¹ Inzho kumazuba aza, mweelwe wabashichiiya nuwa kuya buvula, kwakaba intongaushi kubama Juda baku Gilisi kutongaukila bama Hebulu, nkaambo bamuka bafu kabatabalanganya kubuyovwi bwakupewa abuzuba abuzuba. ² Ubali ikumi ubobile baketa inkamu inkando ya bashichiiya aaaaamane babambila ati, "Tachili chibotu ati uswe tuleke izwi lya Leza kwamba tukusengela matebulu. ³ Mulyelele ubobo kusala, bakwesu balombwana, balombwana bali chiloba kuvwa akati kenu, balombwana bakwete buponi buli kabotu, bazwile Moza alimwi basongo, babo mbutukabika kwendelezha mulimo wezu. ⁴ Uswe lwesu, tulatolelela kukomba alimwi ukukambauka mulumbe." ⁵ Bwambe bwabo bwakabotelezha inkamu yoonse. Inzho bakasala Sitivini, mulombwana wakuzwile lushomo alimwi u Moza Usalala u Filipo, Polokolasi, Nikana, Timoni, Pamenasi, u Nikolausi, walo wakuli wakunze pele wakasandulwa kuba mu Juda kavwa ku Antiyoki. ⁶ Bashomi bakaleta balombwana baba kumbele lya batumwa, balo bakabakombela ngoona babampa matashi abo. ⁷ Inzho izwi lya Leza lyakatolelela kumwaala, alimwi mweelwe wabashichiiya mu Jelusalema wakakomena alimwi mweelwe mukando wa bapaizhi bakatalika kutobela ku lushomo. ⁸ Inzho Sitivini, uzwile luse iinsana, kachita maleele makando akati ka bantu. ⁹ Pele kwakaba bantu bamwi bakabuka bakakuhulilwa ku sinagogu bakutewa sinagogu wa balombwana bangulule, bana Cyren Limwi ubana Alekizanda, ubamwi baku Cilicia u Asia. Baba bantu kabakazyanya u Sitivini. ¹⁰ Pele baina nibakalozha kuzhima kubusongo u Moza ngwakambya. ¹¹ Bamane bakalya makulo bamwi balombwana kwamba bambe, "Twakamutelela Sitivini ulamba mazwi akutukana Mozesi alimwi ukutukana Leza." ¹² Bakabayunga bantu, basololi, alimwi ubalembi, bamane bakaya kwa Sitivini ukumukwata bamutola ku babeteshi. ¹³ Bakaleta bakamboni babeshi, ubakamba ati, "Wezu mulombwana wina naleka kwamba makani akusampaula busena bobu busalala alimwi u mulawo. ¹⁴ Ukuti twakamutelela ulamba ati wezu Jeso waku Nazaleta ulakayaya bobu busena ukuchincha tunshiya nshiya ntwakatupa Mozesi." ¹⁵ Boonse bakushite munkuta bakamulangilila ngona bakabona bushu bwakwe bwakaboneka ukoya bwa mwangelo.