¹ Nchichecho Ume ndi, Paulu, ndimwaange waka Kilisito Jeso u kaambo kenu umwe nu bahwamashi-- ² Ume ndatelaika kwaamba ati mwakabuteelela bubambe bwa luse lwaka Leza bobo bwakapewa kwangu u kaambo kenu. ³ Shizoosha shakazhibishiwa kwangu kwiita mubuzubuluzhi, u koya Ume mbundakalemba mubufwaafwi. ⁴ Awo mwachibala chechi, mulalozha kuchiteelelesha checho nching'amba muli chechi chizoosha muli Kilisito. ⁵ Mu misela imwi chechi chizoosha chiina nichakazhibwa ku bana ba bantu. Pele ninzho chakazubululwa kwiita mu Moza kuya kuba apositolo basalala alimwi u bashinshimi. ⁶ Bobu bwini bwakaakuli buseseke nkwaamba ati bahwamashi tulakona abo, alimwi tuli abo mu mubili, alimwi balikwete chibeela kuchishomezho mwaka Kilisito Jeso kwiita mu mulumbe. ⁷ U kuti Ume ndakaba musebezhi wa mulumbe kwiita mu chipo chaka Leza cha luse chakapewa kwangu kwiita mukusebeza kwa nsana shakwe. ⁸ U kuli ume---nikuba ati Ume ndime mushoontosha kuli boonse bana Leza bantu basalala---lolu luse lwakapewa, lwaku kambauka kubahwamashi shitakapulwa nshaakatuchitila Kilisito ⁹ alimwi u kuleta kumumuni kububambe bwa umwi umwi---shizoosha shiseseke kuli ba musela mwa Leza, wezo wakalenga shoonse shintu. ¹⁰ Wezu muzeezo wakazubululwa kwiita muchikombelo kuti baleli alimwi u beendelezhi u bali mumasena a mazeulu bakazhibe bunji bwabube bwa busongo bwaka Leza. ¹¹ Chechi chakaba kwiingayina u muzeezo utakaamana walo wakahwililila kwiita mwa Kilisito Jeso Mwami wesu. ¹² Kaambo muli Kilisito tulikwete kushankila alimwi u kwaanguluka kaambo kalushomo lwesu luli mwakwe. ¹³ U bobo Ume ndamukumbila mutabi nimuzhoka munshi kaambo kamapenzhi angu kwenu, alo bobu mbubulemu bwenu. ¹⁴ Ku kaambo kaka Ume ndafwukama kumahwi angu kwa Taata, ¹⁵ kwalo kuhwa yoonse mikowa mwizeulu alimwi anshi nkwiulikwa mazhina. ¹⁶ Ume ndakomba kwaamba ati amupe, kwiingayina uku buhubi bwa bulemu bwakwe, kuti bukazumishiwe kunsana kwiita mu Moza wakwe, nguni wezo uli mukati ka buntu bwenu. ¹⁷ Ume ndakomba kwaamba ati Kilisito abe naakala mu myonzo yenu kwiita mulushomo kutewa mushimpwe alimwi u kukalilila mulufwuno lwakwe, ¹⁸ kutewa ati ambweni mulalozha kuteelelesha, antoomwi u babo bantu baka Leza basalala, buli buti bwamba, mubulafwu, u mubulafwu kuya mwizeulu, alimwi u bulafwu kuya anshi, ¹⁹ alimwi u kuzhiba lufwuno lwaka Kilisito, lolo lubaala a luzhibo, kwaamba ati muzuzhiwe bu Leza bwalo. ²⁰ Inzho kuli wezo walo ulozha kuchita kubaala shoonse nshitukumbila nikuba kutelaika, kwiingayina insana shakwe shesho shisebeza muli uswe, ²¹ u kwakwe a kube bulemu muchikombelo alimwi u mwa Kilisito Jeso kumisela yoonse kwa lyoonse u lyoonse. Ameni.