¹ Amana umwe lwenu, mwakaakuli bafwu mukusotoka mulawo alimwi u shibi, ² momo umwe mumwakaakweendela, kwiingayina inzhila sha mono muluundu. mwakaakupona kwiingayina u muleli wansana shamu muuwo, ngu moza wezo u sebeza mu bana ba shikutachilila. ³ Mbubona aswe toonse twakapona a kati ka bantu baba, kuzuzukizha shibiyabi shizanda mubili, alimwi u kuchita shizanda mubili alimwi u muzeezo. Twakaakuli bana babuzhale bwa bukali bwaka Leza, ukoya bamwi bantu nokwesu. ⁴ Pele Leza ulikwete lulekelelo lunji lunji u kaambo kalufwuno lukando lolo lwalo ndwaakatufwuna uswe. ⁵ Lelyo nitwakaakuli bafwu mushintu shibiyabi, wakatuchita kuba ba bumi antoomwi mwa Kilisito--kwiita mu luse umwe mwakafwutulwa. ⁶ Leza wakatubusha uswe antoomwi u Kilisito, alimwi Leza wakatukalika mumasena amu mazeulu u Kilisito Jeso, ⁷ kwaamba ati mu misela iyakuzhiza a katutondezhe buhubi bunji bunji bwa luse lwakwe bukaabela mububonhu monzo kuli uswe kwiita mwa Kilisito Jeso. ⁸ Ubobo kwiita mu luse umwe mwakafwutulwa kwiita mulushomo, amana chechi chiina kuhwila kwenu, chechi nchipo kuhwa Leza, ⁹ kutali kumichito, kwaamba ati kubule umwi u lisumpula. ¹⁰ U kuti uswe tuli bupange bwaka Leza, twakalengwa mwa Kilisito Jeso kuchita milimo mibotu yezho Leza njaakatubambila lelyo kale kale, kwaamba uswe tweende muli njiyo. ¹¹ U bobo amutelaike kwaamba ati limwina mwakaakuli bahwamashi mu mubili. Mwakaakutewa ati, "batapalulilwe" chalo chitewa ati "kupalulwa" kumubili chakachitwa u matashi a bantu. ¹² U kuti kuchecho chiindi mwakaakwaandeene u Kilisito, mwakaakuli beenzu kuba shichishi bamu Izilaili, beenzu kuchihwumunano nchaakashomezha, kubula lulangilo alimwi u kubula Leza mono muluundu. ¹³ Pele ninzho u mwa Kilisito Jeso umwe limwi lelyo nimwakaakuli kulaale u Kuhwa kwa Leza mwakaletwa afwaafwi kwiita mubulowa bwaka Kilisito. ¹⁴ Kaambo walo lwakwe nduluumuno lwesu, kaambo wakatuchita uswe kuba womwi. Kwiita mu mubili wakwe wezo wakakononwa wakaandaanya bwaanda bwakusulana. ¹⁵ Wakaubika a mabali mulawo mbuwaakwaamba alimwi u mbuuchita kwaamba ati achite mwakwe mwini muntu mupiya womwi kuhwa kuli bobile, kwaamba achite luumuno. ¹⁶ Kilisito wakazhololola bantu kuba mubili womwi kwa Leza kwiita achichinkano, kulesha kusulana akati kenu. ¹⁷ Jeso wakazhiza kukambauka mulumbe mubotu wa luumuno kwenu umwe numwakaakuli kulaale alimwi luumuno kuli babo bakaakuli afwaaafwi. ¹⁸ Kaambo kwiita mwa Jeso toonse tulikwete chaabilo mu Moza womwi kwa Tatesu. ¹⁹ Inzho awa, nubahwamashi tamuchili bahwa kunji naaba beenzu pe. uninzho muli bashimunzhi nokwesu u bantu basalala baka Leza alimwi mwaba bamung'anda yaka Leza. ²⁰ Umwe ninzho mulizakilwe antalisho yaba apositolo alimwi u bashinshimi, amana Kilisito Jeso lwakwe mwini ndiibwe lya mwikona. ²¹ U mwakwe buzake boonse buli antoomwi aali nguwe bwamana bulakula buli chikombelo chisalala mu Mwami. ²² U mwakwe amwe mulizakilwe antoomwi buli busena bwakukala bwaka Leza mu Moza.