¹ Chiindi Pita u Johani nibakwaamba ku bantu, bapaizhi u mushilikani mukando wa chikombelo uba Sadukibabakeza nkubabele. ² Bakapenga chini chini nkambo Pita u Johani kabayiisha uku kambauka kubantu mwizhina makani akubuka ku bafwu. ³ Baka bakwata ukubayalila kushikila chifumo, nkambo kali kale mangolezha. ⁴ Pele bantu banji bakaatelela mazwi bakashoma; ulimwi mweelwe wa balombwana bakashoma washika ku shuulu shosanwe. ⁵ Chakachitika ati buzuba bwakachilila ati baleli, basololi alimwi uba lembi bakaswangana boonse mu Jelusalema. ⁶ Mupaizhi mukando Annasi kaliwo, alimwi u kayafasi, u Johani, u Alekizanda, alimwi uboonse ubakuli basazhina mupaizhi mukando. ⁷ Nibakabaleta ba Pita u Johani akati kabo, "mumumnsana nzhi na mumwizhina lyani ndimwachitila sheshi?" ⁸ Inzho Pita, uzwile u Moza Usalala, wakabambila, "Umwe nubaleli ba bantu, alimwi ubasololi, ⁹ natulakubetekwa bwasunu umakani a milimo mibotu yakachitwa ku mulombwana mulwazhi, u munzhila nzhi mulombwana wezu mwakaponena, ¹⁰ achizhibwe kwenu noonse uku bantu boonse bamu Izilayeli kwamba ati wezu mulombwana uzhimine kumbele lyenu waponena mwizhina lya Jeso Kilisito waku Nazaleta, ngumwakabambula, pele walo Leza ngwakabusha kuvwa ku bafu. ¹¹ Jeso Kilisito ndibwe lelyo umwe nubazashi ndimwakaka pele lyalo lyabambwa kuba lya mukona. ¹² Kwiina lufutuko mu luyanwa mu muntu unji, ukuti kwiina izhina linji anshi ano lipelwe ku bantu lyalo mutwelele kufutukila." ¹³ Inzho nibakabona kubula bukandu kwa Pita u Johani bakazhiba ati kabali bantu bulyo, kwiina nkubakayiiya, bakazhingwa, bakatalika kuzhiba ati Pita u Johani kabali u Jeso. ¹⁴ Nkambo bakamubona mulombwana wakaponyewa ulizhimine abo, kabaina chakwamba chalo chitazami kuli chechi. ¹⁵ Pele nibakamana kwambila batumwa kumuvwa mu nkuta, bakalyambya beni u beni. ¹⁶ Bakaamba, "Anu tuchite buti kubalombwana baba? Nkaambo chitondezho chikando chachitwa kwita mwabo, alimwi chechi chabonwa ku muntu woonse ukala mu Jelusalema, alimwi tatukonzha kuchikaka. ¹⁷ Pele kwaamba chitabi nichizandaala kubantu, atubachenjezhe kwamba batamba linji kubantu mwizhina leli." ¹⁸ Bamane bakabetila mukati ukubashimwina ati batakabi linji nibakayiisha nikuba kwamba mwizhina lya Jeso. ^{19 20} Pele Pita u Johani bakabaingula ukubambila ati, "Nakuti chililuleme mu menso a Leza kutobela uwe kubazha nguwe, kosola. Tatuchikonzha kuchileka kwamba shintu shitwabona alimwi ukutelela." ²¹ Kumana kuchenjezhewa Pita u Johani, bakabaleka baya kakwina inzhila njibakayana kwamba babape chisubulo, nkambo boonse bantu kabalumbaizha mwami Leza kuli chakachitika. ²² Mulombwana wakachitikilwa chitondezho chakupona kakwete myaka yakuzhalwa ibaala amakumi one. ²³ Kuvwa nibakangululwa, Pita u Johani bakeza kubantu babo ukwamba oonse makani ngubakamba bapaizhi bakando ubama sololi kubabele. ²⁴ Nibakaatelela aza, bakapozomoka umuzezo womwi kwa Leza ukwamba ati, "Mwami, wakalenga mazeulu iinshi alimwi u lwatele, u shoonse shili mo. ²⁵ Wakamba mu Moza Usalala kwiita mu mulomo wa muzhike wako, ushesu Davida, 'Nkambonzhi bantu bakunze nchibakalemanina ukulitelaisha shintu shabulyo?' ²⁶ Uwe wakaamba, 'Bami ba anshi balalibika antoomwi, alimwi baleli balaswangana antoomwi kulwana Mwami, alimwi kulwana Kilisito.' ²⁷ Nchobeni, oonse Heloda u Pontitasi Pilato, antoomwi u bantu bakunze ubantu baku Izilayeli, bakaswangana antoomwi mu munzhi mukando weno kulwisha muzhike usalala Jeso, wezo ngu wakananika. ²⁸ Bakaswangana antoomwi kuchita shoonse shesho itashi lyako u makanze ako ngakababamba kumbele kwaamba shilakachitika. ²⁹ Inzho, Mwami, langa akuchenjezhewa kwabo amana upe kumuzhike wako ambe mazwi ako kwiina kutazungana. ³⁰ Tandubula itashi lyako liponye ukupa shitondezho umaleele kwiita mwizhina lya muzhike wako usalala Jeso." ³¹ Nibakamana kukomba, busena mbubaka kubele bwakazungana, ulimwi bakazuzhiwa Moza Usalala alimwi bakamba mazwi a Leza kwiina kuzungana. ³² Mweelwe mukando wa babo bakashoma koli wa mozo womwi u moza. Kwiina wakamba ati kufumbwa checho nchaka kukwete na kufuwa kachili chakwe mwini, pele kabakwete shoonse mumuzeezo womwi. ³³ Munsana shikando kabakambauka bumboni bwa bubuke bwa Mwami Jeso, alimwi u luse lukando kaluli abo boonse. ³⁴ Kakwina muntu akati kabo waka kubula nichiba chomwi, kuli babo boonse bakakukwete inshi naba maanda bakauzha ukwaleta mali oonse ngubakauzha ³⁵ ukwabika ku matende a batumwa, alimwi akabilwa kuli boonse kwingaina umwi uumwi ipenzhi lyakwe. ³⁶ Josefa, walo batumwa ngubakwita ati Banabasi (chalo chipandulula ati Mwana shikuzumya zumya), mu Levi, mulombwana waku Saipulasi, ³⁷ wakauzha muunda wakuli wakwe amane waleta mali ukwabika ku matende a batumwa.