¹ Inzho kakuli umwi mulombwana mu munzhi wa Kayisa, wezhina lya Cornelius wakabunga kabashilikani ku kutewa ati kabunga ka bashikalumamba baku Itali. ² Kali muntu wakulyaabile, wakutiya Leza antoomwi uba nganda yakwe, kapa shipo kubantu, alimwi kakomba Leza lyoonse. ³ Chiindi cha chifumo, wakalibonena chibonwa cha angelo wa Leza uleza kwakwe. Angelo wakamwambila, ''Koneliyasi!'' ⁴ Koneliyasi wakamulanga angelo wakafwa bukandu ukwamba ati, ''Nchinzhi, mulombwana?'' Angelo wakamwambila, ''Shipo u kukomba kwako shaya kwizeulu kuba chizhibalusho kubushu bwa Leza. ⁵ Inzho tuma balombwana ku munzhi wa Joppa bakuya bakamulete mulombwana wezhina lya Saimoni ngubeta ati Pita. ⁶ Ulakala u muntu ubamba masalu wezhina lya Saimoni in'ganda yakwe ili kufwaafwi u lwatele.'' ⁷ Angelo wakaamba kwakwe nakaya, Koneliyasi waketa basebezhi bakwe bobile, u mushilikani ushomeka akati kababo bakumusebezela. ⁸ Koneliyasi wakabambila shoonse shakachitika amane wabatuma ku Joppa. ⁹ Inzho buzuba bwakachilila chiindi cha iwoola lya chisambomwe, nibakuchiya bweenda kabazanda kushika mumunzhi, Pita wakaliza azeulu lya n'ganda kuya kukomba. ¹⁰ Ngoona wakafwa inzala wazanda chakulya, Pele bantu nibakuchibamba shakulya, chibonwa chakamuzila, ¹¹ wakabona izeulu lyayaluka wabona chintu chilaseluka, chintu chili ukoya insenke chilseluka kwiza anshi, kuselemukila mumakona anchicho one. ¹² Mulinchicho kamuli mishobo yoonse ya banyama bamatende one alimwi ushintu shikalaba anshi, alimwi u bazuni ba mwizeulu. ¹³ Ngoona izwi lyakamwambila: ''Zhimuka, Pita, yaya amana ulye.'' ¹⁴ Pele Pita wakamba, Tachili bobo, Mwami; ukuti nshinalile chintu chisofwele alimwi u chitasalali.'' ¹⁵ Pele izwi lyakamushikila lweendo lwabili: Leza nchasalazha, utachaamba kusofwaala.'' ¹⁶ Chechi chakachitika inyendo shotatwe; ngoona checho chintu chakabwezhewa mwizeulu. ¹⁷ Izho Pita nakakuchinyongene kumakani a chibomwa checho nchakabona nchichaamba, bona, balombwana bobile bakatumwa kuvwa kwa Koneliyasi bakazhima a manjililo, nibakamana kubuzha inzhila iiya kun'ganda. ¹⁸ Bakompolola ukubuzha na Saimoni, wakutewa Pita nkwaali. ¹⁹ Pita nakuchitelaika makani a chibonwa, moza wakamwambila ati, ''Bona, balombwana botatwe balakukapula. ²⁰ Zhimuka useluke anshi amana uye abo. Utalengaani kuya abo, nkaambo ndabatuma.'' ²¹ Inzho Pita wakaya ku balombwana amane wabambila ati, ''Ndime ngumukapula. Anu mwezila nzhi?'' ²² Bakaamba, mukando waba shilikani utewa Koneliyasi mulombwana usalala alimwi umutiya Leza, alimwi balamwamba bubotu chishi choonse cha ba Juda, wakalaililwa kwa angelo usalala kwamba akompolole ukuya ku n'ganda yakwe, kwaamba atelele mulumbe kuvwa kwako.'' ²³ Pita wakabeta ati benjile bakale aze. Buzuba bwa chilila chifumo fumo wakazhimuka waya abo, bamwi bakwesu ba ku Joppa bakamushindikila. ²⁴ Mu buzuba bwakachilila bakashika ku Kayisa. Koneliyasi kabalindila; waketa basazhiina boonse u balongwakwe. ²⁵ Chakachitika kwaamba ati Pita nakenjila, Koneliyasi wakamuswanganya ukuwila ku matende akwe kumupaila. ²⁶ Pele Pita wakamuyovwelezha kuzhimuka, ulaamba, ''Zhimuka! ame mbubona ndimuntu.'' ²⁷ Inzho Pita kachaamba aze, wanjila wayana bantu banji banji balibungene. ²⁸ Wabambila ati, ''Umwe nubeni mulizhi ati tachili mu mulawo ku mu Juda mulombwana kuswaya na kutelezhanya u muntu utali wamuchishi. Pele Leza wambonya ati nshelele kwita kufumbwa muntu kusofwaala na kutasalala. ²⁹ Nchichecho nchindakezhila kutakazhanya, chiindi nindakatuminwa. Inzho ndabuzha nchindetilwa.'' ³⁰ Koneliyasi wakamba ''Mazuba one ayita kwi woola leli, ndakukomba chiindi che woola lye fuka mun'ganda yangu; ukubona, ukubona mulombwana wazhima kumbele lyangu ushikobelo shibeka. ³¹ Wakaamba, 'Koneliyasi, kukomba kwako wakutelela Leza, ushipo shako shazhibalusha leza ku kaambo ako. ³² Inzho tuma umwi ku Jopa amana aye ku mulombwana wezhina lya Saimoni utewa Pita. Ulakala munganda ya shikubamba masalu utewa Saimoni, kumbali ku lwatele.' ³³ Inzho ndilyona ndakakutumina, Ulikwete luse mbuwashika. Inzho awa tuli ano toonse kubushu bwa Leza kwamba tutelele checho nchiwalaililwa u Mwami ati waambe.'' ³⁴ Awo Pita wayalula mulomo wakwe amane wamba, ''Chini chini ndazhiba ati Leza wina lusalululo. ³⁵ Ubobo, mu mashi oonse kufumbwa wezo umutiya amane ulachita chiluleme ulamutambula. ³⁶ Mulizhi mulumbe ngwakatuma ku bantu baku Izilaeli, nakambilizha makani a lumuno kwiita mwa Jeso Kilisito, walo ngu mwami wa boonse- ³⁷ umwe nubeni mulizhi chakachitika, chalo chakachitikila muchishichoonse cha Judeya, kutalikila mu Galileya, lumane lupapatizo Johani ndwakambilizha; ³⁸ shintu shikwatilizha Jeso waku Nazaleta, Leza mbwaka munanika u Moza Usalala alimwi iinsana. Wakaya buchita shintu shibotu ukuya buponya boonse bakupenzhewa kwa satani, ukuti Leza kali aze. ³⁹ Tuli bakamboni toonse kushintu shoonse sheshi Jeso nshakachita, moonse mu chishi cha ba Juda alimwi umu Jelusalema. Bakamuyaya kwita mukumwanjika a chisamu, ⁴⁰ pele Leza wakamubusha mu buzuba bwatatu uku muchita ati abonwe, ⁴¹ ukutali boonse bantu pele ku bakamboni bakasalwa kuchiindi checho u Leza- ukwesu nitwakalya ukunwa aze nakabubuka ku bafu. ⁴² Wakatulailila kukambauka ku bantu ukupa bumboni kwamba wezu inguwe wakasalwa u Leza kuba mubeteshi wa bomi u bafu. ⁴³ Kumakani akwe boonse bashinshimi balapa bumboni, kwaamba oonse wezo ushoma mwakwe ulatambula kulekelelwa ku shibi kwita mwizhina lyakwe.'' ⁴⁴ Pita nakuchaamba mazwi aza, Moza Usalala wakabawila boonse bakutelela ku mulumbe wakwe. ⁴⁵ Babo bantu bakuzeme kukabunga ka babo bashomi bapalulwa-boonse babo bakeza u Pita-bakazoowa, nkaambo chipo cha Moza Usalala chakatililwa ali babo bantu bakunze. ⁴⁶ Ukuti bakabatelela bantu bakunze balamba mu mishobo inji alimwi ukutembaula Leza. Amane Pita wakaingula, ⁴⁷ ''Kuli naba omwi ukonzha kuzobola menzhi kuvwa kuli baba bantu batapapatizwa, baba bantu batambula Moza Usalala mbubona ukoya uswe?'' ⁴⁸ Amane wakabalailila kwaamba bapapatizwe mwizhina lya Jeso Kilisito. Ngoona bakamulomba ati akale abo kwa mazuba ali mbwabele.