¹ Inzho batumwa ubashomi bakuli mu Judeya bakatelela ati bakunze abo balitambula izwi lya Leza. ² Chiindi Pita nakakuzhile mu Jelusalema babo bakuli ku kabunga kabapalule bakamusampaula; ³ balamba ati, "Wakasangana ubalombwana batali bapalule alimwi wakalya abo!" ⁴ Pele Pita wakatalika kupandulula makani oonse, alamba, ⁵ "Ndaka kukomba muchishi cha Joppa, alimwi nindakuchikwete matelaishi ndakabona ikwati lileza anshi, chiliukya chipampasha chalekwa kuvwa kwizeulu mumakona one anchicho. Chakaselukila ali ume. Ndakachilangisha ukutelaikisha. ⁶ Ndakabona banyama bakwete matende one uba anshi, banyama bamusokwe, shintu shikalaba, ubazuni bamwizeulu. ⁷ Amane ndakatelela izwi lin'gambila ati, 'Zhimuka, Pita; yaya ulye!' ⁸ Ndakaamba ati, Imbo bobo, Mwami; ukti kwiina chitasalali nichiba chikwete itombe chakanjila kale mukanwa mwangu,' ⁹ Pele izwi lyakaingula alimwi kuvwa kwizeulu, 'Checho Leza nchasalazha utachamba ati nditombe.' ¹⁰ Chechi chakachitika shiindi shotatwe, amane shoonse shakabwezhiwa kwizeulu alimwi. ¹¹ "Bona, ngoonawo kakuli balombwana botatwe bakakuzhimine kumbele ya n'ganda mutwakakubele; bakatumwa kuvwa ku Kayizaliyakwiza kwangu' ¹² Moza wakandailila ati ndukuya abo alimwi ati intalyandanya nkubabele. Baba bakwesu bali chisambomwe twakaya abo mun'ganda ya mulombwana. ¹³ Wakatwmbila umbuli mbwakabona angelo wakuzhimine mun'ganda yakwe ukwamba ati, 'tuma balombwana ku Jopa bakamuzhole Saimoni utewa Pita. ¹⁴ Ulakamwambila mulumbe ukamufutula-uwe alimwi boonse ba n'ganda yako.' ¹⁵ Nchitalika buyo kubambila, Moza Usalala wakabanjila ukoya uswe kumatalikilo. ¹⁶ Ndakazhibaluka mazwi a Mwami, ukoya mbwakaamba, 'Johani chinichini wakapapatiza umenzhi; pele mulapapatizwa u Moza Usalala.' ¹⁷ Inzho kuti na Leza wakabapa chipo chikozhanya unchakapa kwesu nitwakashoma mwa Jeso Kilisito, ndakuli ni, kwamba mukazhe Leza?" ¹⁸ Nibakashitelela shintu sheshi, kwina nchibakaamba mubwingulo, pele bakapa bulemu kwa Leza ukwamba ati, "Inzho Leza wapa kusanduka kwa bumi ku bantu bakunze abo." ¹⁹ Inzho babo bakasalangana nkambo kakupenzhiwa kwakabukila Sitivini kwakaya impuwo mpaka ansha ku Fonisiya, Saipulasi, alimwi uku Antiyoki, kwaamba izwi kuba Juda bulyo, ²⁰ Pele bamwi babo, balombwana bakavwa ku Saipulasi uku Sailini, bakashika ku Antiyoki alimwi ukwambila bama Giliki, kubakambaukila makani mabotu a Mwami Jeso. ²¹ Itashi lya Mwami kalili abo; bantu banji banji bakashoma ukusandukila ku Mwami. ²² Makani abantu baba akatelelwa ku chikombelo chamu Jelusalemu, alimwi bakatuma Banabasi kuya kushika ku Antiyoki. ²³ Chiindi nakashika ukubona luse lwa Leza, wakabotelwa alimwi wakabazumya zumya kwamba bakakatile kuba mu mwami u muzezo mu mozo. ²⁴ Ukuti kali mulombwana mubotu alimwi uzwile Moza Usalala u lushomo, alimwi bantu banji bakazungilwa ku Mwami. ²⁵ Banabasi amane wakata ku Tasusi kukapula Saulo. ²⁶ Nakamuyana, wakamuleta ku Antiyoki. Chakashika bolya, kumwaka woonse kaba bungana bachikombelo ukuyiisha bantu banji. Bashichiiya bakatanguna kutewa bana Kilisito mu Antiyoki. ²⁷ Inzho kumazuba aza bamwi bashinshimi bakeza kuvwa mu Jelusalema kuya mu Antiyoki. ²⁸ Umwi wabo, uwezhina lya Agabusi, wakazhimuka ukutondezhewa u Moza ati kulaba Inzala chishi choonse. Chechi chakachitika mumazuba a Kulodiyasi. ²⁹ Ubobo bashichiiya, kwingaina umwi uumwi mbwakukonzha, chakabapa kwamba bachikonzhe kutuma shintu shakuyovwa basazhinokwabo mu Judeya. ³⁰ Bakachichita chechi; bakatuma mali ku basololi kwita mu matashi a Banabasi u Saulu.