¹ Naakuti Leza wakamubusha u Kilisito, amukapule shintu shakwizeulu, koko Kilisito nkwaashite kwitashi lyalulyo lyaka Leza. ² A mutelaike sha kwizeulu, kutali shintu shaanshi. ³ Kaambo mwakafwa, amana bumi bwenu bulisesekelwe u Kilisito mwa Leza. ⁴ Awo Kilisito a kabulika, walo ngu bumi bwenu, amana amwe mulakabulika aze mubulemu. ⁵ A mushiyaye, shoonse, shesho shaanshi---sha bumambe, shisofweele, kusukamina shitaluleme, u kuzandisha shibiyabi, alimwi u bushaachihule mwangu, koku nkukomba tu Leza tushoonto. ⁶ Nkukako kushintu sheshi bukali bwaka Leza bulakazhiza a bana bashikutatobela. ⁷ I mumo mushintu sheshi shalo amwe limwi mumwakaakweenda lelyo nimwakaakupona muli nshisho. ⁸ Pele ninzho mulyeelele kushikaka shoonse shintu sheshi--bukali, kanchimwa, mizeezo mibiyabi, u kusampaulana, alimwi u mwaambo mubiyabi kuhwa ku milomo yenu. ⁹ Mutabi nimuchengana umwi u mweezhiina, kaambo mwakamusamununa muntu wakale kale u nshaakuchitika shoonse, ¹⁰ amana ninzho mwasama muntu mupiya wezo wakapangwa kuba mupiya mu luzhibo kwiingayina u chinkozha chaka wezo walo wakashilenga, ¹¹ kwalo kwiina mu Giliki naaba mu Juda, bapalule naaba batali bapalule, naaba muhwamashi, naaba muzhike naaba utali muzhike, pele Kilisito ngwa boonse, alimwi uli muli shoonse. ¹² Inzho, u koya basale baka Leza, basalala alimwi banakufwunwa, a mukwate myonzo ya luse, intenda, inkumbu, bubonhu monzo, ubu shichamba. ¹³ Amukwatilane umwi u mweenzhiina. Amufwilane luse umwi umwi. Naakuti umwi ulikwete itongaushi kuli umwi, mulekelele munzhila njiyona yezho Mwami njaakamulekelela. ¹⁴ Aali sheshi shoonse shintu, amukwate lufwuno, kwalo nkukwaanganya antoomwi kwini kwini. ¹⁵ Luumuno lwaka Kilisito lulele mu myonzo yenu. Kaluli luumuno lolu mbuli mbumwakoompololwa mu mubili womwi. Amana amube bashikulumba. ¹⁶ Izwi lyaka Kilisito lipone mwenu chakubaala, kuyiishanya u kubulana umwi umwi mubusongo boonse, kwiimba intembauzho inymbo alimwi inyimbo shamoza u kulumba mu myonzo yenu kwa Leza. ¹⁷ Kufwumbwa checho nchimwachita, mu mazwi nikuba mu michito, amushichite mwizhina lyaka Mwami Jeso. A mupe kulumba kwa Leza Ushesu kwiita mwakwe. ¹⁸ Nimutwelwe, a mulibonzhe ku balumyeenu, kaambo chintu chizandika ku Mwami. ¹⁹ Nimutwele, a mubafwune benenu, amana mutabi bashilunsunsu aali mbabo. ²⁰ Nubana, a mubalemeke bamuzhele mushintu shoonse, amana chechi chilamubotezha Mwami. ²¹ Nubazhali, mutabi nimubalemeka banenu, kwaamba batabi nibazhokela munshi. ²² Nubazhike, a mubalemeke bashimatwangeenu kwiingayina u shintu sha mubili, kutali milimo yakubonwa, kuba bashikubotezha bantu, pele u monzo ululeme. Amu mutiye Mwami. ²³ Kufwumbwa checho nchimuchita, a musebeze kuhwa ku moza mbuli ku Mwami kutali mbuli ku bantu. ²⁴ Mulizhi kwaamba ati mulakatambula kuhwa ku Mwami ku bulumbu bwa lukono. Ngu Mwami Kilisito wezo ngumumanina mulimo. ²⁵ Woonse wezo u chita shitali shabululami ulakatambula u kuzholelwa shitali shabululami shesho nshaakachita, kwamana kwiina lusalululo.