalazhe, kumusalazha kwiita mukumusazha u meenzhi ku mazwi, ²⁷ kwaamba ati abulishe chikombelo kwakwe mwini mukulemekwa, kubula kaama nikaba kaimba nikuba chintu chili buti, pele chisalala alimwi chiina kampenda. ²⁸ Munzhila yomwi njiyona balumi balyeelele kufwuna benabo ukoya mibili yabo beni. Wezo walo ufwini mwinakwe uli lifwini u mwini. ²⁹ Kaambo kwiina naaba womwi uswile mubili wakwe mwini, pele uloobamba u kuukwata kabotu, mbubona aze Kilisito mbwaabamba u kukwata kabotu chikombelo, ³⁰ kaambo tuli bantu ba mubili wakwe. ³¹ "Ku kaambo kaka mulombwana ulakashiya baushi u baina amana ulakasanga ku mwinakwe, amana bobile balakaba mubili womwi." ³² Aza maseseke a bwini makandosha---pele ndaamba aka Kilisito alimwi u chikombelo. ³³ Nikuba bobo, umwi uumwi wenu ulyeelele kufwuna mwinakwe mbubona mbwalifwini mwini, aze mwinakwe ulyeelele kupa bulemu mulumyaakwe.