¹ Inzho muchikombelo mu Antiyoki, kakuli bashinshimi uba mayi. Kabali Banabasi, Simiyoni (utewa ati Niga), Lusiyasi waku Sailini, Manayeni ( mwenzhiina ngubakakomena aze Heloda wakuli mwendelezhi), u Saulu. ² Chiindi nibaka kukomba Mwami ukuliimya kulya, Moza Usalala wakaamba ati, "Amun'gandanyinye ba Banabasi u Saulo basebeze mulimo ngundakabetila." ³ Niba kaliimya, bakomba, alimwi ukwaampa matashi abalombwana baba, bakabatuma kuya. ⁴ Inzho Banabasi u Saulo, mukutumwa u Moza Usalala, bakaya ku Seleusiya; bamane bakavwa baya ku Cyprus. ⁵ Nibakuchili mu munzhi mukando wa Salamis, baka kambauka izwi lya Leza mu ma sinagogu aba Juda.Kabali u Johani kwamba abayovwe. ⁶ Nibakazhinguluka chilwa choonse kuya ku Pafosi, bakayana umwi shimabibo, mu Juda mushinshimi mubeshi izhina lyakwe kali Bali-Jeso. ⁷ Wezo shimabibo wakasangana u muleli mukando, Segiyasi Paulusi, kali mulombwana musongo. Wezu mulombwana wakompolola Banabasi u Saulu, nkaambo kakapula kutelela izwi lya Leza. ⁸ Pele Elimasi "shimabibo"( mbubobo mbuli pandululwa izhina lyakwe) wakabakazha; wakasoleka kumukusha muleli ku lushomo. ⁹ Pele Saulu, ulimwi utewa Paulu, uzwile Moza Usalala, wakamulanga chabukali ¹⁰ amana wakaamba ati, "Uwe umwanakwe satani, uwe ulizwile bubiyabi boonse. Uwe uli shinkondonina bululami boonse. Tukaleka kupilinganya inzhila isumene ya Mwami, sa ulaaleka? ¹¹ Inzho bona itashi lya Mwami lili ali uwe, amana ulaba moofwu. Tukaliboni izuba kwa kaindi kashoonto." Ndilyona kwaka muwila Elimasi ingubi umusinze; wakatalika kukapula bantu kwamba bamukwate kwitashi kumutondezha inzhila. ¹² Amane kubona chakachitika muleli, wakashoma nkaambo wakazhingwa kunjiisho yamba Mwami. ¹³ Inzho Saulo ubenzhiina bakazhoka kuvwa ku Pafosi ukuya ku Pega mu Pamfiliya. Pele Johani wakabashiya wazhoka ku Jelusalema. ¹⁴ Paulu ubenzhiina bakeenda kuvwa ku Pega bashika ku Antiyoki waku Pisidiya. Koko bakanjila mu sinagogu mu buzuba bwa muchibelu bakala anshi. ¹⁵ Kumana kubala mulawo u bashinshimi, basololi ba sinagogu bakatuma mulumbe kwabo balamba, "Nubakwesu kuti na mulikwete mulumbe waku zumya zumya kubantu baba kono, amwaambe." ¹⁶ Inzho Paulu wakazhimuka watambika itashi; waamba, Nubalombwana ba Izilayeli amwe numutiya Leza, amutelele. ¹⁷ Leza wa bantu baba ba Izilayeli wakasala bama ushesu ukubasumpula bantu chiindi nibakakala munshi ya Ejipiti, kwita mwitashi lyakwe wakabakusha mo. ¹⁸ Kwa myaka ili makumi one wakababika mulukula. ¹⁹ Nakamana kuzonauna masi ali chiloba munshi ya Kenani, wakapa bantu besu inshi yabo yakukona. ²⁰ Shoonse sheshi shakachitika kubaala myaka ili shuulu shone umakumi osanwe. Nishakamana sheshi shintu, Leza wakabapa babeteshi kushikila kwa Samuyeli mushinshimi. ²¹ Bamane bantu baakumbila mwami, Leza wakabapa Saulu mwanakwe Kishi, mulombwana waku mushobo wa Benjamini, kwamba abe mwami kwa myaka ili makumi one. ²² Kuvwa awo Leza nakamukusha abwami, wakazhimuna Devidi kuba mwami wabo.Kakuli kwa Devidi Leza nkwakambila, ati, 'Ndayana Devidi mwanakwe Jesi kwaamba abe mulombwana wa mozo wangu, uchita shoonse nshinzanda kwaamba achite.' ²³ Kuvwa ku lunungu lwa mulombwana wezu Leza waleta mufutuli mu Izilayeli, Jeso ukya mbwakashomezha. ²⁴ Katana kushika Jeso, Johani waka kambauka lupapatizo lwakusanduka kubantu boonse bana Izilayeli. ²⁵ Inzho Johani nakamanizha mulimo wakwe, wakaamba ati, 'Mulatelaika ndime ni? Indime wezo.Pele amutelele, nkwaali ulyakwiza kunze lyangu, impato shaku matende akwe nshelele kushangulula.' ²⁶ Nubakwesu, nu bana ba lunungu lwa Abulahamu, ubabo mbumuli abo batiya Leza, nkukuli uswe mulumbe walufutuko nkuwatumwa. ²⁷ Nkaambo bakala mu Jelusalema ubasololi babo baina nibakamuzhiba, ulimwi bakazuzukizha mazwi a bashinshimi alo abalwa lyoonse muchibelu kumubisha walo. ²⁸ Nikuba kuti baina kukayana kaambo kapa chisubulo chakuyayiwa, bakamompolola Pilato kwamba amuyaye. ²⁹ Nibakamanizha shoonse shakakulembelwe makani akwe, bakamukusha a chisamu ukumoneka muchuumbwe. ³⁰ Pele Leza wakamubusha kuvwa ku bafu. ³¹ Wakabonwa kwa mazuba manji kuli babo mbakeza abo kuvwa ku Galilaya kushika ku Jelusalema. Baba bantu inzho mbu bakamboni bakwe ku bantu. ³² Ubobo twamushimwina makani mabotu: Chishomezho chakashika kuma ushesu ³³ Leza wazuzukizha kwesu tubanabo mukumubusha Jeso.Ukoya mbukulembelwe mu ntembauzho yabili: 'Uli mwanangu, bwasunu ndaba uso.' ³⁴ Inzho chaamba makani akubushiwa ku bafu, kwiina naya kuzhoka kukubola, wakamba munzhila yezhi: 'Ndakamupa chilongezho chisalala chakashomezhewa kwa Devidi.' ³⁵ Nchichecho ncha ambila muntembauzho imwi, Kwiina nuya kuvumizha musalali wako kwaamba akabole.' ³⁶ Ukuti Devidi wakasebeza luzando lwa Leza mu musela wakwe, wakoona; wakazhikwa ubamaushi alimwi mubili wakwe wakabola. ³⁷ Pele wezo Leza ngwakabusha wiina nakabola. ³⁸ Ubobo achizhibwe kwenu, nubakwesu, kwaamba kwiitila mu mulombwana wezu lulekelelo lwa shibi lula kambaukwa kuli umwe. Mulawo wa Mozesi tokonzha kumupa kwamba mube balulami. ³⁹ Pele kwiita mwakwe wezu mulombwana Leza ulapanga kuba balulami babo boonse bashoma. ⁴⁰ Inzho amuchenjele kwamba shintu nshuba kaamba bashinshimi shitachitiki kwenu: ⁴¹ 'Amubone, umwe nubasampauzhi, alimwi amuzhingwe mwamana mukafwe; Ukuti n dakuusebeza mulimo mumazuba enu, mulimo ngumutakashomi, nikuba kuti na muntu wambilizha kuli umwe.''' ⁴² Paulu u Banabasi nibakaya, bantu baka kumbila kwaamba aza makani akaambwe alimwi mu Chibelu chizhiza. ⁴³ Nuwa kamana muswangano waku Sinagogu, ba Juda banji banji alimwi bamwi bakulyabile bakabachilila ba Paulu u Banabasi, bakakubambila ukubazumya zumya kwamba baitilizhe muluse lwa Leza. ⁴⁴ Muchibelu chakachilila, munzhi mukando woonse wakabungana kwamba utelele izwi lya Mwami. ⁴⁵ Inzho ba Juda nibakabona bantu banji banji, bakabiilwa ukwaamba mazwi mabiyabi akwatilizha twaambo ntwa kamba Paulu ukumutukana. ⁴⁶ Pele Paulu u Banabasi bakaamba chakubula bukandu alimwi bakaamba ati, "Kachili chizandishi kwamba mazwi a Leza alyelele kutanguna kwaambwa kwenu.Mukulibona ati mwalikaka ukulibisha bisha nubeni kwaamba tamwelele ku bumi buteeli. Amulange tulapiluka ku bavwa mashi. ⁴⁷ Nkaambo Mwami watulailila uswe, ati, 'Ndamusala kuba mumuni wa bantu bakunze, kwamba mulyelele kuleta lufutuko ku masena oonse a muluundu.''' ⁴⁸ Nibakatelela aza bantu bakunze, bakabotelwa alimwi bakalisumpula izwi lya Mwami. Banji banji bakasalwa ku bumi buteeli bakashoma. ⁴⁹ Izwi lya Mwami lyakamwaala mu masena oonse. ⁵⁰ Pele ba Juda bakanyonganya bamakaintu balemekwa ukulisungulwa alimwi u balombwana basololela mu munzhi. Bakazhimuka ukubakwata ba Paulu u Banabasi bamane babatanda mubusena. ⁵¹ Pele Paulu u Banabasi bakaba kunkumunina lufuko lwa kumatende abo. Bamane bakaya kumunzhi mukando wa Ikoniyamu. ⁵² Alimwi bashichiiyabakazula lutangalo u Moza Usalala.