^{1 2} Uninzho kuchiindi cha Helodi mwami wakabika matashi kubantubamwi ubakuchikombelo kwamba ati abapenzhe. Wakayaya Jemusi munina Johani mulombwana iicheba. ³ Kuvwa nakabona ati chechi chababotela bama Juda, wakaya kwanga u Pita. Azo kali mazuba a chinkwa china bumena. ⁴ Nakmana kumwanga, wakamubika muntolongo ukubika tubunga tone twa bashilikani twakumulindilila; kazanda kumuleta kubantu lyamana ipobwe lya Kwitilila. ⁵ Ubobo Pita wakasungwa muntolongo, pele kwakakombwa chalushinizho akati kabo bakuli muchikombelo. ⁶ Bushiku kabutana kushika bobo Helodi mbwakakuzanda kumuleta ati abetekwe, Pita wakakulele akati ka bashilikani bobile, mwaange inchtani shobile, abo balindilila kumulyango kumbele kabalindilila intolongo yoonse. ⁷ Bona, angelo wa Mwami ndilyona wakalibonya kwakwe, alimwi mumuni wakamunika muntolongo. Wakamuma Pita kumbali ukumubusha wamba ati, "Zhimuka fwambana," asho inchetani shakwe shakanguluka kumatashi akwe. ⁸ Angelo wakamwmbila ati, "Libambe wamana usame impato shako." Pita wakachita mbubona. Angelo wakamwambila, "Sama chikobelo chako unchilile." ⁹ Ubobo Pita wakamuchilila angelo ukuvwa ansengwe. Wina kukazhiba ati nchakachita angelo chilishinizhe Wakatelaika ati wakabona chibonwa. ¹⁰ Nibakaita mulindizhi wakutanguna uwabili, bakashika amulyango washibulo wezo nguwakutozha mu munzhi mukando; wakaliyalukila. Bakavwa ukuchilila inzhila, ngona awo angelo wakamushiya waya. ¹¹ Chiindi Pita nakazhibulukwa, wakamba ati, "Inzho chin chini ndazhiba ati Leza nguwatuma angelo alimwi ukunksha mumatashi aka Helodi, alimwi ukushintu shakuli mumatelaishi aba Juda." ¹² Chiindi nakazhiba chechi, wakaya ku n'ganda ya Maliya baina Johani wakutewa alimwi ati Maako, kwalo bantu banji nkubakubungene kabakomba. ¹³ Chiindi chaka konkomona amulyango, musebezhi mushmbi wezhina lya Roda wakeza kwingula. ¹⁴ Nakalizhiba izwi lya Pita, nkambo kakubotelwa chaka mukakila kuyalula mulyango; ubobo, wakazhoka uleza bulukanka mun'ganda; wakabambila ati Pita ulizhimine amulyango. ¹⁵ Inzho bakamwambila ati, "uli muyanga." Pele waka tatanana kwamba mbwabele bobo. Bakamba ati, "Ngu angelo wakwe." ¹⁶ Pele Pita wakatolelela kukonkomona, alimwi lelyo nibakayalula mulyango, bakamubona bamane bakazoowa. ¹⁷ Pita wakatambika itashi lyakwe ati baliinze, amane wakabashimwina umbuli Leza mbwakamukusha muntolongo. Wakabambila ati, "Amumushimwine Jemusi alimwi ubakwesu balombwana." Amane wakabasiya waya kubusena bunji. ¹⁸ Uninzho nibwakacha, kakwiina chishoonto chakunyonganya ku bashilikani kuli chakachitika kwa Pita. ¹⁹ Helodi nakamana kumukapula kwiina uku muyana, wakabuzha bakakumulindilila amane walailila ati bayayiwe. Ngona Helodi wakavwa ku Judeya waya ku kayisaliya kukala nkuko. ²⁰ Uninzho Helodi wakalemanina bantu baku Taya u Sidoni. Bakaya kwakwe umuzeezo womwi, nakamana kushinikizha Bulasitasi, muyovwelezhi wa mwami, kwamba abayovwe, bakalomba lumuno nkambo chishi chabo chakatambula shakulya shakavwa kuchishi cha mwami. ²¹ Mubuzuba busale Helodi wakasama shisani sha bwami ukukala achuuna cha bwami, wakabambila. ²² Bantu bakapozomoka, "Leli ndizwi lya leza mushoonto ulitali lya muntu!" ²³ Ndilyona angelo wa Mwami wakamuuma, nkaambo wiina nakamupa Leza bulemu; wakaliwa uba namula amane wakafwa. ²⁴ Pele izwi lya Leza lyakazungilwa ukuzandaala. ²⁵ Inzho Banabasi u Saulo nibakamana mulimo wabo, bakapiluka kuvwa ku Jelusalemu bakamuletlezha Johani, wakutewa Maako.