¹ Kaambo Ume ndazanda kwaamba ati muzhibe bukando mbundakapenga aali umwe, kuli babo bali ku Laodekiya, alimwi u babo banji banji bayina nibakambona kubushu. ² Ume ndasebeza kwaaamba ati myonzo yabo iyane kuzumizhiwa u kuletwa antoomwi mu lufwuno alimwi umu buhubi boonse bushomezhe bwaku kuteelelesha, mu luzhibo lwa maseseke aka Leza, walo ngu, Kilisito. ³ U mwakwe shoonse mu musesekelwe lubono lwa busongo alimwi u luzhibo. ⁴ Ume ndaamba bobo kwaamba ati kutabi naaba womwi u muchenga kumwaambo wakumushinikizha. ⁵ Nikuba kuti Ume nshili amwe ku mubili, pele ndili amwe mu moza. Ume ndabotelwa kubona mbumulibamba kabotu alimwi insana shalushomo lwenu mwa Kilisito. ⁶ Bobo mbumwakatambula Kilisito Jeso Mwami, a mweendele mwakwe. ⁷ A mushimpwe mwakwe, a muzakwe mwakwe, a mukwatishe mulushomo mbubona mbumwakayiishiwa, alimwi a mukwatishe kwiita mu kulumba ⁸ Amubone kwaamba ati kubule u mukwasha kwiita mu milumbe alimwi u twaambo twiina mbutubele, kwiingayina u tunshiya nshiya twa bantu, kutozha kushintu sha myoza yamu luundu, alimwi shitali sheendelana u shaka Kilisito. ⁹ Kaambo mwakwe mu muzwile shabu Leza bobo bupona muchinkozha cha mubili. ¹⁰ Umwe mulizulile mwakwe, walo ngu shimutwi aali boonse baleli alimwi u balangilizhi. ¹¹ U mwakwe mwakapalulwa amwe kupalulwa kutali kwakuchitwa u bantu bapona kuhwa mu mubili wa buntu, pele ku kupalulwa kwaka Kilisito. ¹² Mwakazhikwa aze mu lupapatizo, alimwi mumona mwakwe mwakabushiwa kwiita mu lushomo munsana shaka Leza, wezo wakamubusha kuhwa kubafwu. ¹³ Lelyo nimwakaakuli bafwu mushibi shenu alimwi u mukutapalulwa kwenu ku mubili, wakamuchita kuba ba bumi antoomwi u mwakwe alimwi wakatulekelela shoonse shibi shesu. ¹⁴ Wakashimwaya u kushikusha ku bulembe bwa milandu bobo bwakaakuli bubiyabi kuli uswe u mbushakaakubikilwe. Wakashikusha u kushikankamina a chichinkano. ¹⁵ Wakabananga shilwisho baleli u bashibwami alimwi u kubabika atuba, wakabazunda kwiita a chichinkano. ¹⁶ U bobo, kutabi naaba womwi u mubeteka mu kulya naaba mu kunwa, naaba twaambo twe kubi nuuba mwenzhi mupiya, nikuba twaambo twa mazuba a chibelu. ¹⁷ Sheshi nshinhule sha shintu shizhiza, pele chizandishi ngu Kilisito. ¹⁸ Kutabi naaba womwi uzanda kumuchenga kuba mubonhu amana u kupayila baangelo a mubeteke kwiita mwenu. Muntu uli bobo ulanjila mushintu shesho nshaakabona alimwi u kulisumpula kwiina kaambo kwiita mu matelaishi a mubili. ¹⁹ Tachikwatisha kuya ku mutwi. Kaambo nkuhwila ku mutwi walo mubili woonse kwiita mumishisa amana u mushizo mushiita alimwi u kukwatana antoomwi; chilakula u kukula kupewa kuhwa Leza. ²⁰ Naakuti wakafwa antoomwi u Kilisito kuhwa kushintu shamoza wa muluundu, kaambooyi mulapona u kulemeka sha luundu: ²¹ "Mutabi nimushikwata, nikuba kushisola, nikuba kushikwata"? ²² Sheshi shoonse shintu shilakazonaunwa u bashisebezha, kwiingayina u mulawo alimwi injiisho shihwa ku bantu. ²³ Yezhi milawo ilalibonya u koya ya busongo, u kulipangila bukombi bwabo beni alimwi u kulibonzha u kulichitila sha mubili. Pele shiina mulimo kulibika kuli sha mubili.