¹ Chiindi nikakabambwa ati tulyelele kuya ku Itali, bakamwaaba Paulu ubamwi baange ku mukando wabashilikani wakutewa Juliyasi, kali wakabunga ka Agasitani ka bashilikani. ² Twakaliza mubwato bwaku Adramyttium bwakulangilwa kuya kwiita ku mulando waku Asia. Inzho twakaya a lwatele. Aristarchus waku Tesalonika mu Masedoniya twakaya aze. ³ Nikwakaita buzuba twakashoka mu munzhi mukando wa Sidoni, kwalo koko Juliyasi nkwaka mukwata kabotu chaluse Paulu ukumuvumizha kuya ku beenzhiina kwaamba bamukwate kabotu uku mubamba. ⁴ Kuvwa awo twakaya a lwatele tweenda kwiita kumbali munshi ya lee wa Cyprus, kufwaafwi u chilwa, nkaambo muuwo koungila nkutwakubele. ⁵ Nitwakalanduka a lwatele kwitilila Cilicia u Pamphylia, twakashoka ku Myra, munzhi mukando wa Lycia. ⁶ Koko, mukando wa nkamu wakayana bwato buvwa ku Alexandria bwakulangilwa kuya ku Italy. Wakatubika mumo. ⁷ Nitwakeenda ashoonto ashoonto kwa mazuba manji manji tumane twashika mumakatazho kufwaafwi u Cnidus alimwi muuwo wiina niwakatuvumizha linji kuya luya lolo, twakaita kuluya lwa munzhi wa Crete, ulangene u Salmone. ⁸ Twakeenda kumabali a mulando umakatazho, mane twashika ku busena bumwi butewa Fair Havens, ubuli kufwaafwi u munzhi mukando wa Lasea. ⁹ Inzho twakatola chiindi, chiindi cha kuliimya kwa ba Juda acho chakaita, amane inzho chakatizha kweenda.Inzho Paulu wakaba chenjezha, ¹⁰ ulaamba, "Balombwana musinzo wa ameenzhi ngutuzanda kubweza ukalakwata intenda ukuzonaukilwa kunji kunji, kutali buyo lubono u bwato, pele kubikilizha u maumi esu." ¹¹ Pele mukando wabashilikani wakashoma maningi ngakaamba shikweenzha umukamwini bwato ushitali shakaamba Paulu. ¹² Nkaambo kachitali chuuba kukala ku mulando wezu chiindi cha mweto, banji bakulanduka bakapa muzeezo wakuvwa koko, pele na munzhila imwi tulyelele kushika ku munzhi mukando wa Phoenix, kukala nkuko mweto. Phoenix mulando mu Crete, ulangile ku musanza uku mbala. ¹³ Niwakatalika kuunga muuwo waku musanza kabotu kabotu, bashi kulanduka bakatelaika ati bayana nchiba kuzanda. Ubobo bakanuna inkabyo ukya ku Crete, kufwaafwi umuuma. ¹⁴ Kwiite buyo kaindi kashoonto muuwo mukando utizha wakatalika kuunga kuvwa muchilwa. ¹⁵ Inzho bwato nibwakwatwa makwishita alimwi kabutachikonzha linji bwato kuya kwakuvwa muuwo, twakalindila amane muuwo watutonka. ¹⁶ Twakeenda kumabali a kalwa kashoonto katewa Cauda, alimwi mu makatazho twaka chikonzha kukwabilila bwato bwa bumi. ¹⁷ Nibaka bwanga bwato bwa bumi, bakashi sebezha intambo kwanzha shikwabilizho sha bwato bukando. Bakatiya ati balaba nibati balyuume kunkomwe ya musenga wa Syrtis, ubobo bakabizha inkabyo kumane bakatonkwa kuya. ¹⁸ Twakwata kupenzhiwa kukando umakwishita chakuti buzuba bwakachilila bakatalika kuwala shintu mu meenzhi. ¹⁹ Mu buzuba bwatatu bashi kulanduka bakasowa mu meenzhi shisebezho sha mu bwato umatashi abo. ²⁰ Inzho izuba intongwezhi shiina nishakatu munikila kwa mazuba manji manji alimwi iwuwo ikando kalichituuma limwi bulangizhi bwa kufutulwa bwaya. ²¹ Lelyo nibakakala kwiina chakulya, Paulu wakazhima akati ka bashikulanduka ukwamba "Balombwana, mwaka kwelele kuntelela, alimwi ukuta kuvwa ku Crete, nimwata kwata kulichisa ukuzonaukilwa koku. ²² Inzho ndamulomba amuzume, ukuti kulakwiina kuswekelelwa bumi akati kenu, pele buyo kuswekelwa bwato. ²³ Ukuti mashiku ayita mwangelo wa Leza kwalo ume nkwivulilwa, alimwi walo ngwinkomba-mwangelo wakwe wakazhima kumbali ame ²⁴ ulaamba, Utatiyi, Paulu. Ulyelele kuzhima kumbele lya Kayisala, amana ubone, Leza muluse lwakwe wakupa babo boonse mbu mulanduka abo.' ²⁵ Ubobo amuzume, balombwana! ukuti ndashoma Leza kwaamba shilachitika mbubona mbundakambilwa. ²⁶ Pele tulyelele kushoka amwi a chilwa. ²⁷ Nibwa kashika bushiku bwa ikumi umazuba one, nitwakuya bukunka kuya mu lwatele lwa Adriatic, chiindi cha akati ka mashiku bashi kulanduka bakatelaika ati balaya bushika ku muuma. ²⁸ Bakawaala chipimyo kwaamba babone bulamfu bwa meenzhi bakayana makumi obile; bamane alimwi, bakawaala kweleka bakayana ikumi lyomwi utosanwe. ²⁹ Bakatiya kwamba balaba nibati baume mu mabwe, ubobo bakawaala inkabyo shone baanga amane bakomba kwamba buche. ³⁰ Bashi kulanduka mbuakonzha kubushiya bwato bukando bakawaala bwato bwa bumi mu lwatele, ukubeesha ati balawaala inkabyo kuvwa muchizobwelo chankabyo. ³¹ Pele Paulu wakamba ku mukando wankamu yabashilikani ati, "Chita buyo baba balombwana bakuli mu bwato ubuyo tamukonzha kufutulwa." ³² Bamane bashilikani bakakosola intambo sha bwato ukubuleka bwaya. ³³ Inzho kumanchela, Paulu wakabazumya zumya kwamba boonse balye.Wakaamba ati, "Bono mbuzuba bwa ikumi u osanwe numulindililwa chinichini alimwi mwakala kwiina chakulya-mwiina nimwalya nikucheya. ³⁴ Ubobo ndamulomba amwabane shakulya, ukuti chechi chilazandika kwamba mukuchipona. Ukuti kwiina naba omwi ukaswekelwa niliba isusu lyomwi kuvwa ku mutwi wakwe." ³⁵ Inzho nakamana kwaamba chechi, wakabweza chinkwa amane walumba Leza ku menso abo boonse. amane wachikomona ukutalika kulya. ³⁶ Ubobo bakazumishiwa boonse amane bakabweza chakulya. ³⁷ Twakakuli myaanda yobile u makumi chiloba ubatwesha chisambomwe myoza yabantu mu bwato. ³⁸ Nibakakwana kulya, bakapanga bwato kuuba kwiita mukusowa wheat mu lwatele. ³⁹ Nibwakacha baina kukabuzhiba busena, pele bakabona busena bwakukwete chikobo inzho baka bandishanya na inga bashoka ngawo. ⁴⁰ Inzho bakashizenzezha intambo sha nkabyo bamane bashishiya mu lwatele achiindi nchichona bakashizenzezha intambo sha malela amane bazhimika isamu lya muuwo; inzho bakapama kuchikobo. ⁴¹ Pele bwato bwakaangila amusenga ukushoka. Inkombo yakapatila awo ukuzhima chakuteenda, alimwi bwakanduka nkubuli kunshi nkaambo ka mankwishita. ⁴² Muzeezo wabashilikani koli wakuyaya boonse baange kwaamba kubule naba womwi ukasamba ukuloboka. ⁴³ Pele mukando wa nkamu kazanda kufutula Paulu, ubobo wakabakasha muzeezo wabo; wakambila bakuchikonzha kusamba kwamba batangune kusotoka ukuya a muuma. ⁴⁴ Kwamana boonse balombwana batobele, bamwi a mapulanga, amana bamwi a shintu sha mubwato. Munzhila yezhi chakachitika kwamba toonse tushike kabotu ku muuma.