1 Pele Saulo, kachaamba ukukonga kuyaya bashichiiya ba Mwami, wakaya kumupaizhi mukando 2 uku mulomba man'gwalo amu ma sinagogo mu Damasiko, kwamba ati kufumbwa ngwati akayane uzulilwa ku Nzhila, abe mulombwana na mukaintu ulakonzha kubaleta balyangilwe ku Jelusalema. 3 Nakakuya bwenda chakachitika ati nakashika afwaafwi u Damasikasi ndilyona kwakazaka mumuni kuvwa kwizeulu ali nguwe; 4 amane wakawa anshi ngona wakatelela izwi limwambila, Saulo, Saulo nkambonzhi nchumpenzhenzha?" 5 Saulo wakaingula, Ndiwe ni Mwami?" Mwami wakamba ati, Ndime Jeso, ngupenzha; 6 Pele zhimuka, unjile mumunzhi mukando, amana ulakambilwa nchiwelele kuchita." 7 Balombwana bakuli u Saulo bakazhima babula chakwamba, kutelela izwi, pele kwiina ngubabona. 8 Saulo wakazhimuka anshi, nakayalula menso akwe, kwiina nchakabona; ubobo bakmukwatilila kwitashi ukumuleta mu Damasikasi. 9 Kwa mazuba otatwe kataboni, alimwi kwiina nakakulya naba kunwa. 10 Inzho kakuli shichiiya umwi mu Damasikasi wakutewa Ananiyasi. Mwami wakamba kwakwe muchibonwa, "Ananiyasi!" Wakaamba, Bona, Ndili ano Mwami." 11 Mwami wakamwambila, "Zhimuka, koya ku kazhila katewa Kusumana, amana kun'ganda ya Judasi mukalombe mulombwana wezhina lya Saulu, nkaambo ula kukomba. 12 Muchibonwa wakabona mulombwana wezhina lya Ananiyasi wakeza amana wamwaampa matashi, kwaamba achikonzhe kubona alimwi." 13 Pele Ananiyasi wakaingula, Mwami, ndatelela kubantu banji makani amulombwana wezu, mbwapenzha bantu bako basalala mu Jelusalemu. 14 Wakeza insana shakavwa ku bapaizhi bakando kwanga boonse bompolola izhina lyako." 15 Pele Mwami wakamwambila ati, "Koya, ukuti nchisebezho changu chisale, kubweza izhina lyangu kumbele lya bantu bakunze uku bami alimwi ukubana ba Izilayeli; 16 ukuti ndamutondezha mbwakapenga kupenzha izhina lyangu." 17 Ubobo Ananiyasi wakazhimuka, amane wakanjila mu n'ganda. Kwaampa matashi akwe ali nguwe, wakaamba, "Mukwesu Saulo, Mwami Jeso, uwakalibonya kwako munzhila nuwakwiza watuma ume kwamba ubone alimwi uzuzhiwe u Moza Usalala." 18 Ndilyona chintu chili ukoya maamba chakawa kuvwa mu menso a Saulo, amane wakatalika kubona; wakazhimuka amane wakapapatizwa; 19 alimwi wakalya ngona wakwata insana. Wakakala ubashichiiya kwa mazuba manji mu Damasikasi. 20 Awo ngoona wakamukambauka Jeso mu ma sinagogu, ati Mwanakwe Leza. 21 Boonse bakamutelela bakazhingwa ukwaamba ati, "Sa wezu ingwe mulombwana wakayaya boonse mu Jelusalema bakakwita izhina leli? Washika kono kwaamba abaange ukubatola ku bapaizhi bakando." 22 Pele Saulo wakakwata insana shinji shinji, alimwi kabaletela mapenzhi ba Juuda bakakukala mu Damasikasi nkaambo kakubezhibya ati Jeso inguwe Kilisito. 23 Nikwakaita mazuba manji manji, bama Juuda bakanza antoomwi kumuyaya. 24 Pele makanze abo Saulo wakaazhiba. Bakelindilila milyango muunza umashiku kwaamba bamuyaye. 25 Pele bashichiiya bakwe bakamubweza mashiku bamuleta anshi kwiita abwaanda kumulengelezha mu chinzuma. 26 Nakashika ku Jelusalema, Saulo wakasoleka kubasangana bashichiiya, pele boonse bakamutiya, kabatashomi ati ngushichiiya. 27 Pele Banabasi wakamubweza ukumutola ku batumwa, alimwi wakabambila Saulo mbwakamubona Mwami munzhila alimwi ti Mwami wakabandika aze, almwi ku Damasikasi Saulo mbwakamba chakubula bukandu mwizhina ulya Jeso. 28 Kali abo, kunjila alimwi ukuvwa mu Jelusalema. Wakaamba chakubula bukandu mwizhina ulya Mwami Jeso 29 uku kazyanya abo bama Juuda baku Gilisi; Pele bakakatila kuzanda kumuyaya. 30 Chiindi banina nibakaazhiba aza, bakamuleta ku Kayisaliya ukumutuma kuTasusi. 31 Inzho chikombelo moonse mu Judeya, Galileya, u Samaliya kamuli lumuno alimwi kachili chizumu alimwi kabeenda mukutiya Mwami umukuzumya zumya kwa Moza Usalala, chikombelo chakakomena mu myeelwe. 32 Inzho chakachitika ati, chiindi Pita nakazhinguluka muchishi choonse, wakaya alimwi kubantu basalala ba Leza bakukakala mubusena bwa Lida. 33 Kolya wakayana mulombwana wakutewa Ayeniyasi, kali mubulo kwa myaka ili lusele, ukuti kali mulema. 34 Pita wakamwambila ati, "Ayeniyasi, Jeso Kilisito wakuponya. Zhimuka ukubamba bulo bwako," inzho ndilyona wakazhimuka. 35 Ubobo boonse bakukala mu Lida alimwi umu Shaloni bakamubona mulombwana alimwi bakasandukila ku Mwami. 36 Inzho mu Jopa kakuli shichiiya umwi wezhina lya Tabita(kulisandula Dokasi). Wezu mukaintu kazwile milimo mibotu umilimo mibotu njakakuchita kuba pushi. 37 Ubobo chakachitika azo mazuba wakasata amane wafwa; Chiindi nibakamusanzha bakamoneka mun'ganda yamwizeulu. 38 Nkaambo Lida kali afwaafwi u Jopa, alimwi bashichiiya bakatelela ati Pita nkwaali, bakatuma balombwana bobile kwakwe, kumulombesha ati, "Kweza kwesu utachelwa." 39 Pita wakazhimuka ukuya abo. Chiindi nakashika, bakamutola ku n'ganda ya mwizeulu, boonse bamuka bafwu bakamuzhiminina kabalila, bakatondezha shisani ushikobelo nshakapanga Dokasi nakuchili abo. 40 Pita wakabatanda boonse mun'ganda, wasunkumana anshi ukukomba; amane, wachindulukila ku mubili, waamba ati, "Tabita, buka," ngoona wayalula menso akwe, amane abone Pita wakakala. 41 Pita ngoona wamupa itashi lyakwe amane wamuzhimuna; alimwi chiindi nakabeta bantu ba Leza basalala uba muka bafwu, wakamutambika kwabo ulalanga. 42 Kaambo kaka kazhibwa mu Jopa moonse alimwi bantu banji bakashoma mu Mwami. 43 Chakachitika ati Pita wakakala kwa mazuba manji mu Jopa u mulombwana wezhina lya Saimoni, shikubamba masalu.